လွန်ခဲ့သောရက်က စာအုပ်အဟောင်းများကို လှန်လှောကြည့်ရှုရင်း English For All magazine အဟောင်းတစ်ခုမှ ဆောင်းပါးတစ်ပုဒ်ကို ဖတ်ကြည့်မိပါသည်။ ဆောင်းပါးတွင် ဆရာမကြီးဒေါ်ခင်မျိုးချစ်က Amateur, Mecenary နှင့် Professional ဟူသော စကားလုံး ၃လုံး၏ အဓိပ္ပါယ်ကို ရှင်းပြထားခြင်း ဖြစ်ပါသည်။
Amateur—အလုပ်တစ်ခုကို ငွေကြေးအတွက် မဟုတ်ဘဲ အပျော်တမ်း လုပ်ကိုင်သူ။…….သူ ၏ ကျွမ်းကျင်မှုသည် ဝါသနာအရ လုပ်ဆောင်ချက်သာ ဖြစ်သောကြောင့် အားနည်းသည်။ ထိုသူတွင် လူအများကောင်းကျိုးအတွက် ဆောင်ရွက်မည်ဟူသော ကျင့်ဝတ်ပိုင်းတွင် တာဝန်ယူမှု မရှိပါ။ အများအားဖြင့် ကျင့်ဝတ်ပိုင်းတွင် ကောင်းမွန်သည်ဟူသော ဘက်တွင်ရှိသည်။
Mercenary--ငွေကြေး၏ လွှမ်းမိုးခြင်းကို ခံရသောသူ။…အလုပ်အကိုင်ကို ကျွမ်းကျင်စွာ ဆောင်ရွက်နိုင်သည်။ ငွေကြေးကို ထိုသို့ လုပ်ကိုင်ခြင်းမှ ရရှိသည်။ သို့သော် ငွေကြေး၏ လွှမ်းမိုးမှုကြောင့် ကျင့်ဝတ်ပိုင်းတွင် အားနည်းသည်။ ကျင့်ဝတ်ပိုင်းတွင် ငွေရလျှင်ဘာမဆို လုပ်မည် ဟူသော စိတ်ထားရှိသည်။
Professional--လုပ်ကိုင်ရာတွင် အဆင့်မြင့်စွာ လုပ်ကိုင်နိုင်သူ။။….အလုပ်အကိုင်ပိုင်းတွင် ကျွမ်းကျင်မှု မြင့်မားသည်။ ကျင့်ဝတ်ပိုင်း တွင်လည်းစောင့်ထိန်းရမည့် ကျင့်ဝတ်များကို စောင့်ထိန်းသည်။
ထိုသို့ဖတ်မိသောအခါ ကျွန်တော်တို့ လုပ်ကိုင်နေသော အလုပ်အကိုင်များကို ထိုသို့ကျင့်ဝတ်နှင့် ကျွမ်းကျင်မှု ဟူသော ပေတံနှစ်ချောင်းဖြင့် တိုင်းတာကြည့်မိပါသည်။
စိတ်မကောင်းစရာတွေ ရှိရမှုကား ကျွန်တော်တို့ တိုင်းပြည်တွင် Professional များ၏ အရေအတွက်မှာ အထူးပင် နည်းပါးလျှက်ရှိပါသည်။ အကယ်၍ ရှိခဲ့လျှင်လည်း ဆက်လက်ရှင်သန်လုပ်ကိုင်ရန် အခွင့်အလမ်း နည်းပါးခြင်းဖြစ်သည်။
ကျွန်တော်သည် တစ်ခါက သူငယ်ချင်းတစ်ဦးနှင့် အဖော်လိုက်သွားကား ခရီးတစ်ခုကို သွားမိပါသည်။ ကျွန်တော်တို့သည် တောင်ငူမြို့အနီးမှ ရေအားလျှပ်စစ်စီမံကိန်းတစ်ခုရှိ အင်ဂျင်နီယာတစ်ဦးထံသို့ သွားရောက် တွေ့ဆုံခြင်း ဖြစ်ပါသည်။ ထိုအနီးနားတဝိုက်တွင် အစိုးရ၏ဝန်ကြီးဌာနကြီး ၃ခုရုံးစိုက်၍ ထားပါသည်။ ကျွန်တော်တို့နှင့် အင်ဂျင်နီယာသူငယ်ချင်း စကားပြောဆိုကြသောအခါ သူက ကျွန်တော်တို့အလုပ်က မလွယ်ဘူးဗျ။ အထက်အရာရှိက လက်အောက်ငယ်သားကို အဆင်မပြေရင် ငါနဲ့ ကိုင်တုတ်ပြီး ဆဲချင်ဆဲတာ၊ တစ်ခါတစ်လေ ကိုယ်ထိလက်ရောက်တောင်ပါတယ်လို့ ပြောပါတယ်။
ကျွန်တော်သည် နိုင်ငံရပ်ခြားတွင် အလုပ်လုပ်သောသူ ဖြစ်ခြင်းကြောင့် ထိုစကားကို ကြားရသောအခါ အံသြမိပါသည်။ အင်ဂျင်နီယာ ပညာရှင်တစ်ဦး၏ ဂုဏ်သိက္ခာ ထိခိုက်စေမည့် အပြောအဆိုခံရခြင်းမျိုးကို လုံး၀ လက်ခံနိုင်စရာမရှိဟု မိမိ၏စိတ်ထဲတွင် ထင်မြင်ယူဆခဲ့ပါသည်။
ထိုအင်ဂျင်နီယာ သူငယ်ချင်းကလည်း ခက်ခဲသော အင်ဂျင်နီယာ အတတ်ပညာဖြင့် မည်သို့ တည်ဆောက်လိုက်သည်ထက် လူကြီးများ လာရောက်ကြည့်ရှုပါက ဆောင်ရွက်ရသော ပြင်ဆင်မှုများ၊ လောလောဆယ် စိုက်သုံးထားရသော ငွေကြေးများအတွက် အကွက်ရွေ့ထားမှု များကို ပြောပြနေသေးသည်။
ထိုသို့ စိတ်ထဲတွင် မရှင်းလင်းခြင်းများကို ရှင်းလင်းသွားစေသည့် အဖြစ်မှာ- ဆေးလိပ်သောက် ချင်၍ ဆေးလိပ်သွားဝယ်ရာ ထမင်းဆိုင်တွင် ပြည်တွင်းထုတ် တံဆိပ်များမရှိပဲ ငါးသုံးလုံး၊ မာဘိုရို-စသော နိုင်ငံခြား တံဆိပ် များသာရှိပါသည်။ ထိုဆေးလိပ်များသည်လည်း အလိပ်လိုက် မရောင်းပဲ၊ ဗူးလိုက်သာ ရောင်းပါသည်ဟု ဆိုင်ရှင် ဖြေကြားချက် ဖြစ်ပါသည်။ သူငယ်ချင်း၏ တပည့်လေးကို မေးကြည့်သောအခါ ထို တောထဲတွင် မာဆတ် တောင်ရှိပါသေးသည် ဟုပြောပါသည်။
အင်း....ဒါကြောင့် တတ်မြောက်သည့် အတတ်ပညာတွေထက် ငွေကြေးအကွက်ရွေ့မှုများကိုပြောကာ၊ ကိုယ့် သိက္ခာကို မေ့ထားကာ အသက်ရှင်နိုင်ခြင် ပေဟု သိလိုက်ရတော့သည်။ အခုတော့ နိုင်ငံခြားဒေါ်လာစား ဟု အမည်တပ်ခြင်းခံရသော ကျွန်တော်မှာ တိုက်ခန်းလေး တစ်ခန်းတောင် မပိုင်ပါ။ အင်ဂျင်နီယာ သူငယ်ချင်း ကတော့ သိန်းထောင်ကျော် လုံးချင်းတိုက်ဖြင့် နေပါသည်။
ယခုတလော ကျွန်တော်တို့ကြားသိနေရသော ဆရာဝန်များ၏ မှားယွင်း မှုများ၊ ပေါ့ဆ မှုများသည် ကောင်းမွန်စွာ ဆောင်ရွက်ချင်သော်လည်း၊ ကျွမ်းကျင်မှု မပြည့်ဝသော Amateur များ၊ သို့မဟုတ် ငွေကြေးမျက်နှာ ကိုသာကြည့်၍ မိမိ၏လုပ်ဆောင်ချက်ပေါ်တွင် တာဝန်ယူစိတ်နည်း သော Mercenary များကြောင့် ဖြစ်နိုင်သည်။ မမှားသောရှေ့နေ၊ မသေသောဆေးသမား မရှိဟူသောကြောင့် တခါတလေ မှားယွင်းမိသော Professional များလည်းဖြစ်နိုင်ပေမည်။
သို့ရာတွင် တိုကင်နံပါတ် အများကြီးပေးထားသော ဆရာဝန်ကြီးသည် သူပေးလိုက်သော အချိန်က လူနာ၏ ရောဂါစစ်တမ်းအတွက် လုံလောက်ပါ ရဲ့လားကတော့ သံသယဝင်စရာပင်ဖြစ်သည်။
ထိုအင်ဂျင်နီယာသူငယ်ချင်းနေရာတွင် အတတ်ပညာနှင့် ကျင့်ဝတ်ကို လေးစားသော Professional တစ်ဦးရှင်သန် နိုင်မည်လားဟု ကျွန်တော်ကို မေးလာပါက ရှင်သန်နိုင်မည်မထင်ပါဟုသာ ပြောချင်ပါသည်။ ကျွန်တော်ကိုယ်တိုင်လည်း ကျင့်ဝတ်များကို စောင့်ထိန်းနိုင်မည်ဟု အာမ မခံနိုင်ပါ။ ကျွန်တော်လည်း လောကီ လူသားတစ်ဦး ပင်ဖြစ်ပါသည်။
ကျွန်တော်တို့ လူနေမှုအသိုင်းအဝိုင်းကလည်း Professional များ ရှင်သန်ရန် အားမထားထိုက် သေးပါ ဟုလည်း စောဒက တက်ချင်မိပါသည်။ အလုပ်အကိုင်အတွက် ရရှိသော ရိက္ခာ-လစာ မှာလည်း လုံလောက်မှု မရှိဟု ဆိုချင်ပါသည်။
လူနေမှုပတ်ဝန်းကျင်ကလည်း တာဝန်နှင့် ကျင့်ဝတ်ကို လေးစားလိုက်နာကြသော Professional ကို တန်ဖိုးထားမှု အားနည်းလျှက် ရှိသည်။ နေရာတကာတွင် ကိုယ်လုပ်သော အလုပ်က ကိုယ့်ကို ထမင်းကျွေးသည်ဟူသော အလုပ်အပေါ် တန်ဖိုးထားမှုထက် အထက်အရာရှိက ကိုယ့်၏ တိုးတက်ရေးအတွက် အရေးပါသည် ဟူသော စိတ်ဓါတ်များသည် စိတ်မကောင်းဖွယ်ရာ ထွန်းကားလျှက် ရှိပါသည်။
ထိုသို့သော စိတ်ဓါတ်ပိုင်ရှင်များသည် မိမိတို့ အသိုင်းအဝိုင်းတွင် ကျင်လည်နေပါက၊ သိပ်မထင်ရှားသော် လည်း၊ နိုင်ငံရပ်ခြားတွင် လုပ်ကိုင်ရသော အခါတွင်လည်း အကျင့်ပါကာ အလုပ်ထက်၊ အထက်အရာရှိကို ကပ်ဖါးသောကြောင့် လူမျိုးခြားများ အလယ်တွင် ကိုယ့်လူမျိုးမျက်နှာငယ်ရသော ဖြစ်ရပ်များကို လည်းေတွေ့ကြုံဖူးပါသည်။
ကျွန်တော်တို့ နိုင်ငံ၏ နှမြောစရာ ဦးနှောက်ယိုစီးမှုများသည် Professional ပီသစွာ နေထိုင်ရန် ခက်ခဲခြင်းနှင့်လည်း သက်ဆိုင်ပါသည်။ နှစ်ပေါင်းများစွာ ကျွမ်းကျင်စွာ လုပ်ကိုင်ဆောင်ရွက် ခဲ့ပါသော်လည်း၊ နောက်တစ်ဆင့် ရာထူးကို မိုးပေါ်မှ ကျလာသည့် မိုးကျရွှေကိုယ်များက ယူသွားသောကြောင့် အရည်အချင်းနှင့် အတွေ့အကြုံရှိသော လူကောင်းများကို ဆုံးရှုံးခဲ့ပေါင်းလည်း များလှပြီ ဖြစ်သည်။
ထို့ကြောင့် ယနေ့ကာလတွင် စာပေနှင့် အနုပညာဘက်တွင် သိက္ခာနှင့်ဝါ ကြီးမားသော ဆရာကြီးများ ဆုံးပါးသွားကာ အစားထိုးစရာ လက်သစ်များ ရှားပါးလျှက်ရှိသည်ကို တွေ့မြင်နိုင်ပေမည်။
မည်သည့်ပညာရပ်မဆို အခြေခံများကို ကျေညှက်စွာ မလေ့လာပါက အဆင့်တစ်နေရာ အရောက်တွင် ထပ်တိုး၍မရဘဲ ဖြစ်သကဲ့သို့ “လူမှန် နေရာ မှန်’’ ဟူသော အခြေခံအဆင့်ကို မလိုက်နာပါက တိုးတက်မှုများတွင် နှောင့်နှေးနေရန် အကြောင်းများ ဖြစ်လာနိုင် ပါသည်။
ထိုကြောင့် ကျင့်ဝတ်များကို လိုက်နာစေရန် ဥပဒေများ၊ စည်းကမ်းချက်များဖြင့် ထိန်းကြောင်းရန်လိုသကဲ့သို့ သိက္ခာစောင့်ထိန်းရန်မှာ ကျွန်တော်တို့၏ လူ့အဖွဲ့အစည်းကို လူ့ဂုဏ်သိက္ခာ ကိုလေးစားသော လူ့အဖွဲ့အစည်း ဖြစ်ရန် ပြုစုပျိုးထောင်ရန် လိုအပ်သည် ဟု ထင်မြင်မိပါသည်။
Note--Amateur—person who does something for enjoyment and without being paid
Mercenary—adj-influenced by the wish for money
Professional—adj-showing high standard of work
( Zawgyi )
လြန္ခဲ့ေသာရက္က စာအုပ္အေဟာင္းမ်ားကို လွန္ေလွာႀကည့္ရႈရင္း
English For All magazine အေဟာင္းတစ္ခုမွ ေဆာင္းပါးတစ္ပုဒ္ကို ဖတ္ႀကည့္မိပါသည္။ ေဆာင္းပါးတြင္
ဆရာမႀကီးေဒၚခင္မ်ိဳးခ်စ္က Amateur, Mecenary ႏွင့္ Professional ဟူေသာ စကားလံုး ၃လံုး၏
အဓိပၸါယ္ကို ရွင္းၿပထားၿခင္း ၿဖစ္ပါသည္။
Amateur—အလုပ္တစ္ခုကို
ေငြေႀကးအတြက္ မဟုတ္ဘဲ အေပ်ာ္တမ္း လုပ္ကိုင္သူ။…….သူ ၏ ကၽြမ္းက်င္မႈသည္ ၀ါသနာအရ
လုပ္ေဆာင္ခ်က္သာ ၿဖစ္ေသာေႀကာင့္ အားနည္းသည္။ ထိုသူတြင္ လူအမ်ားေကာင္းက်ိဳးအတြက္
ေဆာင္ရြက္မည္ဟူေသာ က်င့္၀တ္ပိုင္းတြင္ တာ၀န္ယူမႈ မရွိပါ။ အမ်ားအားၿဖင့္ က်င့္၀တ္ပိုင္းတြင္
ေကာင္းမြန္သည္ဟူေသာ ဘက္တြင္ရိွသည္။
Mercenary--ေငြေႀကး၏
လႊမ္းမိုးၿခင္းကို ခံရေသာသူ။…အလုပ္အကိုင္ကို ကၽြမ္းက်င္စြာ ေဆာင္ရြက္ႏိုင္သည္။
ေငြေႀကးကို ထိုသို႔ လုပ္ကိုင္ၿခင္းမွ ရရိွသည္။ သို႔ေသာ္ ေငြေႀကး၏ လႊမ္းမိုးမႈေႀကာင့္
က်င့္၀တ္ပိုင္းတြင္ အားနည္းသည္။ က်င့္၀တ္ပိုင္းတြင္ ေငြရလွ်င္ဘာမဆို လုပ္မည္ ဟူေသာ
စိတ္ထားရွိသည္။
Professional--လုပ္ကိုင္ရာတြင္ အဆင့္ၿမင့္စြာ
လုပ္ကိုင္ႏိုင္သူ။။….အလုပ္အကိုင္ပိုင္းတြင္ ကၽြမ္းက်င္မႈ ၿမင့္မားသည္။ က်င့္၀တ္ပိုင္း
တြင္လည္းေစာင့္ထိန္းရမည့္ က်င့္၀တ္မ်ားကို ေစာင့္ထိန္းသည္။
ထုိသို႔ဖတ္မိေသာအခါ ကၽြန္ေတာ္တို႔ လုပ္ကိုင္ေနေသာ
အလုပ္အကိုင္မ်ားကို ထုိသို႔က်င့္၀တ္ႏွင့္ ကၽြမ္းက်င္မႈ ဟူေသာ ေပတံႏွစ္ေခ်ာင္းၿဖင့္
တိုင္းတာႀကည့္မိပါသည္။
စိတ္မေကာင္းစရာေတြ ရိွရမႈကား ကၽြန္ေတာ္တို႔
တိုင္းၿပည္တြင္ Professional မ်ား၏ အေရအတြက္မွာ အထူးပင္ နည္းပါးလွ်က္ရိွပါသည္။ အကယ္၍
ရွိခဲ့လွ်င္လည္း ဆက္လက္ရွင္သန္လုပ္ကိုင္ရန္ အခြင့္အလမ္း နည္းပါးၿခင္းၿဖစ္သည္။
ကၽြန္ေတာ္သည္ တစ္ခါက သူငယ္ခ်င္းတစ္ဦးႏွင့္
အေဖာ္လိုက္သြားကား ခရီးတစ္ခုကို သြားမိပါသည္။ ကၽြန္ေတာ္တို႔သည္ ေတာင္ငူၿမိဳ႕အနီးမွ
ေရအားလွ်ပ္စစ္စီမံကိန္းတစ္ခုရိွ အင္ဂ်င္နီယာတစ္ဦးထံသို႔ သြားေရာက္ ေတြ႕ဆံုၿခင္း
ၿဖစ္ပါသည္။ ထုိအနီးနားတ၀ိုက္တြင္ အစိုးရ၏၀န္ႀကီးဌာနႀကီး ၃ခုရံုးစိုက္၍ ထားပါသည္။ ကၽြန္ေတာ္တို႔ႏွင့္
အင္ဂ်င္နီယာသူငယ္ခ်င္း စကားေၿပာဆိုႀကေသာအခါ သူက ကၽြန္ေတာ္တို႔အလုပ္က မလြယ္ဘူးဗ်။
အထက္အရာရိွက လက္ေအာက္ငယ္သားကို အဆင္မေၿပရင္ ငါနဲ႔ ကိုင္တုတ္ၿပီး ဆဲခ်င္ဆဲတာ၊ တစ္ခါတစ္ေလ
ကိုယ္ထိလက္ေရာက္ေတာင္ပါတယ္လို႔ ေၿပာပါတယ္။
ကၽြန္ေတာ္သည္ ႏိုင္ငံရပ္ၿခားတြင္
အလုပ္လုပ္ေသာသူ ၿဖစ္ၿခင္းေႀကာင့္ ထိုစကားကို ႀကားရေသာအခါ အံႀသမိပါသည္။ အင္ဂ်င္နီယာ
ပညာရွင္တစ္ဦး၏ ဂုဏ္သိကၡာ ထိခိုက္ေစမည့္ အေၿပာအဆိုခံရၿခင္းမ်ိဳးကို လံုး၀
လက္ခံႏုိင္စရာမရိွဟု မိမိ၏စိတ္ထဲတြင္ ထင္ၿမင္ယူဆခဲ့ပါသည္။
ထုိအင္ဂ်င္နီယာ သူငယ္ခ်င္းကလည္း
ခက္ခဲေသာ အင္ဂ်င္နီယာ အတတ္ပညာၿဖင့္ မည္သို႔ တည္ေဆာက္လိုက္သည္ထက္ လူႀကီးမ်ား
လာေရာက္ႀကည့္ရႈပါက ေဆာင္ရြက္ရေသာ ၿပင္ဆင္မႈမ်ား၊ ေလာေလာဆယ္ စိုက္သံုးထားရေသာ
ေငြေႀကးမ်ားအတြက္ အကြက္ေရြ႕ထားမႈ မ်ားကို ေၿပာၿပေနေသးသည္။
ထိုသို႔ စိတ္ထဲတြင္
မရွင္းလင္းၿခင္းမ်ားကို ရွင္းလင္းသြားေစသည့္ အၿဖစ္မွာ- ေဆးလိပ္ေသာက္ ခ်င္၍
ေဆးလိပ္သြား၀ယ္ရာ ထမင္းဆိုင္တြင္ ၿပည္တြင္းထုတ္ တံဆိပ္မ်ားမရိွပဲ ငါးသံုးလံုး၊
မာဘုိရုိ-စေသာ ႏိုင္ငံၿခား တံဆိပ္ မ်ားသာရိွပါသည္။ ထိုေဆးလိပ္မ်ားသည္လည္း
အလိပ္လိုက္ မေရာင္းပဲ၊ ဗူးလိုက္သာ ေရာင္းပါသည္ဟု ဆိုင္ရွင္ ေၿဖႀကားခ်က္ ၿဖစ္ပါသည္။
သူငယ္ခ်င္း၏ တပည့္ေလးကို ေမးႀကည့္ေသာအခါ ထို ေတာထဲတြင္ မာဆတ္ ေတာင္ရိွပါေသးသည္
ဟုေၿပာပါသည္။
အင္း....ဒါေႀကာင့္ တတ္ေၿမာက္သည့္ အတတ္ပညာေတြထက္
ေငြေႀကးအကြက္ေရြ႕မႈမ်ားကိုေၿပာကာ၊ ကိုယ့္ သိကၡာကို ေမ့ထားကာ အသက္ရွင္ႏိုင္ၿခင္
ေပဟု သိလိုက္ရေတာ့သည္။ အခုေတာ့ ႏိုင္ငံၿခားေဒၚလာစား ဟု အမည္တပ္ၿခင္းခံရေသာ
ကၽြန္ေတာ္မွာ တိုက္ခန္းေလး တစ္ခန္းေတာင္ မပိုင္ပါ။ အင္ဂ်င္နီယာ သူငယ္ခ်င္း ကေတာ့
သိန္းေထာင္ေက်ာ္ လံုးခ်င္းတိုက္ၿဖင့္ ေနပါသည္။
ယခုတေလာ ကၽြန္ေတာ္တို႔ႀကားသိေနရေသာ ဆရာ၀န္မ်ား၏
မွားယြင္း မႈမ်ား၊ ေပါ့ဆ မႈမ်ားသည္ ေကာင္းမြန္စြာ ေဆာင္ရြက္ခ်င္ေသာ္လည္း၊ ကၽြမ္းက်င္မႈ
မၿပည့္၀ေသာ Amateur မ်ား၊ သို႔မဟုတ္ ေငြေႀကးမ်က္ႏွာ ကိုသာႀကည့္၍
မိမိ၏လုပ္ေဆာင္ခ်က္ေပၚတြင္ တာ၀န္ယူစိတ္နည္း ေသာ Mercenary မ်ားေႀကာင့္
ၿဖစ္ႏုိင္သည္။ မမွားေသာေရွ႕ေန၊ မေသေသာေဆးသမား မရိွဟူေသာေႀကာင့္ တခါတေလ
မွားယြင္းမိေသာ Professional မ်ားလည္းၿဖစ္ႏိုင္ေပမည္။
သို႔ရာတြင္ တိုကင္နံပါတ္ အမ်ားႀကီးေပးထားေသာ
ဆရာ၀န္ႀကီးသည္ သူေပးလိုက္ေသာ အခ်ိန္က လူနာ၏ ေရာဂါစစ္တမ္းအတြက္ လံုေလာက္ပါ ရဲ႕လားကေတာ့
သံသယ၀င္စရာပင္ၿဖစ္သည္။
ထိုအင္ဂ်င္နီယာသူငယ္ခ်င္းေနရာတြင္ အတတ္ပညာႏွင့္
က်င့္၀တ္ကို ေလးစားေသာ Professional တစ္ဦးရွင္သန္ ႏိုင္မည္လားဟု ကၽြန္ေတာ္ကို
ေမးလာပါက ရွင္သန္ႏုိင္မည္မထင္ပါဟုသာ ေၿပာခ်င္ပါသည္။ ကၽြန္ေတာ္ကိုယ္တိုင္လည္း က်င့္၀တ္မ်ားကို
ေစာင့္ထိန္းႏုိင္မည္ဟု အာမ မခံႏိုင္ပါ။ ကၽြန္ေတာ္လည္း ေလာကီ လူသားတစ္ဦး ပင္ၿဖစ္ပါသည္။
ကၽြန္ေတာ္တို႔ လူေနမႈအသိုင္းအ၀ိုင္းကလည္း
Professional မ်ား ရွင္သန္ရန္ အားမထားထိုက္ ေသးပါ ဟုလည္း ေစာဒက တက္ခ်င္မိပါသည္။
အလုပ္အကိုင္အတြက္ ရရိွေသာ ရိကၡာ-လစာ မွာလည္း လံုေလာက္မႈ မရိွဟု ဆိုခ်င္ပါသည္။
လူေနမႈပတ္၀န္းက်င္ကလည္း
တာ၀န္ႏွင့္ က်င့္၀တ္ကို ေလးစားလိုက္နာႀကေသာ Professional ကို တန္ဖိုးထားမႈ
အားနည္းလွ်က္ ရိွသည္။ ေနရာတကာတြင္ ကိုယ္လုပ္ေသာ အလုပ္က ကုိယ့္ကို ထမင္းေကၽြးသည္ဟူေသာ အလုပ္အေပၚ တန္ဖိုးထားမႈထက္ အထက္အရာရိွက ကုိယ့္၏ တိုးတက္ေရးအတြက္ အေရးပါသည္
ဟူေသာ စိတ္ဓါတ္မ်ားသည္ စိတ္မေကာင္းဖြယ္ရာ ထြန္းကားလွ်က္ ရိွပါသည္။
ထိုသို႔ေသာ စိတ္ဓါတ္ပိုင္ရွင္မ်ားသည္
မိမိတို႔ အသိုင္းအ၀ိုင္းတြင္ က်င္လည္ေနပါက၊ သိပ္မထင္ရွားေသာ္ လည္း၊ ႏုိင္ငံရပ္ၿခားတြင္
လုပ္ကိုင္ရေသာ အခါတြင္လည္း အက်င့္ပါကာ အလုပ္ထက္၊ အထက္အရာရိွကို ကပ္ဖါးေသာေႀကာင့္
လူမ်ိဳးၿခားမ်ား အလယ္တြင္ ကုိယ့္လူမ်ိဳးမ်က္ႏွာငယ္ရေသာ ၿဖစ္ရပ္မ်ားကို လည္းေေတြ႔ႀကံဳဖူးပါသည္။
ကၽြန္ေတာ္တို႔
ႏုိင္ငံ၏ ႏွေၿမာစရာ ဦးေႏွာက္ယိုစီးမႈမ်ားသည္ Professional ပီသစြာ ေနထိုင္ရန္
ခက္ခဲၿခင္းႏွင့္လည္း သက္ဆိုင္ပါသည္။ ႏွစ္ေပါင္းမ်ားစြာ ကၽြမ္းက်င္စြာ လုပ္ကိုင္ေဆာင္ရြက္ ခဲ့ပါေသာ္လည္း၊
ေနာက္တစ္ဆင့္ ရာထူးကို မိုးေပၚမွ က်လာသည့္ မိုးက်ေရႊကိုယ္မ်ားက ယူသြားေသာေႀကာင့္
အရည္အခ်င္းႏွင့္ အေတြ႕အႀကံဳရိွေသာ လူေကာင္းမ်ားကို ဆံုးရွဳံးခဲ့ေပါင္းလည္း
မ်ားလွၿပီ ၿဖစ္သည္။
ထို႔ေႀကာင့္ ယေန႕ကာလတြင္ စာေပႏွင့္
အႏုပညာဘက္တြင္ သိကၡာႏွင့္၀ါ ႀကီးမားေသာ ဆရာႀကီးမ်ား ဆံုးပါးသြားကာ အစားထိုးစရာ
လက္သစ္မ်ား ရွားပါးလွ်က္ရိွသည္ကို ေတြ႕ျမင္ႏိုင္ေပမည္။
မည္သည့္ပညာရပ္မဆို
အေၿခခံမ်ားကို ေက်ညွက္စြာ မေလ့လာပါက အဆင့္တစ္ေနရာ အေရာက္တြင္ ထပ္တုိး၍မရဘဲ ၿဖစ္သကဲ့သို႔
“လူမွန္ ေနရာ မွန္’’ ဟူေသာ အေၿခခံအဆင့္ကို
မလိုက္နာပါက တိုးတက္မႈမ်ားတြင္ ေႏွာင့္ေႏွးေနရန္ အေႀကာင္းမ်ား ၿဖစ္လာႏုိင္ ပါသည္။
ထိုေႀကာင့္ က်င့္၀တ္မ်ားကို
လိုက္နာေစရန္ ဥပေဒမ်ား၊ စည္းကမ္းခ်က္မ်ားၿဖင့္ ထိန္းေၾကာင္းရန္လိုသကဲ့သို႔ သိကၡာေစာင့္ထိန္းရန္မွာ
ကၽြန္ေတာ္တို႔၏ လူ့အဖြဲ႕အစည္းကို လူ့ဂုဏ္သိကၡာ ကိုေလးစားေသာ လူ့အဖြဲ႕အစည္း ၿဖစ္ရန္
ၿပဳစုပိ်ဳးေထာင္ရန္ လိုအပ္သည္ ဟု ထင္ၿမင္မိပါသည္။
Note--Amateur—person who does something for enjoyment and
without being paid
Mercenary—adj-influenced by the wish for money
Professional—adj-showing high standard of work