Sunday, October 13, 2013

အောင်မြင်ချင်သော လူငယ်တိုင်းသို့ ( ၂ )



“ကျွန်တော် အလုပ်တော်တော်များများ လုပ်ကိုင်ဖူးတယ် အစ်ကို။ ကျွန်တော် ဝါသနာမပါဘူး။ မကျွမ်းကျင်ဘူး။ ဒီလုပ်ငန်းမှာတော့ ဝါသနာပါတယ်။ ကျွမ်းကျင်မှုလည်း အထိုက်အလျောက်ရှိပါတယ်။ စိတ်လည်းဝင်စားတယ်။ အဲဒါကြောင့်ပါ။”

“ဟုတ်ပြီ။ မင်းဖြစ်ချင်တဲ့ဘဝရည်မှန်းချက်နဲ့ နည်းနည်းနီးစပ်လာပြီ။ ဆက်မေးမယ်။ မင်းဘဝရဲ့ ရည်မှန်းချက်အတွက် မင်းဘာတွေပြင်ဆင်ပြီးပြီလဲ။”


“ဗျာ။ ကျွန်တော်ကောင်းကောင်း မသိဘူး။ နားမလည်ဘူး။”


“ဒီလိုလေ အောင်မြင်တဲ့ ဟော်တယ်လုပ်ငန်းရှင်ကြီးဆိုပြီး ခြုံပြီးလုံးမချနဲ့ကွ။ စောစောကပြောသလို တိကျမှ၊ သေချာမှ၊ ပိုင်နိုင်မှ မဟုတ်လား။ အောင်မြင်တဲ့ ဟိုတယ်လုပ်ငန်းရှင်ကြီးတစ်ဦးရဲ့ ပုံရိပ်စိတ်ကူးကို ညီလေးအနေနဲ့ အထင်အရှား အပီအပြင် သိမြင်ဖို့လိုတယ်ကွဲ့။ အဲဒီလို ကိုယ့်ဘဝရည်ရွယ်ချက်ရော၊ ယုံကြည်ရာ အထင်အရှားသိမြင်ခြင်းကို ( Imagination ) လို့ ခေါ်တယ်။ တစ်နည်းပြောရရင် Self-image ပေါ့။ Self-image ထင်ရှားပီပြင်နေပြီဆိုရင် အဲဒီအတိုင်းဖြစ်ပေါ်လာဖို့ ရရှိဖို့အတွက် အလိုအလျောက် စီစဉ်ဆုံးဖြတ်ပြီးသား ( Auto Suggestion ) ဖြစ်သွားနိုင်တယ်လေ။ မင်း ဒီအထိ နားလည်ရဲ့လား။”

“ဟုတ်ကဲ့အစ်ကို၊ ကိုယ့်ဘဝရည်မှန်းချက် ပုံရိပ်အနေအထားကို အတိအကျ အသေအချာဖြစ်ဖို့ ပြောတာမဟုတ်လား။ အဲဒီတိကျတဲ့ဘဝရည်မှန်းချက်ပုံရိပ်ဟာ ကိုယ်ကိုယ်တိုင်အမှန်တကယ်ဖြစ်ချင်ပြီး၊ လိုလားတောင့်တတဲ့အရာ ဖြစ်ဖို့လိုတယ်လို့ ပြောတာပေါ့နော်။”
“ဟုတ်တယ် အခြားသူတစ်ဦးက တိုက်တွန်းလို့၊ အားပေးလို့၊ တခြားသူကို အားကျလို့၊ သူလိုဖြစ်ချင်လို့ဆိုတဲ့ ထင်ယောင်ထင်မှားနေတဲ့စိတ်ဟာ ဘဝတိုးတက်ရေးအတွက် ဒုက္ခအပေးဆုံးပဲ။ မဟာ အတားအဆီးကြီးတစ်ခုပဲ။ ဒါကြောင့် ကိုယ့်ဘဝရည်မှန်းချက်ပုံရိပ် အထင်အရှားရှိနေဖို့ စီစစ်ဖို့ အရေးကြီးတယ် ညီလေး။ အဲဒီဘဝရည်မှန်းချက်အထင်အရှားရှိနေပြီဆိုရင် ကိုယ့်ရဲ့မသိစိတ်ရဲ့ မဟာစွမ်းအားကိုပါ ရယူအသုံးပြုနိုင်မှာ အသေအချာပဲ။ ဒါဆိုရင် မင်းဘဝ အောင်မြင်ဖို့ဖြစ်လာပြီပေါ့။”
“သိစိတ်နဲ့ မသိစိတ်ကိုတော့ ရေပြင်ထက်မှာပေါ်နေတဲ့ ရေခဲတုံးအပိုင်းလေးဟာ သိစိတ်ဆိုရင်၊ ရေအောက်မှာရှိနေတဲ့ မမြင်ရတဲ့အပိုင်းက မသိစိတ်ဖြစ်တယ်ဆိုတာ ကြားဖူးပါတယ်။ မသိစိတ်ဟာ ရမြင်သာဖို့ မလွယ်ကူသလို ဘယ်လောက်ကျယ်ကျယ်ပြန့်ပြန့် နက်ရှိုင်းတယ်ဆိုတာ မသိနိုင်ဘူးတဲ့။ အစ်ကို စောစောကပြောတဲ့အထဲမှာ သိစိတ်တစ်ဝက်အခြေအနေဆိုတာ ဘယ်အပိုင်းလဲ ပြောပြပါဦး။”
“မှန်တယ်၊ လူတွေပြောဆို၊ ထိတွေ့ခံစားနေကြတာတွေက သိစိတ်ထဲမှာပဲရှိနေကြတာပါ။ မသိစိတ်ကတော့ မမြင်သာ၊ မထင်ရှားပေမဲ့ အလွန်ကျယ်ပြန့်နက်ရှိုင်းပြီး အနှိုင်းမဲ့စွမ်းအားကြီးမားလှပါတယ်။ သိစိတ်တစ်ဝက် ( Subconscious ) အကြောင်းပြောရရင် သိစိတ်နဲ့ မသိစိတ်ကြားမှာ ရှိနေတဲ့ စိတ်အခြေအနေတစ်ခုပါ။ သိစိတ်နဲ့ လက်ခံယူဆယုံကြည်ထားတာတွေကို သိစိတ်တစ်ဝက်အနေအထားမှာ မှတ်သားပြုထားတာတွေနဲ့ နှိုင်းယှဉ်စိစစ်တယ်။ အရင်က မှတ်သားပြုထားတာတွေနဲ့ ကိုက်ညီတယ်ဆိုရင် လက်ခံယုံကြည်သွားတော့တာပဲ။ အဲဒီယုံကြည်မှုဟာ မသိစိတ်ထဲအထိ ရောက်ရှိလက်ခံပြီဆိုရင်တော့ အဲဒီယုံကြည်ချက်အတိုင်း အထမြောက်အောင်မြင်သွားတော့တာပဲ။ ဒါပေမယ့် ”
“ဒါပေမယ့် ဘာဖြစ်လဲအစ်ကို။ မသိစိတ်မှာ ယုံကြည်လက်ခံဖို့အတွက်ကရော..”
“ဒါပေမယ့်ဆိုတာ ဒီလိုပါ။ မသိစိတ်ကို မရောက်ခင် သိစိတ်နဲ့ တွေ့ထိသိရှိမှတ်သားမှုတွေကို သိစိတ်တစ်ဝက်အနေအထားမှာ အမှတ်အသားပြုထားတာတွေနဲ့ နှိုင်းယှဉ်စဉ်းစားစိစစ်တဲ့အခါ အရင်က မှတ်သားထားတာတွေနဲ့ ကိုက်ညီမှု ရှိ၊ မရှိ ကြည့်တယ်။ တစ်နည်းပြောရရင် အရင်က အမှတ်အသားပြုထားတဲ့အချက်တွေ အစွဲတွေနဲ့တိုင်းတာ ကိုက်ညှိတတ်ကြတယ်။ တကယ့်အမှန်တရား ဖြစ်နေရင်တောင် အစွဲနဲ့ သုံးသပ်မိနေတာတွေ ရှိတတ်တာတွေရှိတယ်။ အဲဒီမှာ အစွဲဆိုတာ အမှန် မဟုတ်ဘူးလေ။ အမှန်မဟုတ်တဲ့ အစွဲနဲ့ ကိုက်ညှိချင့်တွက်တော့ ထွက်လာတဲ့အဖြေကလည်း မှန်မှန်ကန်ကန် ဖြစ်မလာနိုင်တော့ဘူးပေါ့။ အစွဲကြောင့် မသိစိတ်ထဲအထိ ရောက်မလာနိုင်ဖြစ်သွားပြီး၊ မသိစိတ်ရဲ့ အနှိုင်းမဲ့အားကိုလည်း မရနိုင်တော့ဘဲ မအောင်မြင်နိုင်တော့ဘူးပေါ့။”
“ဟာ…ဒါဆို သိစိတ်တစ်ဝက်အနေအထားက အတော့်ကို ကြောက်စရာပါလား။ အစွဲဆိုတာကလည်း တော်တော်ဆိုးတာပဲနော်။ အဲဒါကို ကျော်လွန်ပြီး မသိစိတ်ထဲအထိ လက်ခံယုံကြည်ဖို့ ဘယ်လိုလုပ်ရမလဲအစ်ကို။”
“အစွဲဆိုတာကို ကျော်လွန်ဖို့ အင်မတန်လွယ်ကူလှပါတယ်။ ဒါပေမယ့် အစွဲပြုတ်အောင် လုပ်ဖို့ကတော့ မလွယ်ဘူး။ ဗုဒ္ဓဘုရားဟောကြားတဲ့ တရားတော်ထဲမှာ အစွဲဟာ ဒီဘဝမှာတင်မက နောင်ဘဝအထိစေ့ဆောင်ရိုက်ခတ်စေတတ်တယ်လို့ ဆိုတယ်။ အရင်ဘဝက မျောက်ဖြစ်ခဲ့တဲ့သူက ဒီဘဝလူဖြစ်လာရင်တောင် မျောက်လိုအမူအကျင့်တွေ ရှိနေတတ်တယ် မဟုတ်လား။ ဒါအစွဲကြောင့်ပေါ့။ ဒီအစွဲကို ဖယ်ရှားကျော်လွန်ဖို့အတွက် “ကမ္ဘာလောကကြီးထဲမှာ အကြောင်းမှ ကင်းပသော အကျိုးမရှိသလို၊ အကျိုးမှ ကင်းပသော အကြောင်းမရှိ” ဆိုတာကို သေသေချာချာ သိရှိလက်ခံထားဖို့ လိုတယ်။ ပြီးတော့ သင့်တင်လျှောက်ပတ်စွာ နှလုံးသွင်းဆင်ခြင်တတ်ဖို့လည်းလိုတယ်။ အခြေအနေ အကြောင်းတရား အဖြစ်အပျက်တစ်ခုမှာ စိတ်ကူးယဉ်တာတွေ၊ အစွဲအယူတွေကင်းတဲ့ ကြောင်းကျိုးဆက်စပ်မှု၊ ကျိုးကြောင်းဆီလျှော်မှုကို မျှမျှတတ ရှုမြင်ရမယ်။”
“အစ်ကို တရားဟောနေတာလား။ ကျွန်တော်က အောင်မြင်တဲ့ဟိုတယ်လုပ်ငန်းရှင်ကြီး ဖြစ်ချင်တာဗျ။ ဘုန်းကြီးဝတ် တရားအားထုတ်ချင်တာ မဟုတ်ဘူးနော် အစ်ကို။”
“ဟေ… အစ်ကိုက ညီလေးကို တရားဟောနေတာလို့ မင်း ယူဆသလား။ တကယ်တော့ ဓမ္မ=တရား=မျှမျှတတ ကျင့်ကြံအားထုတ်ခြင်းပဲ။ လောကီရေးပဲဖြစ်ဖြစ်၊ လောကုတ္တရာရေးပဲဖြစ်ဖြစ် မျှတမှုမှာ အခြေခံတဲ့ အကျင့်စရဏ ရှိရမယ်ကွ။ မျှတမှုရှိနေတဲ့အတွက် အစွန်းတစ်ဖက် မရောက်တော့ဘူးပေါ့။ ကမ္ဘာပေါ်မှာ ဖြစ်ပျက်နေတာတွေ ပြဿနာတွေရဲ့ အခြေခံအကြောင်းတရားဟာ မမျှတမှုကြောင့်ပဲ။ စီးပွါးရေး၊ နိုင်ငံရေး၊ လူမှုရေးနယ်ပယ်တွေမှာပေါ့။ အဲဒီမှာ လူတစ်ဦးတစ်ယောက်ရဲ့ စိတ်အတွင်းခံဟာလည်း မျှမျှတတတွေးတောကြံစည်နိုင်မယ်ဆိုရင် အစွဲကင်းပနိုင်မှာပါပဲ ညီလေးရဲ့။ အစွဲဆိုတဲ့အထဲမှာ မမျှတမှု၊ မမြင်သာမှုနဲ့ မတွေးတော၊ မကြံစည်နိုင်မှုတွေပါရှိနေတယ်။ အမှန်ကို မြင်ပြီး အမှန်ကို လက်ခံနိုင်မှု မရှိတာမျိုးတွေပေါ့။ ဒီတော့”
“ဟုတ်ကဲ့အစ်ကို၊ အစွဲဆိုတာကို ကျော်လွန်ဖို့ ကြောင်းကျိုးညီညီနဲ့ ကောင်းဆိုးအလီလီကို မျှမျှတတ စိစစ်ဝေဖန်ပြီး လက်ခံနိုင်ရမယ်ဆိုတာ သဘောပေါက်ပါပြီ အစ်ကို။ အောင်မြင်တဲ့လုပ်ငန်းရှင်ဖြစ်ဖို့အတွက် ထပ်ပြီး ဘယ်လိုပြုမူ ပြောဆိုရမယ်ဆိုတာ ပြောပြပါဦး။”
“ဟုတ်ပြီ၊ ကောင်းဆိုး အလီလီကို ကြောင်းကျိုးညီညီ စိစစ်လက်ခံနိုင်စွမ်းဟာ မင်းရဲ့ယုံကြည်မှုကို ခိုင်မာစေတာပဲ ညီလေးရဲ့။ မင်းရဲ့ မသိစိတ်ထဲအထိ မင်းရဲ့ဘဝရည်မှန်းပုံရိပ်ကို ခိုင်ခိုင်မာမာ လက်ခံယုံကြည်လာစေတာပဲ။ မသိစိတ်ထဲက လက်ခံယုံကြည်ပြီဆိုရင် မင်းရဲ့ယုံကြည်မှု အထမြောက် အောင်မြင်ဖို့ ( ၇၀%) သေချာသွားပြီ။”
“ရာနှုန်းပြည့်အောင်မြင်ဖို့ ဘယ်လိုလုပ်ရမလဲအစ်ကို။”
“ရာနှုန်းပြည့်အောင်မြင်ဖို့ဆိုရင် တကယ်လက်တွေ့လုပ်ကိုင်ဖို့ပဲ”
“ဘယ်လိုလုပ်ရမှာလဲ”
“ဘယ်လိုလုပ်ကိုင်ရမလဲဆိုတော့ လက်တွေ့ကြတဲ့အလုပ်တွေလုပ်ဖို့ပဲ။ ဒီအပိုင်းက စိတ်ကူးနဲ့ မြင်အောင်ကြည့်ရတာဆိုတော့ နည်းနည်းရှုပ်ထွေးသလိုတော့ရှိတယ်။ ဒါပေမယ့် သေသေချာချာ နားလည်ရင် ရှင်းပါတယ်။ ညီလေးရဲ့ဘဝရည်မှန်းချက်ဖြစ်တဲ့ အောင်မြင်တဲ့ ဟော်တယ်လုပ်ငန်းရှင်ပုံရိပ်ကို စိတ်ကူးနဲ့မြင်အောင် ပုံဖေါ်ကြည့်ကြစို့။”
“စိတ်ကူးယဉ်ကြည့်တာကို ပြောတာလားအစ်ကို။”
“စိတ်ကူးယဉ်တယ်ဆိုတာ ရေရာတိကျမှု မရှိဘူး။ မျှော်လင့်တာသက်သက်ပဲ။ အခုပြောတဲ့စိတ်ကူးနဲ့ မြင်အောင်ပုံဖေါ်ကြည့်တာကတော့ ရေရာတိကျမှုရှိပြီး၊ လက်တွေ့အနေအထားကိုပါ ပြုပြင်ပြောင်းလဲယူနိုင်တာ တွေ့ရလိမ့်မယ်။ ညီလေးက အောင်မြင်တဲ့ ဟော်တယ်လုပ်ငန်းရှင်ကြီး ဖြစ်ချင်တာဆိုတော့ ဘယ်အတိုင်းအတာအထိ အောင်မြင်ချင်တာလဲ။ ဘယ်လိုပုံစံ၊ ဘယ်လိုအနေအထားလဲ ဆိုတာ ညီလေးရဲ့စိတ်ကူးမှာ မြင်အောင်ကြည့်ပါဦး။”
“ကျွန်တော် ပြောကြည့်မယ်နော်အစ်ကို။”
“ပြောကြည့်ဖို့ သက်သက် မဟုတ်ဘူး။ ဖြစ်ချင်၊ ရချင်တဲ့အတိုင်း တိတိကျကျ ပုံဖေါ်ကြည့်ဖို့ပဲ။”
“ဟုတ်ကဲ့။ ကျွန်တော်ဖြစ်ချင်၊ ရချင်တဲ့ပုံစံအနေအထားက ဟိုတယ်သုံးခုပိုင်ချင်တာပဲ။ ဘာဖြစ်လို့လဲဆိုတော့”
“ဘာဖြစ်လို့လဲဆိုတာထက် ညီလေး တကယ်ရရှိပိုင်ဆိုင်ချင်တာ ဟုတ်ရဲ့လား၊ မှန်ရဲ့လားဆိုတာ သေချာဖို့ပဲ။”
“ဟုတ်ကဲ့၊ သေချာပါတယ်။”
“ဟုတ်ပြီ၊ ဒါဆိုရင် ဘယ်အချိန်အတွင်း ဘယ်နှစ်နှစ်အတွင်း ရရှိအောင်မြင်ချင်တာလဲ။”
“ဘယ်လောက်အကြာအတွင်းဆိုတာတော့ မပြောတတ်ဘူးလေအစ်ကို။ အမြန်ဆုံးဖြစ်ချင်တာပဲ။ ရချင်တာပဲ။”
“ဒါဆို ညီလေး၊ အသက်၉၀ကျော်မှ ပိုင်ဆိုင်ရမယ်ဆိုရင် ဘယ်လိုလဲ။”
“အဲဒီလောက်ကြီးတော့ မကြာချင်ဘူး။ အသက်၉၀ကျမှဆိုရင် ကျွန်တော်လည်း ဘာမှလုပ်နိုင်မှာ မဟုတ်ဘူး။”
“အဲဒါကြောင့် အစ်ကိုပြောတာပဲ။ ပိုင်နိုင်သေချာဖို့လိုတယ်ဆိုတာပေါ့။ ဆိုလိုတာကကွာ ကိုယ်လိုချင်၊ ရချင်တဲ့ အချိန်ကာလ အကန့်အသတ်နဲ့ အနေအထားကို ကိုယ်တိုင်သေချာတိကျဖို့ပဲ။ သေချာတိကျမှုမရှိရင် ဝေဝါး ဝေးကွာနေမှာပဲ။ ဒါကြောင့် ”
“ဟုတ်ကဲ့ အစ်ကို။ ကျွန်တော် နားလည်ပါပြီ။ ခိုင်မာသေချာအောင် သေချာ စိစစ်ပြီး ဆုံးဖြတ်ပါမယ် အစ်ကို။ အစ်ကို့အနေနဲ့ ဘယ်လို လုပ်ကိုင်ပြုမှုပြောဆိုရမယ်ဆိုတာတော့ ပြောပေးပါနော်။ ”
“စိတ်ပိုင်းဆိုင်ရာပြင်ဆင်မှုနဲ့အတူ ရုပ်ပိုင်းဆိုင်ရာတွေရော၊ စဉ်းစားတွေးခေါ်တာတွေရော မိမိဘဝ ရည်မှန်းချက်ပုံရိပ်နဲ့ လိုက်လျောညီထွေဖြစ်အောင် ပြုမှုပြောဆိုရမယ်။ ဆိုပါတော့ကွာ။ ကိုယ်က ဟော်တယ်လုပ်ငန်းရှင်းကြီးဖြစ်ချင်နေတယ်။ ဒါပေမဲ့ပြုမူစဉ်းစားတွေးခေါ်နေတဲ့ပုံစံက သာမာန်ဆိုက်ကားသမားတစ်ယောက်လိုပဲဆိုရင် အဲဒီရည်ရွယ်ပန်းတိုင်ဘယ်တော့မှ မရောက်နိုင်ဘူး။ မရနိုင်ဘူး။ ဘာဖြစ်လို့လဲဆိုတော့ ထိုက်တန်မှုမရှိလို့ပဲ။ ကိုယ်ဖြစ်ချင်တဲ့အဆင့်အတန်းနဲ့ ကိုက်ညီတဲ့၊ ထိုက်တန်တဲ့ အပြုအမူ၊ အပြောအဆို၊ စဉ်းစားတွေးခေါ်မှုနဲ့ တာဝန်ယူ၊ တာဝန်ခံမှုတွေ ပြည့်ဝဖို့လည်း လိုသေးတယ်။ လူအများစုက ဖြစ်ချင်ကြ၊ ရချင်ကြ၊ ရောက်ချင်ကြပေမယ့် ကိုယ်ရည်ကိုယ်သွေး၊ အမူအကျင့်စရိုက်တွေကိုတော့ ကိုယ်ဖြစ်ချင်၊ ရချင်၊ ရောက်ချင်တဲ့အဆင့်အတန်းနဲ့ ကိုက်ညီမှုရှိအောင်၊ ထိုက်တန်မှုရှိအောင် မလုပ်နိုင်ကြဘူး။ ဒါနဲ့ သူတို့လားရာနဲ့ ဝေးနေကြတော့တာပေါ့။ အဲဒါကြောင့် ကိုယ့်ဘဝရည်မှန်းချက် ပြည့်ဝရရှိဖို့ဆိုရင် (၁) ဘဝရည်မှန်းချက်ပုံရိပ် ခိုင်မာပြတ်သားနေရမယ်။ ပစ္စုပ္ပန်မှာ ထင်ထင်ရှားရှားမြင်နေရမယ်။ (၂) အဲဒီ ဘဝရည်မှန်းချက်ပုံရိပ်နဲ့ လိုက်လျောညီထွေဖြစ်မယ့် အပြုအမူ အပြောအဆိုရှိရမယ်။ (၃) ဘဝရည်မှန်းချက် ကာလအကန့်အသတ်လည်း ထားရမယ်။ (၄) ဘဝရည်မှန်းချက်နဲ့ ဆက်စပ်နေတဲ့ အသိပညာ၊ အတတ်ပညာ ကြံစည်စိတ်ကူးမှုတွေ အမြဲရှာဖွေနေရမယ်။ (၅) ကိုယ့်ကိုယ်ကိုယ် ကတိတည်ပါစေ။”
ချောင်းသာကမ်းခြေကို အပြေးအလွှားလာရောက်ရိုက်ခတ်နေတဲ့ လှိုင်းလုံးဖြူဖြူကြီးတွေ တဝုန်းဝုန်း၊ ပင်လယ်ပြင်ကြီးကို ဖြတ်သန်းတိုက်ခတ်လာတဲ့ လေပြည်က အေးမြမြ။ ကျွန်တော်နဲ့ လူငယ်လေးမောင်အာကာဖြိုးတို့လည်း အတွေးကိုယ်စီနှင့် ငြိမ်သက်သွားကြပါတယ်။ အဲဒီလိုငြိမ်သက်သွားခြင်းဟာ လူငယ်လေးမောင်အာကာအတွက် အနာဂါတ်ဘဝပုံရိပ်တစ်ခုကို ပိုင်ပိုင်နိုင်နိုင် ဆုံးဖြတ်ချက်ချဖို့ တွန်းပို့နေတာများလားလို့ နောက်ပိုင်းမှာ တွေးမိပါတယ်။”

ချောင်းသာက ပြန်လာပြီး ကျွန်တော်လည်း ပုံမှန်အလုပ်တွေနဲ့ လုံးချာလည်နေရင်းတစ်ရက်၊ ကျွန်တော့်ရဲ့အီးမေးလ်ကို ဖွင့်အကြည့်မှာ မေးလ်အသစ်တစ်ခု ပို့ထားတာတွေ့ရပါတယ်။ ဘယ်သူလဲ၊ ဘာအကြောင်းလဲလို့ သိချင်စိတ်နဲ့ ကလစ်လုပ်လိုက်တော့….
“အစ်ကို……
နေကောင်းရဲ့လား။ ကျွန်တော်အခု စွန့်ဦးတီထွင်လုပ်ငန်းရှင်သင်တန်း တက်ရောက်နေပါတယ်။ မကြာခင်မှာ သြစတြေးလျက မာစတာဘွဲ့ယူပြီး ကျွန်တော်ရည်မှန်းထားတဲ့ ဟိုတယ်လုပ်ငန်းရှင်ကြီးဖြစ်အောင် လုပ်နိုင်တော့မယ်အစ်ကို။ အစ်ကိုပြောတဲ့ “ဖြစ်ချင်တာ ဖြစ်ခွင့်ရှိတဲ့လောကကြီးထဲမှာဖြစ်အောင် လုပ်ဖို့တော့မေ့နေတတ်ကြတယ်။” ဆိုတဲ့ စကားကို ကျွန်တော်  မမေ့ပါဘူး။ အမြဲတမ်းသတိရနေပါတယ်။ အဲဒီအထဲမှာ ကျွန်တော်မပါအောင်လည်း ကြိုးစားနေပါတယ်။ လက်တွေ့ကျကျ ကြောင်းကျိုးညီညီနဲ့ ကြိုးစားနေပါတယ်။ အစ်ကို။ ကျေးဇူးတင်ပါတယ် အစ်ကို။ အစ်ကို့ကို တစ်ခု တောင်းပန်ချင်တာလည်းရှိသေးတယ်။ တောင်းဆိုတာ ဆိုရင်လည်း မှန်ပါတယ်။ အဲဒါကတော့ ကျွန်တော်လို အောင်မြင်ဖို့ကြိုးစားချင်ပေမဲ့ ကိုယ်လိုလားတဲ့ ဘဝအောင်မြင်မှုကို ရှာမတွေ့သေးသူ သူငယ်ချင်းတွေအတွက် အစ်ကို့စာပေအရေးအသားနဲ့ ဖြန့်ဝေပေးချင်လို့ပါအစ်ကို။ ကျွန်တော်လည်း သြစတြေးလျက ပြန်လာရင် အစ်ကို့ကို လာရောက်တွေ့ဆုံပါဦးမယ်။ အစ်ကိုပြောပြတဲ့ လက်တွေ့ကျတဲ့စကားတွေ ကြားချင်ပါသေးတယ် အစ်ကို။ အစ်ကိုတို့ မိသားစု ရွှင်လန်းချမ်းမြေ့ပါစေလို့ ဆုတောင်းပါတယ်။ လေးစားချစ်ခင်လျက်…..”
“မောင်အာကာဖြိုး” ဆိုတဲ့ စာလေးကို ဖတ်လိုက်ရပါတယ်။
သြော်…. ချောင်းသာက ပြန်လာတာ ဘာမှ မကြာသေးဘူး ထင်ပေမယ့် ၁နှစ်ကျော်ခဲ့ပြီးပဲ။  အဲဒီ ၁နှစ်ကျော်ဆိုတဲ့ ကာလအတွင်းမှာ မောင်အာကာဖြိုး အောင်မြင်အောင် ကြိုးစားသွားတာက အံ့သြစရာပါ။
“သြော်…ဖြစ်ချင်စိတ်၊ ဖြစ်ချင်စိတ်။ ဖြစ်ချင်စိတ်က ဘဝအောင်မြင်ရေးအတွက် အရေးကြီးပါလားနော်” လို့ တွေးရင်း တိုးတက်ချင်သော လူငယ်တိုင်းသို့ ရည်ရွယ်ပြီး ဒီစာစုကို ရေးလိုက်ပါတယ်။

                                                                                          နိုင်စွမ်း
(    ရည်ညွှန်း။  ။ Dr. Robert Anthony’s Beyond Positive Thinking      )

အောင်မြင်ချင်သော လူငယ်တိုင်းသို့



အောင်မြင်ချင်သော လူငယ်တိုင်းသို့

နိုင်စွမ်း

( အတွေးအမြင်မဂ္ဂဇင်းတွင် ပါဝင်သော ဆရာနိုင်စွမ်း၏ ဆောင်းပါးကို ပြန်လည်ကူးယူဖေါ်ပြပါသည်။ )

          လူငယ်တိုင်း အောင်မြင်ချင်စိတ်ရှိကြပါတယ်။ သို့ပေမယ့် ကိုယ်အမှန်တကယ်လိုလားတဲ့ ဘဝရဲ့အောင်မြင်မှု ဖြစ်ဖို့အတွက် ရွေးချယ်ရာမှာတော့ မရေမရာဖြစ်နေတတ်ကြပါတယ်။ ကိုယ်အမှန်တကယ်လိုလားတဲ့ ဘဝအောင်မြင်မှုအတွက် ရွေးချယ်စိစစ်နိုင်ကြဖို့ အကြံပြုရေးသားတင်ပြလိုက်ပါတယ်။

        
        အဲဒီနေ့က ကျွန်တော် ချောင်းသာကမ်းခြေကို အလုပ်ကိစ္စတစ်ခုအတွက် သွားရောက် ရောက်ရှိခဲ့တဲ့နေ့ပါ။ ထုံးစံအတိုင်း တည်းခိုဖို့ဟော်တယ်တစ်ခုကို သွားရောက်စုံစမ်းရင်း အဲဒီဟိုတယ်မှာ အလုပ်လုပ်နေတဲ့ “အာကာဖြိုး” ဆိုတဲ့ လူငယ်တစ်ယောက်နဲ့ တွေ့ဆုံပါတယ်။ တည်းခိုနေထိုင်ဖို့ ဧည့်သည်စာရင်းမှာ အမည်စာရင်းပေးပြီး အလုပ်အကိုင်ကိုပါ ဆက်မေးတဲ့အခါ ကျွန်တော်က စာရေးဆရာ” လို့ပြောလိုက်တော့ စာရင်းရေးသွင်းနေတဲ့ ဒီလူငယ်လေးက စိတ်ဝင်စားသွားပါတယ်။  အဲဒီနောက် ကျွန်တော့်ကိုလည်း ကျွန်တော်ခေတ္တနေထိုင်ရမယ့် အခန်းကို လိုက့်ပို့ပေးပါတယ်။

          နောက်တစ်ရက်မှာတော့ သူ့ရဲ့အလုပ်နားရက်ဖြစ်တာမို့ ကျွန်တော် သွားရောက်လည်ပတ်ချင်တဲ့နေရာတွေကို ဆိုင်ကယ်တက္ကစီအငှားအဖြစ်လိုက်ပို့ပေးပါတယ်။ အလုပ်နားရက်တွေမှာ ဆိုင်ကယ်တက္ကစီဆွဲပြီး အခြားဝင်ငွေရှာတဲ့အကြောင်းသိရပါတယ်။ အဲဒီလိုလိုက်ပို့ပေးရင်းနဲ့ ကျွန်တော်တို့ ခင်မင်သွားကြပြီး သူ့ရဲ့စိတ်ရင်းကောင်းကိုလည်း သတိပြုမိပါတယ်။

          အစ်ကို…ကျွန်တော်လည်း စာဖတ်ဝါသနာပါပါတယ်။ ရေးတော့ မရေးတတ်ဘူးပေါ့။ ကျွန်တော်ဖတ်တဲ့စာအုပ်အတော်များများ ရှိတယ်။ ချစ်၊ ကြိုက်၊ ကွဲ၊ ညားတွေကတော့ မဖတ်ဘူးအစ်ကို။ ကြောင်ကွက်တွေနဲ့ သရုပ်ဖေါ်ထားတဲ့ ဗီဒီယိုရုပ်ရှင်တွေလည်း မကြည့်ဘူးဗျ။ ဘာသာပြန်စာအုပ်တွေ အဖတ်များတယ်။ အဲဒီမှာလေ ကျွန်တော့်စာအုပ်စင်။” လို့ သူ့အခန်းကျဉ်းလေးထဲမှာ သပ်သပ်ရပ်ရပ် စီထားတဲ့ စာအုပ်စင်ကို ပြတယ်။

          သူ့ရဲ့အခန်းလေးက ဟိုတယ်စတိုခန်းဘေးနားမှာရှိပြီး၊ သူအိပ်ဖို့ ခုတင်သေးသေးတစ်လုံးပဲ ရှိပါတယ်။ ခေါင်းရင်းမှာ ဂစ်တာတစ်လုံးက ဘုရားပုံတော်ရဲ့အောက်မှာ ချိတ်လျှက်တွေ့ရပါတယ်။ ခြေရင်းဘက်အဝင်တံခါးရဲ့ ကျောဘက်မှာတော့ စက်ဝိုင်းတစ်ခု၊ စက်ဝိုင်းအလယ်မှာ အနက်ရောင်အစက်လေးတစ်ခု တွေ့ရပါတယ်။ တံခါးပိတ်လိုက်ရင် အဲဒီစက်ဝိုင်းနဲ့အစက်လေးကို တွေ့နေရအောင် စီစဉ်ထားတာပါ။ အဲဒီစက်ဝိုင်းလေးက စိတ်တည်ငြိမ်ပြီး စိတ်စွမ်းအားထက်မြက်အောင်၊ စိတ်ခိုင်မာအောင်စိတ်ကျင့်စဉ်လုပ်ဖို့ပါ။ တိတ်ဆိတ်ငြိမ်သက်နေချိန်မှာ စက်ဝိုင်းထဲက အနက်လေးကို စူးစိုက်ကြည့်ပြီး စိတ်တည်ငြိမ်အောင် လေ့ကျင်တာပါ။

          အင်း…ဒီလူငယ်လေးက စာအုပ်တွေပြတဲ့အတိုင်း လုပ်ကြည့်နေတာပါလား၊ စမ်းသပ်နေတာပါလားလို့ ကျွန်တော်စိတ်ထဲက မှတ်ချက်ချလိုက်မိပါတယ်။ စာအုပ်စင်ပေါ်က စာအုပ်တွေကို သေချာကြည့်လိုက်တော့ ဒေးကာနက်ချီ၊ ဆစ်ဂမန်ဖရွိုက် စတဲ့ ဆရာတွေရဲ့ ဘာသာပြန်စာအုပ်တွေ၊ ပြီးတော့ အောင်မြင်ရေးတက်ကျမ်းအမျိုးမျိုး စသည်ဖြင့် တွေ့ရပါတယ်။

          “အင်း…ညီလေးက စာတော်တော်ဖတ်တယ်နော်။ ကောင်းတယ် ကောင်းတယ် များများဖတ်တော့ များများသိတာပေါ့။”

          “ဒါပေမဲ့ …..အစ်ကို”

          ရုတ်တရက် သူပြောလိုက်တဲ့စကားကြောင့် ကျွန်တော်သူ့ကို သေချာကြည့်လိုက်တော့  ဇဝေဇဝါဖြစ်နေတဲ့ မျက်ဝန်းကို တွေ့လိုက်ရပါတယ်။
          “ဟေ….ဘာဖြစ်လို့လဲညီလေးရဲ့ ပြောပါဦး။”

          “တချို့အချက်တွေက ”

          သူ့စကားကို မဆက်ဘဲ ကျွန်တော့်ကို ပြန်ကြည့်နေပါတယ်။ ပြန်ပြောဖို့ စကားလုံးရွေးချယ်နေတာလား။ ဒါမှမဟုတ် တစ်ခုခု စိုးရိမ်နေတာလား မသိဘူး။ သူငြိမ်နေပါတယ်။ ဒါနဲ့ ကျွန်တော်က….

          “တချို့အချက်တွေကို နားမလည်ဘူးလို့ ပြောချင်တာလား”

          “မဟုတ်ဘူး အစ်ကို နားလည်ပါတယ်။ လုပ်လို့ မဖြစ်ဘူး ဖြစ်နေတယ်။ ကျွန်တော်နဲ့ အံမဝင်ဘူးပေါ့။ အဲဒီလို ခံစားရတယ်။ အဲဒါနဲ့ နောက်တစ်အုပ်ထပ်ဖတ်တယ်။ အဲဒီလိုထပ်တွေ့တယ်။ တက်ကျမ်းနဲ့ ပတ်သက်ပြီးဆရာကြီးတွေရဲ့ စာအုပ်တွေကျွန်တော်ရှာဖတ်၊ ဝယ်ဖတ်ခဲ့တာ။ အများကြီးဆိုမှ အတော်များများပဲ။”
          “ဟုတ်ပြီအစ်ကိုသဘောပေါက်ပြီ။ တက်ကျမ်းတွေက ပြောပြတာတွေနဲ့ မင်းဖြစ်နေတာနဲ့ မကိုက်ညီဘူး။ မင်းဖတ်သလောက် ပြောင်းလဲမသွားဘူး။ အနည်းအကျဉ်းပဲ ပြောင်းလဲတယ်လို့ မင်းပြောချင်တာ မဟုတ်လား။”

          “ဟုတ်တယ်အစ်ကို၊ အဲဒါ ဘာဖြစ်လို့လဲ”

          “ဘာဖြစ်လို့လဲဆိုတော့ အပိုင်း(၃)ပိုင်းကြောင့်လို့ ပြောရမယ်ညီလေးရဲ့။ (၁) မင်းဟာ မင်းဖတ်တဲ့စာအုပ်ကပြောတဲ့ဆိုလိုရင်း တိုက်တွန်းချက်ကိုနားမလည်လို့၊ သဘောပေါက်လွဲနေလို့ ဖြစ်လိမ့်မယ်၊ ဒါမှမဟုတ် (၂)မင်းဖတ်တဲ့စာအုပ်ကပြောတဲ့တိုက်တွန်းတဲ့အချက်ကို မင်းလိုက်နာဆောင်ရွက်မှု အားနည်းလို့၊ ယုံကြည်မှုမရှိလို့ ဖြစ်လိမ့်မယ်ညီလေးရဲ့။ စာရေးသားပြုစုတဲ့ ပုဂ္ဂိုလ်တွေက တကယ့်စေတနာအပြည့်နဲ့ အတိအကျ အသေအချာ ရေးသားပြတာတွေချည်းပါ။ ”

“ဘယ်လိုဖြစ်တာလဲ၊ ကျွန်တော်သေချာမသိဘူးအစ်ကိုရာ။ ကျွန်တော် အရမ်းကို အောင်မြင်ချင်တာဗျ။ ဒါကြောင့် ကြိုးစားလေ့ကျင့်ခဲ့တာပါ။ ထင်သလောက်ဖြစ်မလာတော့ ကျွန်တော် စိတ်ဓါတ်ကျလာတယ်ဗျာ။”

“စိတ်ဓါတ်မကျပါနဲ့ ညီလေးရာ။ မင်းအသက်အရွယ်က အတွေ့အကြုံကောင်းတွေ၊ အသိပညာဗဟုသုတတွေ ပြည့်စုံအောင်ရှာဖွေရဦးမယ့်အရွယ်ပဲ ရှိပါသေးတယ်။ မကြာခင်မှာ မင်းဖြစ်ချင်တာတွေ ဖြစ်လာရမှာပါ။ ”

“အစ်ကို ကျွန်တော့်ကို ကူညီမယ်ပေါ့ ဟုတ်လား ကျေးဇူးတင်လိုက်တာဗျာ။”

“အစ်ကိုက မင်းကို ကူညီပေးတာထက် မင်းကိုမင်းကူညီတာက ပိုအရေးကြီးတယ်။ အစ်ကိုက မင်းကို အောင်မြင်အောင်အားပေးတာထက် မင်းကိုယ်မင်း အောင်မြင်ချင်စိတ်ရှိဖို့ အရေးကြီးတယ်။ ဆိုပါတော့ကွာ ပင်မြင့်တစ်ခုကို တက်ချင်တဲ့သူအတွက် အလွယ်ကူဆုံးနဲ့ အမြန်ဆုံးရောက်သွားဖို့ လှေကားထောင်ပေးသလိုမျိုးပေါ့ညီလေးရာ။ ဒါပေမယ့် မတက်ချင်တဲ့သူအတွက်တော့ တွန်းတင်တာမျိုး၊ ဆွဲတင်တာမျိုးတွေတော့ လုပ်မမေးနိုင်ဘူးပေါ့။ ဒီတော့”

“ပြောပါ အစ်ကို”

“မင်းနဲ့ငါ အတိအကျ ဆွေးနွေးဖို့လိုပြီဆိုတော့။ လာကွာ ပင်လယ်ဘက်သွားရအောင် စားသောက်စရာတွေလည်း အပြည့်အစုံယူပြီး ပင်လယ်ကြီးကိုငေးမောရင်း စကားပြောကြရအောင်ကွာ။”


“ကောင်းတယ်အစ်ကို ကျွန်တော်စီစဉ်လိုက်ပါမယ်။”


 ကျွန်တော်တို့နှစ်ယောက် ချောင်းသာကမ်းခြေက အုန်းပင်တန်းစု အရိပ်အောက် ကျောက်တုံးကြီးတစ်ခုအပေါ်ထိုင်ရင်း စကားပြောကြပါတယ်။ ပင်လယ်ပြင်ကတိုက်ခတ်လာတဲ့ လေပြေအေးရယ်။ ကျောက်တုံးကိုလာရိုက်ခတ်နေတဲ့ ပင်လယ်လှိုင်းတွေရယ်။ တကယ့်ကို စိတ်လက်ကြည်လင်လန်းဆန်းနေပါတော့တယ်။
ကျွန်တော်…..

“ညီလေးဖတ်ရှုခဲ့တဲ့ တက်ကျမ်းတွေက တကယ်လိုက်နာကျင်ကြံရင် တကယ်အကျိုးကျေးဇူးရစေနိုင်တဲ့ စာအုပ်တွေပါပဲ။ ဒါပေမယ့် ”

“ဟုတ်ကဲ့ပြောပါအစ်ကို ဒါပေမဲ့ ဘာဖြစ်လဲ ”

“ဒီလိုပါ။ မင်းကြားဖူးပါတယ်။ ဝိဇ္ဇာနဲ့ စရဏဆိုတာကို ”

“ဟုတ်ကဲ့ကြားဖူးပါတယ်။ ဝိဇ္ဇာက အမှန်သိမြင်ခြင်း၊ စရဏက ကျင့်ကြံအားထုတ်ခြင်း မဟုတ်လား။”

“ဟုတ်တယ် အသိနဲ့ အကျင့်ပါပဲ။ အသိဆိုတာရယ် အကျင့် (သို့မဟုတ်)ကျင့်ကြံအားထုတ်တာရယ် အကြောင်းပြေကြရအောင်။ အရာရာတွေ့ထိ သိရှိမှတ်သားအပ်တဲ့ သိစရာတွေက (Knowledge)ပေါ့။ အဲဒီတွေ့ထိမှတ်သားအပ်တဲ့ (Knowledge) တွေကို သိမြင်( Awareness ) ပြီး၊ မှတ်သားတတ်တာက ဥာဏ် ( Intelligence)၊ ဥာဏ်က မှတ်ဥာဏ် ( memory )မှ ထည့်သွင်းသိမ်းဆည်းတယ်။ သိစရာတွေကို မှတ်ဥာဏ်မှာ ထည့်သွင်းသိမ်းဆည်းထားပြီဆိုရင်တော့ အသိဥာဏ်လို့ ဆိုနိုင်ပြီ။ အဲဒီအသိတွေကို အခြေအနေအချိန်အခါနဲ့ ကိုက်ညှိချင့်တွက် ( ပညာပေါင်းဆင့် ) လိုက်ရင်တော့ အသိပညာပါ။ လိုအပ်သလို ပြုပြင်ထုတ်နုတ်အသုံးပြုနိုင်ရင်တော့ ဥာဏ်ပညာ( Wisdom ) ပါပဲ။ ဒီစကားတွေကို မင်းရှင်းရဲ့လား။”

“ရှင်းပါပြီအစ်ကို။ အသိ၊ အသိဥာဏ်၊ အသိပညာ၊ ဥာဏ်ပညာဆိုတာတွေကို အရင်က သဲသဲကွဲကွဲ မသိခဲ့ဘူး။ အစ်ကိုပြောပြမှပဲ ရှင်းသွားတယ်။ ဆက်ပြောပါဦး။ ”

“တကယ်တော့လူမှာ ရုပ်နဲ့နာမ်ဆိုပြီး ပေါင်းစပ်ရှိနေကြတဲ့အထဲမှာ ရုပ်နဲ့စိတ်လို့လည်း ပြောနိုင်တယ်။ အဲဒီမှာ ဟိုးငယ်ရွယ်စဉ် စကားမပြောတတ်ခင်ကတည်းက ကြားရ၊ မြင်ရ၊ တွေ့ထိရတာတွေကို မှတ်သားခဲ့ကြတယ်။ ဘယ်လိုမှတ်သားခဲ့တယ်ဆိုတာပြန်မသိရလောက်အောင်ကို များပြားလှစွာပဲ မှတ်သားတာတွေ လုပ်ခဲ့ကြတယ်။ ဘယ်အသက်အရွယ်ရောက်ရောက်မှတ်သားမှုတွေ ဆက်လက်ပြုလုပ်နေရတော့တာပဲ ညီလေးရဲ့။ အဲဒီမှတ်သားမှုတွေကို ပြန်ဆန်းစစ်ကြည့်ရင် အမိ၊ အဖ၊ သက်ကြီးရွယ်အို၊ ဘာသာရေးခေါင်းဆောင်၊ နိုင်ငံရေးခေါင်းဆောင်တွေအပြင် စာပေ၊ ဂီတ၊ ရုပ်ရှင်သဘင်ပညာရှင်တွေ၊ လေးစားအားကျခဲ့တဲ့ ပုဂ္ဂိုလ်တွေရဲ့ ပြောစကားတွေ၊ အပြုအမူတွေကိုလည်း မှတ်သားထားတတ်ကြတယ်။ အဲဒါတွေကို စိတ်ထဲမှာလည်း မှတ်သားထားတော့တာပဲ။ ”

“အဲဒီစိတ်ဆိုတာကို ရှင်းပြပါဦး။”

“စိတ်ဆိုတာ သိတတ်တဲ့သဘောပဲ။ ဗုဒ္ဓဘာသာမှာ ပြောတဲ့ စိတ်အကြောင်းနဲ့ စိတ်ပညာရှင်တွေပြောတဲ့ စိတ်အကြောင်းက မတူကြဘူး။ စိတ်ရဲ့သဘာဝကို ချည်းကပ်ကြည့်တဲ့အခါမှာ ဗုဒ္ဓဘာသာမှာပြောတဲ့ စိတ်အကြောင်းက ပိုပြီးအသေးစိတ်တယ်။ ပိုပြီးနက်ရှိုင်းကျယ်ပြန်တယ်။ အခု လောလာဆယ်မှာတော့ စိတ်အကြောင်းပြောနေ၊ ရှင်းနေရင် အစ်ကိုတို့ ရည်ရွယ်ရင်း မရောက်ဘဲနေမှာစိုးလို့ စိတ်အကြောင်း ဒီလောက်နဲ့ပဲ နားကြမယ်။ စိတ်သဘာဝကို အသေးစိတ် သိချင်ရင် ဆရာကြီးရွှေဥဒေါင်းရဲ့ ဒိဌေဒိဌမတ္တံစာအုပ်ကိုဖတ်၊ သစ်ချတောင်ဆရာတော်ဦးတိလောက ရေးသားတော်မူတဲ့  “ပဏ္ဍိတဝေဒနိယကျမ်း” ကို ဖတ်ပေါ့ကွာ။ အခုဆက်ပြီး သိစိတ်၊ မသိစိတ်နဲ့ သိစိတ်တစ်ဝက်နဲ့ သိစိတ်တစ်ဝက်၊ တစ်နည်းပြောရရင် Conscious, Unconscious, Subconscious mind အကြောင်းပြောရအောင်”

          “စောစောကပြောခဲ့တဲ့အထဲမှာ စိတ်ထဲမှာ မှတ်သားထားတယ်ဆိုတာ ဘယ်စိတ်ထဲမှာ မှတ်သားခဲ့တာလဲအစ်ကို ”

“သိစိတ် ( Conscious Mind ) ၊ မသိစိတ် ( Unconscious Mind ) နဲ့ သိစိတ်တစ်ဝက် ( Subconscious Mind ) ဆိုပြီး၊ စိတ်ကို ထပ်ခွဲကြည့်ကြတယ်။ အတွေ့အထိသိမှုတွေကို သိစိတ်ကသိပြီး မှတ်သားတယ်။ တချို့ဆို မသိစိတ်ထဲအထိ မှတ်သားတယ်။ အားလုံးတော့ မဟုတ်ဘူး။ အဲဒီလိုမှတ်သားလိုက်၊ စိစစ်လိုက်နဲ့ လုပ်တာကတော့ သိစိတ်တစ်ဝက် ( Subconscious ) မှာပါ။ ဆိုပါတော့ကွာ မင်းကို မေးမယ်။ “သံပုရာသီး” လို့ပြောလိုက်၊ ကြားလိုက်တာနဲ့ မင်းဟာ ချဉ်တယ်၊ အဝါရောင်(သို့) အစိမ်းရောင်ရှိမယ်ဆိုတာတွေကို မင်းဟာ ပြန်စဉ်းစားစရာ မလိုအောင် မှတ်သားသိရှိနေလိမ့်မယ်။ အဲဒီလိုပဲ  “သံတုံး” လို့ကြားလိုက်တာနဲ့ မင်းဟာ မာကျောမယ်၊ ကြမ်းရှနိုင်တယ်။ လေးပင်မယ်ဆိုတာတွေကို တစ်ဆက်တည်းသိမြင်နေပါလိမ့်မယ်။ အဲဒီလိုပဲ မင်း ကိုယ်တိုင်သိမြင်နေတာတွေ၊ မသိစိတ်ထဲအထိ ယုံကြည်လက်ခံထားတာတွေက အများကြီးရှိနေမှာပါပဲ။ သို့ပေမယ့် “ဘဝရည်မှန်းချက်” လို့ပြောလိုက်၊ မေးလိုက်ရင်တော့ မင်းအလွယ်တကူပြောနိုင်၊ မြင်နိုင်၊ သိနိုင်မှာ မဟုတ်ဘူး။”

“ကျွန်တော် ပြောနိုင်တယ်အစ်ကို။ ကျွန်တော့်ဘဝရည်မှန်းချက်က အောင်မြင်တဲ့စီးပွါးရေးလုပ်ငန်းရှင် ဖြစ်ချင်တာဗျ အစ်ကိုရ။”

“သေချာလား ညီလေး”

“သေချာပါတယ်”

“ဒါဆိုထပ်မေးမယ်။ ဘယ်လိုသေချာတာလဲ။”

“ကျွန်တော် မပြောတတ်ဘူး အောင်မြင်ချင်တာပဲ သိတယ်။”

“အဲဒါပဲ….ညီလေး၊ လူတွေဟာ အောင်မြင်ချင်တယ်၊ ကျော်ကြားချင်တယ်၊ ငွေကြေးပြည့်စုံချင်ကြတယ်။ ဒါပေမယ့် ဘယ်အတိုင်းအတာ၊ ဘယ်လိုပုံစံနဲ့ဆိုတဲ့ အပိုင်းကျတော့ မရေရာကြဘူး။ မပြောနိုင်၊ မမြင်နိုင်၊ မသိနိုင်ကြဘူး။ အဲဒါ ဘာဖြစ်လို့လဲ သိလား ညီလေး”

“မသိဘူး အစ်ကို”

“ကိုယ့်ကိုယ်ကိုယ် ယုံကြည်မှု မရှိလို့ပဲ”

“ဗျာ”

“ဟုတ်တယ် လောကမှာ ပိုင်နိုင်သေချာမှ ထင်ရှားပြတ်သားတာလေ။ မပိုင်နိုင် မသေချာရင် မထင်ရှား မပြတ်သားဘူး။ ကိုယ်ဖြစ်ချင်ရာကို ပိုင်နိုင်သေချာမှ ထင်ရှားပြတ်သားတဲ့အမြင်နဲ့ ခိုင်မာတဲ့အလုပ်တွေ လုပ်ကြပြီး အဲဒီဖြစ်ချင်ရာကို ရရှိပိုင်ဆိုင်မှာကွဲ့ညီလေးရဲ့။ စောစောက စကားနဲ့ ပြန်ဆက်ရရင် မင်းကိုယ်တိုင် သိရှိမှတ်သားထားတဲ့ သံပုရာသီးပဲဖြစ်ဖြစ်၊ သံတုံးဆိုတာပဲဖြစ်ဖြစ် မင်းရဲ့ မသိစိတ်ထဲအထိ ခိုင်ခိုင်မာမာယုံယုံကြည်ကြည်ဖြစ်နေတာ ဘယ်အချိန်ကြားကြား ဘယ်လိုပဲမေးမေး တိကျတဲ့အဖြေကို သိမြင်ပြီးသား၊ ယုံကြည်ပြီးသား ဖြစ်နေတာကြောင့်ပဲ။ “ဘဝရည်မှန်းချက်”ကျတော့  တိကျမှုမရှိဘဲ “အောင်မြင်တဲ့လုပ်ငန်းရှင်” ဆိုပြီး ဝေဝေဝါးဝါးဖြစ်နေတော့တာကိုး။ ဘာကြောင့်လဲဆိုတော့ မင်းကိုယ်တိုင် မင်းရဲ့ ဘဝရည်မှန်းချက်ကို တိတိကျကျမသိမြင်ဘဲ ယုံကြည်မှု မရှိတာကြောင့်ပဲ။ ဒီတော့”


“အဲဒါဆို ကျွန်တော် ဘယ်လိုပြောရ၊ လုပ်ရမှာလဲ အစ်ကို။ ”

“ဒီတော့ မင်းကိုယ်မင်း သေချာအောင် စစ်ဆေး၊ မေးမြန်းရမယ်။ ဘယ်လိုစစ်ဆေး၊ မေးမြန်းရမလဲဆိုတော့ ပထမဆုံး မင်းဘဝရည်မှန်းချက်က ဘာလဲဆိုတာ တိတိကျကျ သိအောင်လုပ်ရမယ်။ ဘာဖြစ်လို့လဲဆိုတော့ လူတွေဟာ ထင်ယောင်၊ ထင်မှားစိတ်နဲ့ ဖြစ်ချင်တာတွေ ရှိတတ်တယ်။ စိတ်ထဲမှာ တကယ်ဖြစ်ချင်တာမဟုတ်ဘဲ ထင်ယောင်မှားပြီး ဖြစ်နေတတ်တဲ့ စိတ်ပေါ့။ ဥပမာ.. ငယ်ငယ်ကတည်းက လေးစားအားကျခဲ့ရသူ တစ်ယောက်ယောက်ရဲ့ အပြုအမူ၊ အပြောအဆိုတွေကို ကိုယ်ဖြစ်ချင်တာလို့ ထင်ယောင်မှားဖြစ်တတ်ကြတာမျိုးပေါ့။ တစ်ခါက လူတစ်ယောက်ရှိတယ်။ သူက ရုပ်ရှင်မင်းသားကျော်ဟိန်းကို အားကျသူဖြစ်တယ်။ သူ တကယ်ကျင်လည်နေထိုင်နေရတာက နယ်မြို့လေးတစ်ခုရဲ့ ဆင်ခြေဖုံးရပ်ကွက်လေးမှာပါ။ ရုပ်ရည်ကလဲ အတန်အတင့်ချောတဲ့လူဆိုတော့ အားလုံးက  “ကိုကျော်”  “ကိုကျော်” နဲ့ ခေါ်ကြပါတယ်။ သူကလည်း အဲဒီအပေါ်ကျေနပ်အားရဖြစ်နေတဲ့အပြင် ကျော်ဟိန်းလိုပဲ အမူအယာအမျိုးမျိုးလုပ်၊ ပြုမူပြောဆိုနေတာပေါ့။ ပြီးတော့ တစ်နေ့မှာအောင်မြင်ရမယ်လို့လည်း ယုံကြည်နေပါသေးတယ်။ ဒါပေမယ့် သူ့အသက်(၄၀) လောက် ရောက်တဲ့အထိ ဘာမှ မည်မည်ရရဖြစ်မလာခဲ့ဘူး။ ကျော်ဟိန်းလို ပြောလိုက်၊ ဆိုလိုက်၊ လေ့ကျင့်လိုက်နဲ့ အချိန်ကုန်လွန်သွားခဲ့ရတာပါ။ သူ အိမ်ထောင်ကြပြီးလို့ ကလေး ၂ ယောက် ရခဲ့တာတောင် ဒုံရင်း ဒုံရင်းပဲ ရှိနေတယ်။ ညီလေး စဉ်းစားကြည့်စမ်းကွာ။”


“သူက ဖြစ်ချင်တာပဲ ရှိတာကိုး။ ဖြစ်အောင်လုပ်ဖို့ မပါဘူးလေ။ အဲဒါကြောင့်လို့ ထင်ပါတယ်။”

“အဲဒီလိုပြောရင်လည်း ရတယ်။ အဲဒီထက်သေချာတဲ့ မှတ်ချက်တစ်ခုပြောရရင် ဒီလူဟာ ယုံကြည်မှုအလွဲကြီးကို တည်ဆောက်ဖို့ စိတ်ကူးယဉ်အိမ်မက်မက်ရင်း အချိန်ကုန်ဘဝဆုံးသွားတာလို့ ပြောရမှာပဲ။ အဲဒီလိုလူတွေ အများကြီးရှိတယ် ညီလေး။ လွဲမှားယုံကြည်မှုတွေနဲ့ ဘဝဟာ ဘယ်တော့မှ ရှေ့မရောက်ဘူး။ မတိုးတက်ဘူး။ ဒါကြောင့် ယုံကြည်မှုအစစ်အမှန်ဆိုတာကို ကိုယ်တိုင် တွေ့မြင်သိရှိ၊ စဉ်းစားဆုံးဖြတ်နိုင်တာနဲ့ အဲဒီလူဟာ အလျှင်အမြန်နဲ့ တိုးတက်မြင့်မားသွားနိုင်တယ်။ ကိုယ်တိုင်ရဲ့တကယ့်ဘဝယုံကြည်မှုကို သိရင်၊ မြင်သာထင်ရှားရှိပြီဆိုရင် အဲဒီယုံကြည်မှုကို အောင်မြင်အောင်လုပ်ကိုင်ဖို့ လွယ်ကူသွားသလို အဲဒီဘဝယုံကြည်မှုဟာ ကိုယ့်ရဲ့မသိစိတ်ထဲမှာအထိ ရောက်ရှိသွားတာနဲ့သေချာပြီ  ဒီလူဟာ သူ့ဘဝရည်မှန်းချက် အောင်မြင်ပြီပဲ။ ဒါကြောင့် ကိုယ့်ဘဝမှာ ဖြစ်ချင်ရချင်တဲ့အောင်မြင်မှုဟာ ကိုယ်တကယ်ဖြစ်ချင်တာဟုတ်၊ မဟုတ် စီစစ်ဖို့လိုတယ်။ ဘယ်လိုစီစစ်မလဲဆိုတော့  ကိုယ်ဖြစ်ချင်တယ်ဆိုတာဟာ သူများတွေကို အားကျပြီးဖြစ်ချင်နေတာလား ဆိုတာ စီစစ်ပါ။ အများအားဖြင့် ကိုယ်ဖြစ်ချင်တာ မဟုတ်ဘဲ ဒါလေးဖြစ်ရင်ကောင်းမှာပဲ ဆိုပြီး ဖြစ်ချင်စိတ်မွေးနေတာကလည်း တကယ်ဖြစ်ချင်စိတ် မဟုတ်ဘူး။”

“ဟုတ်ကဲ့အစ်ကို လေးစားအားကျပြီး သူများဖြစ်နေလို့ ကိုယ်လည်းဖြစ်ချင်တာမျိုးက တကယ့်ဖြစ်ချင်စိတ်မဟုတ်ဘူး ဆိုတာ သိပါပြီ။”

“ပြီးတော့ ကိုယ်ဖြစ်ချင်စိတ်ဟာ တစ်ဦးတစ်ယောက်က တိုက်တွန်းလို့ဖြစ်ချင်စိတ် ဖြစ်လာတာလည်း အစစ်အမှန်မဟုတ်ဘူး။ နောက်ပြီး တကယ်လို့ “ငါ” ဒီလိုဖြစ်ရင် အာလုံးက လေးစားအားကျမှာ၊ ငါ့ကို မော်ကြည့်ကြရမှာ” လို့ ဆိုပြီး ဖြစ်ချင်စိတ်မှာရှိနေရင်လည်း ဒါဖြစ်ချင်စိတ်အမှန် မဟုတ်ဘူး။ တကယ်ဖြစ်ချင်စိတ်က သိစိတ်နဲ့မှတ်သားတာတွေ၊ သိစိတ်တစ်ဝက်နဲ့ လက်ခံထားတာတွေကို ကျော်လွန်ပြီး မသိစိတ်ရဲ့အားထဲမှာ ရှိနေတယ်။ အဲဒီစိတ်ကို ယုံကြည်စိတ်လို့ ခေါ်တယ်။ ဘယ်အချိန်တွေမှာ ဒီဖြစ်ချင်စိတ်၊ ယုံကြည်စိတ်က ပေါ်ထွက်လာသလဲဆိုတော့ ကိုယ့်ဘဝယုံကြည်မှု အမှန်တကယ် တစ်ဆင့်မြှင့်ချင်တဲ့အခါမှာ ပေါ်ထွက်လာတတ်တယ်။ စောစောက ညီလေးကို မေးခဲ့တုန်းက “မင်းဘဝရည်မှန်းချက်ဟာ အောင်မြင်တဲ့စီးပွါးရေးလုပ်ငန်းရှင်လို့ မင်းပြောခဲ့တယ်နော်။”
“ဟုတ်ပါတယ်အစ်ကို”
“အောင်မြင်တဲ့စီးပွါးရေးလုပ်ငန်းရှင်ဆိုတော့ ဘယ်လိုစီးပွါးရေးလုပ်ငန်းရှင်လဲ”
“ဟော်တယ်ပိုင်ရှင် စီးပွါးရေးလုပ်ငန်းရှင်ပါ အစ်ကို”
“ဟုတ်ပြီ အဲဒီ ဟိုတယ်ပိုင်ရှင် စီးပွါးရေးလုပ်ငန်းရှင်ကြီးဖြစ်ဖို့အတွက် မင်းအားကျတဲ့သူကြောင့်လား။ မင်း တကယ်ဖြစ်ချင်တာလား။ သေချာစဉ်းစားစီစစ်ကြည့်ပါဦး။ တစ်ယောက်ယောက်က တိုက်တွန်းတာကြောင့်လား။ ”