ဒယကာတစ်ဦး ဖိတ်ကြားထားသော
အာရုဏ်ဆွမ်းကျွေးပွဲအတွက် ထိုင်းနှစ်ဟန်းတော်နှစ်ပါး ကြွရောက်ချီးမြှင့်ပါတယ်။ ရဟန်းတော်နှစ်ပါးကို
ဧည့်ခံထားသော ဧည့်ခန်းတွင် ငါးအမျိုးပေါင်းများစွာကို ထည့်၍ မွေးမြူထားသောမှန်ကန်တစ်ခု
ရှိပါတယ်။ “ငါးတွေကို မှန်ကန်ထဲထည့်ပြီး မွေးမြူခြင်းသည် သတ္တဝါတွေကို ကြင်နာသနားရမည်”
ဟုဆိုသည့် ဗုဒ္ဓ၏ မိန့်ကြားချက်ကို ဆန့်ကျင်ခြင်းဟု ရဟန်းငယ်က ပြောကြားပါတယ်။
“ဒါဟာ အကျဉ်းချထားခြင်းတစ်မျိုးပါ”လို့
ဆက်ပြောပါတယ်။
“မှန်ကန်ထဲမှာ
အကျဉ်းချထားခြင်းကြောင့် ငါးတွေအတွက် ဘာလိုများ ပိုကောင်းလာမှာလဲ။ ငါးတွေက ကြိုက်သလိုရေကူးသွားတဲ့
မြစ်ချောင်း၊ အင်းအိုင်ထဲမှာ ရှိနေရမှာ။”
ဒုတိယရဟန်းတော်ကတော့
ဒီအချက်ကို သဘောမတူပါဘူး။
“မှန်ကန်ထဲကငါးတွေက
လိုသလိုရေကူးသွားနိုင်ခြင်း မရှိဘူးဆိုတာ မှန်ပါတယ်။ ဒါပေမဲ့ မှန်ကန်ထဲမှာ နေခြင်းကြောင့်
အခြားသောအန္တရာယ်များစွာမှ လွတ်မြောက်နိုင်ပါတယ်။ ”
ရဟန်းတော်က ငါးတွေရဲ့လွတ်မြောက်မှုတွေကို
စာရင်းလုပ်ပြီး ရှင်းပြပါတယ်။
၁။ တစ်ယောက်ရဲ့အိမ်က ငါးကန်ထဲမှာ ငါးမျှားကြိုးလာချတဲ့ တံငါသည်ကို
တွေ့ဖူးပါသလား။ မတွေ့ဖူးပါဘူး။ ဒါကြောင့် ငါးကန်ထဲကငါးတွေအတွက် ပထမဆုံးလွတ်မြောက်မှုက
တံငါတွေရဲ့ရန်က လွတ်မြောက်မှုပါ။ ဘသာဝအတိုင်းလွတ်မြောက်ကူးခတ်နေတဲ့ငါးတစ်ကောင်ကို စဉ်းစားကြည့်ရအောင်။
သဘာဝအတိုင်းရှင်သန်တဲ့ငါးတစ်ကောင်အတွက်
တီတစ်ကောင်၊ ပိုးတစ်ကောင်ကို အမြဲတမ်းစားဖို့ သင့်၊ မသင့် မသေချာပါဘူး။ တီတစ်ကောင်ကို
စားမိလို့ အပေါ်ကို မြောက်တက်သွားပြီး၊ ပြန်မကျလာနိုင်ဖို့ ဖြစ်နိုင်ချေရှိပါတယ်။ သဘာဝအတိုင်းရှင်သန်တဲ့ငါးတစ်ကောင်အတွက်
အစာဟာ အန္တရာယ်တွေနဲ့ ရောပြွန်းနေပါတယ်။ တခါတရံမှာ အစာကြောင့် ထောင်ချောက်မှာ ကျရောက်နိုင်ပါတယ်။
စိတ်ပျက်စရာကောင်းတဲ့ ညနေစာတွေဖြစ်နိုင်ပါတယ်။
စားရမဲ့အစာအတွက်
စိုးရိမ်စိတ်ကြောင့် အစာမကြေဝေဒနာကို ငါးတွေအားလုံး ခံစားနေရပါတယ်။ သံသယစိတ်လွန်ကဲသောငါးတွေကတော့
အစာငတ်ပြီး သေဆုံးဖို့အလားအလာရှိပါတယ်။ သဘာဝအတိုင်းရှင်သန်နေတဲ့ငါးတွေက စိတ်ဝေဒနာခံစားနေသလို
ဖြစ်နေပါလိမ့်မယ်။ မှန်ကန်ထဲကငါးတွေအတွက် ဒီလိုစိုးရိမ်မှုဝေဒနာတွေ မရှိပါဘူး။
၂။ မြစ်ချောင်းထဲက ငါးတွေကို ပိုကြီးတဲ့ငါးတွေက စားသောက်ကြပါတယ်။
ဒီအန္တရာယ်ကိုလည်း စိုးရိမ်နေရပါတယ်။ မြစ်ကြီးတွေမှ ချောင်းငယ်လေးကို ညပိုင်းတက်သွားဖို့ဆိုတာကလည်း
ဒီနေ့ခေတ်မှာ မလုံခြုံတော့ပါဘူး။ ပိုင်ရှင်ရှိတဲ့ငါးကန်ထဲမှာတော့ ငါးတွေ တစ်ကောင်နဲ့
တစ်ကောင် စားဖို့ ခွင့်မပြုပါဘူး။ မှန်ကန်ထဲမှာနေရခြင်းကြောင့် အသားစားငါးကြီးတွေရဲ့ရန်မှ
လွတ်မြောက်ပါတယ်။
၃။ သဘာဝတရား အလှည့်အပြောင်းများကြောင့် တခါတရံမှာ ငါးတွေအစာငတ်ကြပါတယ်။
မှန်ကန်ထဲကငါးတွေအတွက်ကတော့ စားသောက်ဆိုင်နဲ့ ကပ်ပြီး နေထိုင်ရသလိုပါပဲ။ တစ်နေ့နှစ်ကြိမ်၊
အိမ်တိုင်ရာရောက် ပို့ပေးတဲ့အစားအသောက်တွေကို စားသောက်နိုင်ပါတယ်။ အိမ်ကို ပို့ပေးတဲ့ပစ်ဇာကို
စားသောက်ရခြင်းထက် ပိုအဆင်ပြေပါတယ်။ ပိုက်ဆံရှင်းစရာ မလိုပါဘူး။ မှန်ကန်ထဲက ငါးတွေအတွက်
အငတ်ဘေးမှ လွတ်မြောက်နေပါတယ်။
၎။ ရာသီဥတုပြောင်းလဲချိန်မှာ မြစ်ထဲ၊ ချောင်းထဲက ငါးတွေအဖို့
အလွန်ဆိုးရွာသော အပူချိန်တွေကို ခံစားရပါတယ်။ ဆောင်းရာသီမှာ အေးလွန်လို့ ရေခဲတွေ ဖုံးနေပါတယ်။
နွေရာသီမှာ ပူလွန်းလို့ တခါတရံမှာ ငါးခြောက်ဖြစ်သွားနိုင်ပါတယ်။ ဒါပေမဲ့ မှန်ကန်ထဲကငါးတွေအတွက်
အမြဲတမ်း အပူအအေးမျှတနေသော လေအေးပေးစနစ်ရှိပါတယ်။ မှန်ကန်ထဲက အပူချိန်က နေ့၊ ည၊ ရာသီဥတုပြောင်းသော်လည်း
မပြောင်းဘဲ တစ်နှစ်ပတ်လုံး တသမတ်ထဲပါ။ မှန်ကန်ထဲကငါးတွေအတွက် အပူ၊ အအေးပြောင်းလဲမှုဒဏ်မှ
လွတ်မြောက်နေပါတယ်။
၅။ သဘာဝအတိုင်းရှင်သန်တဲ့ငါးတစ်ကောင် နေမကောင်းခဲ့ရင်၊ ဘယ်သူမှကုသမပေးပါဘူး။
မှန်ကန်ထဲကငါးတွေအတွက်တော့ ကျန်းမာရေးအာမခံထားဖို့တောင် မလိုအပ်ပါဘူး။ ထိခိုက်ဒဏ်ရာဖြစ်ခဲ့ရင်
ပိုင်ရှင်က တိရိစ္ဆာန်ဆရာဝန်ကို အိမ်ကို ဖုန်းဆက်ပြီး၊ ခေါ်ပါလိမ့်မယ်။ ဆေးခန်းကိုတောင်
သွားစရာ မလိုပါဘူး။ မှန်ကန်ထဲကငါးတွေအတွက် ကျန်းမာရေးစောင့်ရှောက်မှု အမြဲရှိပါတယ်။
ရဟန်းကြီးက နောက်ဆုံးအတိုချုပ်ပြီးတော့ ပြောပါတယ်။
မှန်ကန်ထဲမှာ နေထိုင်ရသော်လည်း ကောင်းကျိုးချမ်းသာတွေ အများကြီးရှိပါတယ်။ မှန်ကန်ထဲကငါးတွေအဖို့
စိတ်ကြိုက်ရေကူးသွားလာဖို့ မဖြစ်နိုင်ပါဘူး။ အလိုဆန္ဒတွေကို ကန့်သတ်ထားပါတယ်။ သို့သော်လည်း
အခြားသောဘေးအန္တရာယ်တွေ၊ ထိခိုက်စရာတွေကို ကြုံတွေ့ဖို့လည်း မဖြစ်နိုင်ပါဘူး။
ရဟန်းကြီးက
ဆက်လက်ပြီး၊ ဒီဖြစ်ရပ်ကို စာရိတ္တကောင်းမွန်စွာနေထိုင်သည့်လူ့ဘဝနှင့် နှိုင်းယှဉ်ပြီး
ရှင်းပြပါတယ်။ မှန်ပါတယ်။ စည်းမျဉ်းတွေကို လိုက်နာပြီး၊ ကောင်းမွန်စွာနေထိုင်မယ်ဆိုရင်တော့
ဟိုဟိုဒီဒီဖြစ်ပေါ်လာတဲ့ အလိုရမက်တွေကို လိုက်ပါဖြည့်ဆည်းဖို့ မဖြစ်နိုင်ပါဘူး။ သို့သော်လည်း
စည်းမျဉ်းဘောင်အတွင်း ကောင်းမွန်စွာနေထိုင်ခြင်းကြောင့် ဘေးအန္တရာယ်နဲ့ ထိခိုက်ရန်များမှ
ကင်းဝေးနိုင်ပါတယ်။
အသင်က ဘယ်လို လွတ်လပ်မှုမျိုးကို
ရွေးချယ်လိုပါသလဲ။
( ဆရာတော်
“Ajahn Brahm” ၏ “which type of
freedom would you like” ကို ဘာသာပြန်ဆိုထားခြင်းဖြစ်ပါသည်။
)