ပျက်ယွင်းသွားသော ပုံရိပ်များ

    လူဆိုတာ ရှေ့ကလူ၊ပုခုံးပေါ်မှာ နောက်လူက တက်ရပ်ရတာ ဟူသော စကားကို ကြားဖူးပါတယ်။ ရှေ့က မျိုးဆက် သို့မဟုတ် ရှေ့မှလူများ၏ လုပ်ဆောင်ကြိုးစားချက်များကို မှီတည်၍ နောက်မျိုးဆက်များက လိုက်ရသည် ဟု ထင်မြင်မိပါသည်။ ထိုစကားရပ်သည် မိသားစုတစ်စု မှသည်။ နိုင်ငံ တစ်နိုင်ငံ ၊ လူသားမျိုးဆက် တစ်ခု လုံးအတွက် မှန်ကန်သည် ဟု ထင်မိပါသည်။ ဥပမာအားဖြင့် မိသားစုတစ်ခုကို ကြည့်ကြပါစို့။ ကိုယ်ပိုင် စီးပွါးရေးလုပ်သည့် မိသားစုတစ်ခုတွင် မိသားစုဝင်များသည် ရောင်းဝယ်ခြင်း၊ မိတ်ဆွေအပေါင်းအသင်းရှိ ခြင်း၊ စသည့် အတွေ့အကြုံများကို တွေ့ကြုံပြီးဖြစ်သောကြောင့် မိမိ၏ နောက်မျိုးဆက်များသည် ထိုအတွေ့ အကြုံများပေါ်တွင် မူတည်၍ ရှေ့သို့တက်နိုင်ပြီဖြစ်သည်။ သို့မဟုတ်ပဲ အခုမှ ကိုယ်ပိုင်စီးပွါးရေးကို စလုပ်သော အခါ မိတ်ဆွေကောင်းမရှိ၊ မစွန့်စားရဲ၊ ရင်းနှီးမှုမှား စသည် များတွေ့ကြုံ ရကာ တလည်လည်ဖြစ်နေတတ်သည်။

    အမေ၊အဖေ ကောင်းတို့က အနစ်နာခံကာ ပညာရေးကောင်းကို ပေးခဲ့ သောကြောင့် သားသမီးတို့သည် ဘ၀တွင် ဖြောင့်ဖြူးခဲ့ ရသည်။ အမေ၊ အဖေ တို့က စည်းကမ်းစနစ် အမွေပေးခဲ့သော ကြောင့် သားသမီးတို့ ဘ၀တွင် စနစ်တကျဖြစ်ခဲ့သည်။

    လူသားမျိုးဆက် အတွက်ဆိုလျှင်လည်း ရှေ့မှနေ၍ လူသားမျိုးဆက်အတွက် လိုအပ်သော အခြေအနေကောင်း၊စနစ်ကောင်းများကို မိမိတို့ မခံစားနိုင်တော့မှန်းသိသော်လည်း၊ အနစ်နာခံကာ တိုက်ခိုက် ဖေါ်ဆောင်ခဲ့ကြသည်။ ထို့ကြောင့် ယနေ့ လူ့အခွင့်အရေးကြေညာ စာတမ်း အတွက် နှစ်ပေါင်းများစွာ အကောင်အထည်ဖေါ်ခဲ့သည်။

   သမာကျမ်းစာကို ဘာသာပြန်ခဲ့သော မာတင်လူသားကင်း ကြောင့် လူသန်းပေါင်းများစွာ ဘာသာရေးတွင် လွတ်လပ်မှု ရခဲ့ကြသည်။ 

    ကျွန်တော်တို့၏ နိုင်ငံ အနာဂါတ် အတွက် တွေးကြည့်သော အခါတွင်ကား အလွန်ရင်လေးဖွယ်ရာ ဖြစ်သည်။ အဘယ်ကြောင့် ဆိုသော ရှေ့မျိုးဆက်များသည် နိုင်ငံ၏ အမွေအနှစ်သယံဇာတ များကို နောက်လာနောက်သား အတွက် မစဉ်းစားဘဲ ထုတ်ရောင်းခဲ့ကြသည်။ ထိုအတူ ရေရှည် အတွက် အလွန် အရေးကြီးသော ပညာရေး၊တရားဥပဒေ စသည့် စနစ်များမှာ အားနည်းပါသည်။ 

     ရုံးတွင် အလုပ်လုပ်သော ဖေါင်တိန် ကို သတ်သတ် ထားကာ၊ကိုယ်ရေးကိုယ်တာ အတွက် မသုံးသော အရာရှိများ အကြောင်းကို စာတွင် ဖတ်ရပါသည်။ သို့သော် ယခုခေတ်တွင် ရောက်သောနေရာ ၊ရာထူးတွင် မည်သို့ အမြတ်ထုတ်ရမည် ကို အရင် စဉ်းစားသော အရာရှိမှာ အများစု ပင်ဖြစ်သည်။

      အပျော် သဘောရှိ ရမည့် ဘောလုံးအားကစားကို အလောင်းအစား၊အမြတ်အစွန်း လို သဘောထားသော လူငယ်များ၊ ကြိုးစားအားထုတ်မှုကြောင့် ချမ်းသာသည်ထက် အဆက်အသွယ်ကောင်း များ၏ မစမှုကြောင့် ချမ်းသာသူများ ကြောင့် နိုင်ငံ၏ နောက်မျိုးဆက်ကို ပေးခဲ့ ရန် တွက် ကျွန်တော်တို့ မျိုးဆက် image သည် မကောင်းလှပါ။

     ထို့ကြောင့် မြန်မာ လူမျိုးများသည် လိုအပ်သည်ထတ် ပို၍ ကံ ဟုတမ်းတကာ ပုံအပ်လေ့ ရှိပါသည်။ငယ်ရွယ်စဉ် အခါက အမေရိကန်ရုပ်ရှင်များကို ကြည့်ကာ အလွန်အားကျပါသည်။ အေးအေးလူလူဖြင့် နေချင်တိုင်းနေကာ ချမ်းသာနေကြသောကြောင့် ဖြစ်သည်။ သို့သော် စာပေများကို ဖတ်ရှုရသော အခါ ရုပ်ရှင်များကဲ့သို့ မဟုတ်ပဲ ကမ္ဘာပေါ်တွင် အောင်မြင်သော နိုင်ငံတိုင်းသည် အလုပ်အလွန် လုပ်ကြသော နိုင်ငံ များ ဖြစ်သည်ကို တွေ့ရှိရသည်။

     အထပ်ပေါင်းများစွာပါသော ကွန်ဒိုကြီးကို ဖခင်ဖြစ်သူ ဘီလျှံနာ သူဠေးကြီး ၀ါရင်ဘူဖေးမှ ပိုင်ဆိုင်သော်လည်း သမီးဖြစ်သူက အခန်းတစ်ခန်း ကို ဖခင်ထံမှ ပြန်ဝယ်နေရသည်။ ထိုအတွက် အကြွေးကျေရန် နေ့စဉ် ၁၃ နာရီ ခန့် အလုပ်လုပ်ရသည်။ 

     ကံကောင်းကာ ချမ်းသာလာသည် ဟုပြော၍ မရပါ။ထို့ကြောင့် ကျွန်တော်တို့သည် နောင်မျိုးဆက်များအတွက် ကုန်သွားသော သယံဇာတများကို မပေးနိုင်သော်လည်း။ ကောင်းမွန်သော စနစ်၊ အလုပ်ကြိုးစားသော စိတ်ဓါတ် တို့ ကို အမွေပေးနိုင်ရန် ကြိုးစားသင့်သည်။

အခြေခံလေး အားနည်းသွားလို့

      တခါက ပုံပြင်လေးတစ်ခု ရှိပါသည်။ စောင်းတီးသင်ခဲ့ဖူးသော တပည့်အား ဆရာက အခြားတပည့်များထက် သင်ကြားခ ပိုယူပါသည်။ ဆရာ့အဖြေက အရင်က သင်ကြားခဲ့တာသော အမှားတွေ ပျောက်အောင် ပိုသင်ရလို့ ဟု ဖြေပါသည်။ ပညာရပ်တစ်ခုကို စတင်သင်ကြားသော အခါ ကျေညက်အောင် လေ့လာရမည့် အခြေခံအချက်များ ရှိပါသည်။ အခြေခံတရားများသည် ရုတ်တရက်ကြည့်လိုက်ပါက အရေးမပါသကဲ့သို့လည်း ထင်ရပါသည်။ အခြေခံများကို လေ့ကျင့်ခြင်းသည် ပျင်းရိငြီးငွေ့ဖွယ်ကောင်းလှပါသည်။ အချိန်များစွာကြာမြင့်ပါသည်။ ထိုအခြေခံများအားနည်းပါက အဆင့်တဆင့် ရောက်သောအခါ အပေါ်သို့တက်ရောက်ရန် မဖြစ်နိုင်တော့ပါ။ ထိုအခါ ရောက်သော နေရာနှင့်ပင် တင်းတိမ်လိုက်ရပါတော့သည်။

          စနစ်ကျနသော သီဆိုတီးမှုတ်ခြင်းတို့အတွက် အခြေခံနရီ၊ စည်းဝါးတို့ကို ပိုင်နိုင်အောင် လေ့ကျင့်ထားရပါသည်။ နားထောင်မကောင်းသော လေ့ကျင့်ခန်းတို့ကို ကျေညက်အောင် လေ့ကျင့် ရပါလိမ့်မည်။  အခြားသူ၏ တီးခတ်ခြင်းကို အားကျ၍ လိုက်လံလုပ်ကိုင်သောသူတို့မှာ အပျော်တမ်းအဆင့်နှင့် တင်းတိမ်လိုက်ရတတ်ပါသည်။ အနုပညာရှင်တစ်ဦးသည် သူ၏ အခြေခံဝမ်းစာ ပြည့်ဝမှုပေါ်တွင် မူတည်၍ ခရီးဝေးဝေးရောက်နိုင်ပါသည်။

ဘာသာစကားတစ်ခုကို အသုံးချအဆင့်သို့ တတ်မြောက်ရန်အတွက် ဘာသာစကား၏ အခြေခံသဒ္ဒါဗေဒ၊ အသုံးအနှုံးတို့ကို ပိုင်နိုင်ရပါလိမ့်မည်။ အဆောက်အဦးတစ်ခု၏ အပေါ်သို့ မည်မျှမြင့်အောင် ဆောက်နိုင်သည် ဆိုသော အချက်သည် အောက်ခြေဖေါင်ဒေးရှင်း အပေါ်တွင်သာ မူတည်ပါသည်။ ဤသို့ အခြေခံတရားများသည် အရေးကြီးသော်လည်း ကျွန်တော်တို့သည် အချိန်ပေးပြီး ကျေညက်အောင် လေ့လာလိုခြင်း မရှိပါ။

စက်ပစ္စည်းတစ်ခု ရုတ်တရက် ထိုးရပ်ရသော အကြောင်းရင်းကို ရှာဖွေသောအခါတွင် အများစုမှာ အခြေခံအချက်တွေ ပျက်စီးနေလို့ ဖြစ်တပ်ပါသည်။ မီးပလပ်ပေါက် မတပ်လို့၊ ဆီကုန်သွားလို့၊ စသည့် အလွန်လွယ်ကူသော အကြောင်းရင်းတွင်သာ ဖြစ်သည်။ တခါတရံတွင် ရာဂဏန်းပင် ပေးရသော အခြေခံ ဖြစ်သည့် ချောဆီ မရှိပဲ မောင်းမိသောကြောင့် သိန်းဂဏန်းအထိ အပျက်အစီးများလည်း ဖြစ်တတ်ပါသည်။ ထိုသို့အခြေခံတရားများကို တွေ့မြင်ခြင်းရော ရှိပါရဲ့လား။ တွေ့မြင်ခဲ့လျှင်၊ လိုက်နာလိုစိတ်ရော ရှိပါရဲ့လား၊ ဆိုသည်တို့သည် စိတ်ဝင်စားစရာပင် ဖြစ်သည်။

အခြေခံတို့ အရေးကြီးပုံအား ကျွန်တော်တို့ လူမှုဝန်းကျင်တွင် သတိတရ ပြောဆိုဖြစ်ရဲ့လား။ အောင်မြင်သူတို့က သူတို့၏ အောင်မြင်မှုတို့ကို ခွဲခြမ်း၊ စိတ်ဖြာ လက်ဆင့်ကမ်းကြပါရဲ့လား။ သူတို့ ကိုယ်တိုင်ကရော အခြေခံကျကျ လုပ်ကိုင်ခဲ့ခြင်း ဟုတ်ပါရဲ့လား။ ထိုအချက်များသည် စိတ်ဝင်စားစရာပင် ဖြစ်သည်။ လူတို့သည် မိမိတို့၏ စံပြပုဂ္ဂိုလ် (Role Model) များ၏ စိတ်ဓါတ်စရိုက်များအား စံထားကာ ကူးယူလေ့ရှိကြပါသည်။ အမှားများနှင့် ရှင်သန်အောင်မြင်နေသူများသည် လူ့အဖွဲ့အစည်းတွင် သင်က မည်သို့ အခြေခံတရားတွေ အရေးကြီးသည်လို့ ပြောဆို နိုင်မှာလဲ။ စည်းရုံးနိုင်မှာလဲ။

အခြေခံစည်းမျဉ်းများကို ချိုးဖေါက်ခဲ့ကြသောကြောင့် ကျွန်တော်တို့၏ လူ့ဂုဏ်သိက္ခါတွေ ဘယ်လောက်တောင် ကင်းမဲ့ကုန်ပြီလဲ။ ကျွန်တော်တို့၏ အသက်မွေးဝမ်းကျောင်းအလုပ်ရဲ့ သိက္ခာတွေလဲ ကြေးစားဆန်ဆန် အသပြာနှင့် လဲလှယ်ခဲ့ရပါပြီ။ အခြေခံကျဖို့ လိုအပ်လို့ အုတ်မြစ် ပြန်တူးနေရင် ဘယ်တော့လောက်မှ အမြင့်တက်တာကို တွေ့လာရမှာလဲ။

( တွေးမိသမျှလေးပါ။ )

ကျွန်တော်တို့ ကိုယ်တွင်းမှ အဆိပ်များ

-->

      ယခုခေတ်သည် လွန်ခဲ့သောနှစ် ၄၀၊ ၅၀ ထက် သိသိသာသာ ဓါတုပစ္စည်း၊ ဆေးဝါးများကို သုံးစွဲကြပါသည်။ ထိုသို့ သုံးစွဲသောနေရာများမှာ နေရာတိုင်းလိုလို ဖြစ်ပါသည်။ လူတို့သုံးစွဲသောလူသုံးကုန်ပစ္စည်း၊ စားသောက်သောအစားအသောက်များတွင် ဓါတုဗေဒပစ္စည်းများကို လိုအပ်သည်ထက်ပို၍ ထည့်သွင်းသုံးစွဲခြင်းကြောင့် ရှေးယခင်က အတွေ့ရနည်းပါးသောကင်ဆာကဲ့သို့ ရောဂါများ ယနေ့ခေတ်တွင် ဖြစ်ပွါးမှုများလာခဲ့ပါသည်။

         ဓါတုဗေဒပစ္စည်းများကို သုံးစွဲရသည် ရည်ရွယ်ချက်မှာ လိုအပ်ချက်အရ ဖြစ်နိုင်သကဲ့သို့ ကုန်စည်များ ပို၍ဈေးကွက်ဝင်နိုင်အောင် သုံးစွဲခြင်းလည်း ဖြစ်နိုင်ပါသည်။ ဓါတုဗေဒပစ္စည်းများကြောင့် ဓါတ်ပြုမှုဖြစ်စဉ်များ ပိုမိုမြန်ဆန်လာပြီး ကုန်ပစ္စည်းထုတ်လုပ်ချိန်ကို လျှော့ချနိုင်ပါသည်။ ကုန်ပစ္စည်းများကို ဈေးကွက်အတွင်းသို့ ပိုမိုမြန်ဆန်စွာ ပို့နိုင်ပါသည်။ ဓါတုပစ္စည်းများကြောင့် အသီးအနှံတို့ အရောင်အသွေးစိုပြေလာနိုင်ပြီး၊ အနံ့ပို၍ မွှေးလာနိုင်ပါသည်။ ဓါတုဗေဒပစ္စည်းများသည် အတိုင်းအတာတစ်ခုအထိ နှိုင်းချင်သုံးစွဲမည်ဆိုပါလျှင် အလွန်အသုံးဝင်ပါသည်။ သို့သော် လူတို့၏ မတော်လောဘဖြင့် လိုအပ်သည်ထက် ပိုမိုသုံးစွဲခြင်းကြောင့် စားသုံးသူများတွင် ရောဂါဘယများ များပြားစေပါသည်။

        အသားတိုးကြက်မွေးမြူရေးတွင် ကြက်များ ရောဂါဘယဖြစ်ပွါးပါက တိုက်ကျွေးရန်ဆေးဝါးများ ရှိပါသည်။ ထိုဆေးဝါးများကို ထုတ်လုပ်သောကုမ္ပဏီမှ ဆေးပုလင်းအပေါ်တွင် ဆေးဝါးကို တိုက်ကျွေးပြီး၊ နောက်ထပ် ၇ ရက်ခန့်ရှိမှ စားသုံးခြင်းပြုပါဟု ရေးထားပါသည်။ သို့သော် ထိုသတိပေးချက်ကို ကျွန်တော်တို့ နိုင်ငံရှိ မွေးမြူရေးသမားအများစုမှာ လိုက်နာခြင်း မပြုပါ။ မျှော်မှန်းထားသောဈေးနှုန်းကို ရရှိချိန်တွင် မွေးမြူရေးကြက်ကို စားသုံးရန် ဈေးကွက်အတွင်းသို့ ပို့မည်ဖြစ်ပါသည်။ ကြက်များကို တိုက်ကျွေးသောဆေးဝါးများသည် ကျွန်တော်တို့လူများ သောက်သုံးသည့် ပဋိဇီဝဆေးဝါး ( Anti-biotic ) အုပ်စုများနှင့် အတူတူပင်ဖြစ်ပါသည်။ ဥပမာ… ကလိုရိုဖင်နီကော၊ တက်ထရာဆိုင်ကလင်း၊ အမောက်ဇင်း…စသည့် ဆေးဝါးအုပ်စုများဖြစ်ပါသည်။ ထိုဆေးဝါးအုပ်စုများကို ကိုယ်ခန္ဓာအတွင်းရှိ ဘက်တီးရီးယားရောဂါပိုးမွှားများကို တိုက်ခိုက်နှိမ်နင်းပေးပါသည်။ ထိုနောက် ကိုယ်ခန္ဓာအတွင်း အနည်းဆုံး ၇ ရက်ခန့် ဆေးဝါးအာနိသင်ရှိနေပါသေးသည်။

       ပဋိဇီဝဆေးကို တိုက်ကျွေးထားသောကြက်တွင် နောက်ထပ် ၇ ရက်ကျော်မှ ထိုဆေးဝါး၏အာနိသင် ပျောက်ကွယ်မည် ဖြစ်သည်။ ၇ ရက် မပြည့်သေးခင် ကြက်ကို သတ်၍ စားသုံးပါက၊ ကြက်၏အသားတွင် ပါဝင်သောဆေးဝါးများသည် ကျွန်တော်တို့ကိုယ်ခန္ဓာအတွင်းသို့ ရောက်ရှိလာပါသည်။ ထို့ကြောင့် ပဋိဇိဝဆေးဝါးများကို ကျွန်တော်တို့ မသောက်သုံးသော်လည်း၊ စားသုံးသောအသားမှ တဆင့် ကိုယ်ခန္ဓာအတွင်း ဝင်ရောက်လာသောကြောင့် နောင်တချိန်တွင် ကိုယ်ခန္ဓာသည် ဆေးမတိုးခြင်းနှင့် ပဋိဇီဝဆေးဝါးများ၏ ဘေးထွက်ဆိုးကျိုးများကို ကျွန်တော်တို့ ရရှိနိုင်ပါသည်။

       ဆန်းစစ်ကြည့်လျှင် မွေးမြူရေးသမားတွင် လုံလောက်သောပညာဗဟုသုတမရှိသလို သားသတ်ရုံများတွင် ကြက်များကို သေချာစွာစစ်ဆေးနိုင်ခြင်းမရှိပါ။ စားသုံးသူများအတွက် ဘေးအန္တရာယ်မှ ကာကွယ်ပေးသော အသင်းအဖွဲ့များ မရှိပါ။ ကျန်းမာရေးဝန်ကြီးဌာနမှ လုံလောက်သောအသိပညာဖြန့်ဝေခြင်း၊ ကာကွယ်တားဆီးခြင်း မပြုလုပ်ကြပါ။

     နောက်တစ်နည်းထပ်စဉ်းစားကြည့်လိုက်လျှင် ခေတ်မှီပညာတတ်သောမွေးမြူရေးသမားသည် ထိုဆေးဝါးများ၏ အကျိုးဆက်ကိုသိပါသသည်။ သို့သော် ဈေးကွက်၏ မြူဆွယ်မှုကို မခံနိုင်ပါ။ အများမိုးခါးရေသောက်..ဟူသော ပေါ်လစီကို ကျင်သုံးပါသည်။ သားသတ်ရုံများတွင် ခန့်အပ်ထားသော ဆရာဝန်သည် အကျိုးဆက်တွေကို သိသော်လည်း၊ “ငါ တစ်ယောက်ထဲ ဘာလုပ်လို့ ရနိုင်မှာလဲ…”လို့ တွေးကောင်းတွေးမိပါလိမ့်မည်။ “သတ္တဝါတစ်ခု၊ ကံတစ်ခုပဲ…”လို့ ဘာသာရေးကို ခုတုံးလုပ်ပြီး မိမိစိတ်ကို လိမ်လည်ပြီး ထားနိုင်ပါသည်။ သိုမဟုတ်.. “ဒါလေးက ဘာမှမဟုတ်ပါဘူး။ ဒီထက်အရေးကြီးတာတွေကိုတောင် ဘာမှ မလုပ်နိုင်သေးတာကွာ” ဟုတွေးပြီး ခေတ်စနစ်၊ အစိုးရတို့ကို ဝေဖန်ရင်း မိမိတာဝန်ကို ရှောင်လွှဲနိုင်ပါသည်။

       အထက်ပါ ဥပမာသည် တိမွေးကုဆရာဝန်များကို တိုက်ခိုက်လိုခြင်း မဟုတ်ပါ။ အလားတူ နောက်ဆက်တွဲဆိုးကျိုးများစွာရှိသောကိစ္စရပ်များကို မိမိတို့တတ်နိုင်သလောက် တာဝန်မယူခဲ့ခြင်းကြောင့် ပျက်စီးခဲ့ရသော ကျွန်တော်တို့၏ လူနေမှုစနစ်ကို ထောက်ပြလိုခြင်းသာ ဖြစ်ပါသည်။ အနီးစပ်ဆုံးကိစ္စတစ်ခုမှာ မုံရွာရှိ ဦးပိုင်နှင့် ဝမ်ပေါင်ကြေးနီမိုင်းကိစ္စကို စဉ်းစားဆင်ခြင်နိုင်ပါသည်။

       မိမိတို့ ပတ်ဝန်းကျင်တွင် ဖြစ်ပေါ်နေသော အမြင်မတော်မှု၊ မတရားမှုများကို တတ်နိုင်သမျှ တားဆီးနိုင်ရန်ကြိုးစားရပါမည်။ တားဆီးနိုင်သောအခွင့်အရေးနှင့် အချိန်ရှိလျှင် တစ်နိုင်တစ်ပိုင်အားထုတ်ရပါမည်။ နောက်ဆုံးတားဆီးနိုင်စွမ်းမရှိနိုင်အောင် မတရားမှုတို့ ကြီးထွားလာလျှင်တော့ အလုံးစုံကို လောင်ကျွမ်းသွားပေလိမ့်မည်။ ထိုအချိန်တွင် တားဆီးဖို့၊ အားထုတ်သည်ထက် အလောင်ကျွမ်းခံဖို့ စောင်နေဖို့သာရှိပါတော့သည်။

       ထိုသို့သော သဘောတရားကို ဆရာဖေမြင့် ဘာသာပြန်သော “လူနာဆောင်အမှတ်ခြောက်” စာအုပ်တွင် ရှင်းလင်းစွာ ဖေါ်ပြခဲ့သည်။ မီးဟူသမျှကို မိမိရေတစ်ဖလားနိုင်လျှင် တစ်ဖလား၊ ရေတစ်စည်နိုင်လျှင် ရေတစ်စည် သယ်၍ ငြိမ်းသတ်ဖို့အားထုတ်ရမည်ဖြစ်သည်။ ထိုအချိန်တွင် ကိုယ်နှင့် မဆိုင်သကဲ့သို့ နေထိုင်နေလျှင်၊ မီးတောက်သည် ကြီးမားလာပြီး၊ မိမိကိုယ်ကို လောင်ကျွမ်းသွားပါလိမ့်မည်။

       ကိုယ်ခန္ဓာအတွင်းသို့ ဝင်ရောက်နိုင်သောဓါတုဆေးဝါးအဆိပ်များကို ကျွန်တော်တို့ တတ်နိုင်သမျှ ရှောင်ကြဉ်စားသုံးနိုင်ပါသည်။ သို့သော် သတိပြုမိရန်ခက်ခဲသော အခြားအဆိပ်တစ်မျိုးရှိပါသေးသည်။ ထိုအဆိပ်မှာ မိမိတို့၏ စိတ်အတွင်းဝင်ရောက်နေသောအဆိပ်များ ဖြစ်ပါသည်။ သတိပြုမိရန်ခဲယဉ်းသလို၊ အဆိပ်တက်နေသည်ကိုပင် တခါတရံ အရသာရှိသည်ဟု ထင်မှားမိစေသော စိတ်တွင်းအဆိပ်များ ဖြစ်ပါသည်။ ကျွန်တော်တို့သည် စစ်အာဏာရှင်များအောက်တွင် နှစ်ပေါင်းများစွာ နေထိုင်ခဲ့ရပါသည်။ ထို့ကြောင့် စစ်အာဏာရှင်တို့၏ သွေးခွဲဆက်ဆံရေး၊ သွေးခွဲအုပ်ချုပ်ရေးတို့မှာ ကျွန်တော်တို့ မသိလိုက်သော အဆိပ်များပင်ဖြစ်ပါသည်။ တဖက်သားကို အနိုင်ထက်အလွန် အပုတ်ချပြီး၊ မိမိသာလျှင် အလွန်ကောင်းမွန်စွာ နေထိုင်သယောင် ပြုမူပြောဆိုတတ်သောစရိုက်များသည် စစ်အာဏာတို့ တိုက်ကျွေးခဲ့သောအဆိပ်များပင်ဖြစ်ပါသည်။ နေ့စဉ်ထုတ်ဝေသောသတင်းစာနှင့် တီဗွီ၊ ရေဒီယိုတို့မှတဆင့် တစ်နိုင်ငံလုံးသို့ အဆိပ်ဝါဒများဖြန့်ဝေခဲ့ကြဖူးပါသည်။ မိမိနှင့် အဆင်အပြေလျှင် ထိုသူ၏ ကြီးကျယ်သောလုပ်ဆောင်ချက်များကို မသိကျိုးနွံပြုပြီး၊ ပုဂ္ဂိုလ်ရေးများကို တိုက်ခိုက်တတ်သောအဆိပ်များသည် ကျွန်တော်တို့ကိုယ်တွင်းမှအဆိပ်များပင် ဖြစ်သည်။ နှိုင်းယှဉ်ချိန်ထိုးပြီးပြောဆိုရမည့်အစား အခြားတစ်ဖက်သားကို စွပ်စွဲပုတ်ခတ်၊ ရန်ပြုစော်ကားပြောဆိုတတ်ခြင်းသည် အာဏာရှင်တို့ တိုက်ကျွေးခဲ့သောအဆိပ်များပင် ဖြစ်သည်။ လူမျိုးကြီးဝါဒဆန်ဆန်ပြောဆိုပြီး၊ အခြားလူမျိုးများကို နှိမ်ချခြင်းသည် အာဏာရှင်တို့၏ အဆိပ်များပင် ဖြစ်သည်။

       ထေရဝါဗုဒ္ဓဘာသာ ဟု တဖွဖွ ပြောဆိုရင်း ဘာသာရေးခွဲခြားမှုများကို ပြုလုပ်မိနေသူများတွင် ကျွန်တော် အပါအဝင် ဖြစ်ပါသည်။ အဆိပ်အမျိုးပေါင်းများစွာ ကိုယ့်စိတ်အတွင်းရောက်ရှိနေသည်ကို မသိရှိနိုင်ပဲ၊ အဆိပ်တက်ခြင်းကို အရသာခံနေမိသူများထဲတွင်လည်း ကျွန်တော် ပါဝင်ပါသည်။ ယခုခေတ်သည် အင်တာနက်ကို ကျယ်ကျယ်ပြန့်ပြန့် အသုံးပြုနိုင်လာသောကြောင့် အင်တာနက်စာမျက်နှာများတွင် အဆိပ်ခတ်ခြင်းကို ပိုမိုလွယ်ကူစွာ ပြုလုပ်နိုင်ပါသည်။ facebook အကောင့်တစ်ခုဖြင့် နိုင်ငံတစ်ခုလုံးကို အဆိပ်ခတ်နိုင်လာပါသည်။

        ကိုယ်တွင်းရှိအဆိပ်များ၏ တိုက်ခိုက်မှုကြောင့် မှားယွင်းဖေါက်ပြန်ပြီး မိမိကိုယ်တိုင် အဆိပ်တက်နေမှန်းမသိဖြစ်နေသူတွင် ကျွန်တော်ကိုယ်တိုင်လည်း ပါဝင်ပါသည်။ အဆိပ်၏ အရသာကို စွဲစွဲမက်မက်ဖြစ်နေသော ကျွန်တော်တို့နိုင်ငံသားတို့ကို တတ်စွမ်းနားလည်သောဆေးသမားတို့က တစ်နိုင်တစ်ပိုင် အဆိပ်ဖြေဆေးဝါးဖေါ်စပ်ပြီး တိုက်ကျွေးရန် လိုအပ်နေချိန်ဖြစ်ပါကြောင်း တောင်းဆိုလိုက်ရပါသည်။

( ကျွန်တော်တွေးမိသမျှလေးပါခင်ဗျာ။  )