ကျွန်တော်ကြိုက်ခဲ့သော စာအုပ်များ(၃)-အဆက်(၂)

ဆရာအောင်သင်းက သရုပ်ဆောင် ဆွေဇင်ထိုက်နှင့် တွေ့ဆုံမေးမြန်းမှုကို အသိငတ်တဲ့အနုပညာသည် ဟု ခေါင်းစဉ်တပ် ခဲ့ပါသည်။

သင်း။  ။ ညည်းဟာ ရွှေစင်ရုပ်ကိုရတဲ့ ရုပ်ရှင်မင်းသမီးဖြစ်နေပါလျှက်နဲ့ ဆိုလိုတာက အနုပညာနယ်ပယ်မှာ အောင်မြင်ပြီးသူဖြစ်နေပါလျှက် ပညာရေးကိုလုံးဝ မျက်ခြည်အပြတ်မခံဘဲ လိုက်စားနေခဲ့တာက ဘာကြောင့်လဲ။ ဘယ်လိုရည်ရွယ်ချက်လဲဆိုတာကို ပြောပြပေးနိုင်လား။   

ဆွေ။  ။ ….ဒါပေမဲ့နောက်ပိုင်းမှာ အတွေ့အကြုံအရရော၊ ကိုယ် သင်ကြားဆည်းပူးလာရတဲ့ ပညာတွေအရရော ကျတော့မှ ထူးချွန်တယ်ဆိုတာ မိမိကိုယ်ကိုသာမက မိမိပတ်ဝန်းကျင်ကိုပါ တိုးတက်အောင်လုပ်နိုင်မှ တကယ်ထူးချွန်တာဖြစ်လာတယ် ဆိုတာကို သိလာတာကိုး ဆရာရဲ့။

ဆွေ။  ။ကျွန်မအဖေက ပြောဖူးပါတယ် ကြီးပွားချင်ရင် ပညာ၊ အသိ၊ အမြင် ကျယ်ဝန်းရတယ်။ အဲဒီထက် ပိုပြီး ငွေကြေးပါ ချမ်းသာချင်တယ်ဆိုရင်ဖြင့် စာရင်းအင်းကိစ္စ၊ ဥပဒေကိစ္စတွေပါ နားလည်းထားရမယ်တဲ့။…..ကျွန်မတို့ အိမ်မှာ ငယ်ငယ်က ပြောကြဆိုကြတော့ ကျွန်မကပညာမှာ ‘ပုတိ’ မှာ ရောက်နေတယ် ဆိုပဲ။ ဒီတော့ ပညာမှာဖြင့် ထွန်းထွန်းပေါက်ပေါက် မဖြစ်နိုင်ဘူး။ မကျော်စောနိုင်ဘူးပေါ့ ဆရာ။ ဒါပေမဲ့ ကျွန်မတို့ မောင်နှမအားလုံးမှာ ကျွန်မဟာ စာမေးပွဲတွေကို အောင်ခဲ့နိုင်တာမို့ ကြိုးစားမှုကိုပဲ ကျွန်မ ယုံပါတယ်။

…ဒီလိုနဲ့ ဆွေဇင်ထိုက်က သူမရဲ့ပညာရေး ခရီးကြမ်းကို ဆက်ပြောပြပါတယ်။

ဆွေ။  ။ လှုပ်လိုက်ရှားလိုက်ရတာကိုဖြင့် ပြောမနေနဲ့တော့ဆရာရေ့။ မနက်လင်းလာလိုက်တာနဲ့ တစ်ပြိုင်နက် ခင်ပွန်းသည်အတွက် လိုအပ်တာတွေ အကုန်ပြင်ဆင်ပေးရတယ်။ ဇနီးသည်ကိုး ဆရာရဲ့။ နောက်ပြီး မိခင်တစ်ယောက်အနေနဲ့ ကလေးအတွက် လိုအပ်သမျှတွေကို ပြင်ဆင်ပေး။

ဆွေ။  ။ ဘယ်လောက်များ လုပ်ခဲ့သလဲ ဆိုရင် ကျောင်းအားတဲ့နေ့များဆို မနက်ခုနှစ်နာရီ က ဆယ့်တစ်နာရီအထိ တစ်ကား၊ ဆယ့်နှစ်နာရီ ကနေ ညနေ ခြောက်နာရီလောက်အထိ တစ်ကား၊ညနေ ခုနှစ်နာရီလောက် ကနေ ည ဆယ့်တစ်နာရီ၊တစ်ခါတလေ ဆယ့်နှစ်နာရီလောက်အထိ တစ်ကား၊ လောဘက လည်းရှိနေသေးတာကိုး။….ဆိုပြီးသူမရဲ့ကြိုးစားမှုများကို ပြောပြတယ်။

    ထိုနောက် သူမတက်ခဲ့သော ဘွဲ့နှင့် ဒီပလိုများလက်မှတ်များကို ဆက်ပြောပြ ပါတယ်။ ၀ါဏိဇ္ဇဗေဒဘွဲ့၊ စာရင်းအင်း ဒီပလိုမာ၊ HGP၊ R.L ၊ပြင်သစ်ဘာသာ စကားသင်တန်း၊ ဗြိတိသျှကောင်စီကဖွင့်တဲ့ သင်တန်းတွေစတဲ့ သင်တန်းပေါင်းစုံပင်ဖြစ်တယ်။ ထိုခေတ်က ယခုခေတ်လို သင်တန်းပေါင်းစုံတက်စရာ မလိုသည့်ခေတ်မှာပင် သရုပ်ဆောင် ဆွေဇင်ထိုက်သည် ရသည့်အချိန်ကိုလုကာ အခက်အခဲများကြားမှ ဆက်လက် ဆည်းပူးခဲ့ပါသည်။ သူမကို အခုလိုပညာကို တရှိုက်မက်မက် ဆည်းပူးလိုသည့်စိတ်ကို တွန်းအားပေးသည့်အချက်ကို သူမက ယခုလို ဖြေကြားထားပါသည်။

ဆွေ။  ။…..သေချာတာတစ်ခုကတော့ ကျွန်မ အသိအမြင် ကျယ်ဝန်းချင်တယ်။ နောက်ပြီး ကျွန်မ သမီးလေးကို လည်း အသိအမြင် ကျယ်ကျယ်နဲ့ လမ်းညွှန်ပြီး ဦးဆောင်ဦးရွက် လုပ်ပေးသွားချင်တယ်။ အဲဒါကတော့ဖြင့် ပဓာန တွန်းအားကြီးလို့ ပြောနိုင်ပါ လိမ့်မယ်။

  အသိပညာ ကျယ်ဝန်းလာသည့် အတွက် ကောင်းကျိုးခံစားရပုံကို ယခုလို

ဆွေ။  ။ကောင်းတာကတော့ ကျွန်မကိုယ်တိုင်ကလည်း အဖွဲ့အစည်းတွေမှာ ပါဝင်လုပ်ဆောင် နေရတော့ ပြောစရာ ဆွေးနွေးစရာ ကြုံလာပြီဆိုရင် အကျိုးအကြောင်းကျကျ စည်းကမ်းညီအောင် ဘောင်ဝင်အောင် ပြောနိုင်ဆိုနိုင် လာတယ်။ အဲဒီလို ပြောတတ်တဲ့လူမျိုးတွေရဲ့ လူမျိုးတွေရဲ့ စကားကိုလည်း အလေးအနက်ထားပြီး ယူလာတတ်တယ်။ ဘာမှန်းညာမှန်းမသိ စကားပြောရရင်ပြီးရော ဆိုတာမျိုးတွေကို ကြားနေရရင်လည်း စိတ်ပျက် လာတယ်။

   မကောင်းတဲ့ဘက်လို့ ထင်တာတွေကတော့

ဆွေ။  ။ …ကျွန်မ အိမ်ထောင်ကျစက အသက်ကငယ်သေးတယ်။ ကိုယ့်ပညာကလည်းဆယ်တန်းပဲ ရှိသေးတယ် ကျွန်မခင်ပွန်းသည် ပြောတာကို အားလုံး ခေါင်းညိတ်နာခံ ခဲ့တာပါပဲ။ ဒါပေမယ့် တက္ကသိုလ်ကို တက်ရင်း အသိပညာ ကလည်း ထိုက်သင့်သလောက် ကျယ်ဝန်းလာတယ်။ အရွယ်အားဖြင့်လည်း နည်းနည်းပိုပြီး ရင့်ကျက်လာတယ် ဆိုပါတော့။ အဲဒီအခါမှာ ခင်ပွန်းသည်ရဲ့ ဆုံးဖြတ်ချက်ဟူသမျှကို မည်းသည် ဖြစ်စေ၊ ဖြူသည် ဖြစ်စေ ခေါင်းညိတ်တာမျိုး မလုပ်နိုင်တော့ဘူး။ ကျွန်မက သူ့ကို အကျိုးအကြောင်းနဲ့ ပြန်ပြောတာမျိုး ဖြစ်လာတာကို ပြောတာပါ။ အဲဒီလောက်ကစပြီး အိမ်ထောင်ရေးမှာ ပြသနာပျိုးလာတာဆိုတော့ တစ်ဖက်ကလည်း မကောင်းဖူးလို့ ပြောရမလားမသိတော့ ပါဘူးဆရာ။

…..ပြန်လည် ဖြေကြားရင်း အင်တာဗျူးကို အဆုံးသတ်ထားပါသည်။

ကျွန်တော်ကြိုက်ခဲ့သော စာအုပ်များ(၃)-အဆက်(၁)

·အေး။  ။....မြန်မာနိုင်ငံမှာရော တခြားနိုင်ငံတွေမှာပါ လူဝင်စားကလေးငယ်တွေကို သိပံ္ပ နည်းကျလေ့လာခဲ့တဲ့ ဒေါက်တာ စတီဗင်ဆင်ရဲ့ သုတေသန စာအုပ်ထဲမှာ ကမ္မ၀ါဒနဲ့ ပတ်သက်တဲ့ အထောက်အထား တစ်စွန်းတစ်စကိုမှ မတွေ့ရ ဘူး။....

   တစ်ဖက်စွန်းရောက် ကမ္မ၀ါဒ ဟာ ထာဝရဘုရားဝါဒနဲ့ တူမနေဘူးလား။ ထာဝရ ဘုရားနေရာမှာ ကမ္မနိယာမကို အစားထိုးလိုက်သလို ဖြစ်မနေဘူးလား။ ထာဝရဘုရား ၀ါဒီတွေက ဘာမဆို ထာဝရဘုရားသခင်ရဲ့ အလိုတော်အတိုင်း ဖြစ်ရတယ်လို့ ဆိုကြသလို ကမ္မ၀ါဒီတွေကလည်း သတ္တတစ်ခုကံတစ်ခုလို့ ဆိုကြတာပဲ။ ဘုရားသခင်ရဲ့ အလိုတော်ကို မသိနိုင်ဘူးလို့ဆိုကြသလို ကံတရားရဲ့ဆန်းကြယ်ပုံကို မကြံစည်အပ်ဘူးလို့ ဆိုကြတာပဲ မဟုတ်လား။အဲ ..မတူတာ တစ်ခုတော့ရှိတယ်။ ကမ္မ၀ါဒရဲ့ မကောင်းမှု အပြစ်ဘေးတွေဟာ သိပ်ကြောက်စရာကောင်းတယ်။ ရှောင်လို့ မလွတ်နိုင်ဘူး။ ထာဝရဘုရားဝါဒီတွေလို ဆုတောင်းအသနားခံဖို့ ကယ်တင်ရှင်လည်းမရှိဘူး။.......

...စသည့် ရဲဝံ့သော ဝေဖန် ဆန်းစစ်ချက်များဖြင့် ဖြေဆို ထားပါတယ်။...

 ဆရာကြီးက အဆိုပါအဖြေများကို ဆဋ္ဌသံဃာဂါယနာ ပိဋကတ်တော်များမှ ယူထားကြောင်း ခြေခြေ မြစ်မြစ် ဖြေကြားထားပါတယ်။

....နိုင်ငံတစ်ခု သို့မဟုတ် လူမျိုးတစ်မျိုးရဲ့ ဆင်ခြင်ဥာဏ်နဲ့ ပတ်သက်လာရင် ပညာရေး၊ ကျန်းမာရေး ထက်တောင် ပိုပြီးအရေးကြီး ပါသေးတယ်။ ဆိုလိုတာက လူမျိုးတစ်မျိုးတိုးတက်ဖို့ဆိုတာ ကျန်းမာရေးဟာ အလွန်ကို အရေးကြီးတယ်။ ဒါပေမယ့် စဉ်းစားဆင်ခြင်ဥာဏ် မြင့်မားမှုအတွက်ဆိုရင် ပညာရေးက ပိုပြီးအရေးကြီးတာ အမှန်ပဲ။ သို့ပေမယ့် ပညာတတ်မှုနဲ့ ဆင်ခြင်ဥာဏ်ရှိမှုကိုလည်း ခွဲပြီး သိဖို့တော့ လိုသေးတယ်ထင်တယ် ကိုအောင်သင်းရေ့။ ပညာတတ်ပါတယ် ဆိုတဲ့ လူတိုင်းဟာ စဉ်းစားဆင်ခြင် ဥာဏ်ရှိပါတယ်လို့ ပြောဖို့တော့ အတော့်ကို ခက်တယ်နော်။...

   စဉ်းစားဆင်ခြင်ဥာဏ် ရင့်ကျက်မှ ပညာဥာဏ် ဗဟုသုတ ရှာမှီးမှုရော တခြားဘ၀ နယ်ပယ်မှာပါ အကောင်းအဆိုး၊ အကြောင်းအကျိုး ဝေဖန်နိုင်မှာပေါ့။ ဒါပေမယ့် အခုခေတ်ကြီးမှာ တွေ့နေရတာ ကြီးတစ်ခုကိုတော့ ကျွန်တော် အတော်လေးစိတ်ပျက်မိတယ် ကိုအောင်သင်းရယ်။

အေး။  ။ ကျောင်းသားတွေ ကျောင်းသင်္ခန်းစာ အားလုံးကို အလွတ်ကျက်နေကြတဲ့ ကိစ္စကြီးပေါ့ ကိုအောင်သင်းရဲ့။

အေး။  ။ ဟုတ်တာပေါ့ ကိုအောင်သင်းရဲ့။ အဲဒီလို အလွတ်လျှောက်ပြီး ကျက်မှတ်နေတာဟာ စဉ်းစားဆင်ခြင် ဥာဏ် ဖွံဖြိုးမှုနဲ့ ပြဒါးတစ်လမ်း သံတစ်လမ်း ဆိုတာလို ဖီလာဆန့်ကျင်ကြီးကို ဖြစ်နေတာ မဟုတ်လား။ ပညာရေးပါရဂူတို့ရဲ့ အလိုအားဖြင့် ဆရာက ကျောင်းသားကို မေးခွန်းတွေ ဆင့်ကာဆင့်ကာ မေးရင်း ကျောင်းသားမှာ သူ့ဟာသူ ဆင်ခြင်စဉ်းစားဥာဏ်သုံးပြီး သိသင့်သိထိုက်တဲ့ အချက်အလက်တွေကို သိလာအောင် လုပ်ယူရမယ်လို့ ဆိုတယ်။ ဒီနည်းဟာ ဗုဒ္ဓဘုရားရှင်နဲ့ ရှေးဂရိ ပညာကျော် ဆော့ခရေးတီးရဲ့ ပညာသင်ပေးနည်းတွေပဲ။ ဘုရားရဲ့ဒေသနာတွေဖြစ်တဲ့ နိကာယ်သုတ္တန်တွေမှာဆိုရင် ဒီလိုနည်းမျိုးတွေ သုံးထားတာ အများကြီးကိုတွေ့နိုင်ပါတယ်။ ကိုအောင်သင်းလည်း သတိထားမိမှာပေါ့။...

   ..စသည်ဖြင့် ဖြေကြားထားပါတယ်။ နောက်ဆုံးအပိုင်းအဖြစ် မေးမြန်းမှုမှာ ဗုဒ္ဓနှင့် ဗုဒ္ဓ၀ါဒ စာအုပ်ဖြစ်သည်။ထိုစာအုပ်မှာ ကျွန်တော့် အမြင်အရ ဗုဒ္ဓဘာသာအားခြုံငုံကာ သုံးသပ်သလို၊ ဗုဒ္ဓခေတ်နောက်ခံ သမိုင်းကြောင်း။ ဗုဒ္ဓဘာသာ၏ အနှစ်သာရ အကြောင်းအရာများကို ရှာဖွေခြင်း။ အဓိပ္ပါယ် ဖွင့်လှစ်ခြင်း၊ အနောက်တိုင်း ပါဠိစာပေပညာရှင်၊ ဗုဒ္ဓစာပေပညာရှင်များ၏ အဆိုအမိန့်များကို ဖေါ်ပြကာ၊ နှိုင်းယှဉ်ခြင်းတို့ ပြုလုပ်ထားပါတယ်။

  အနောက်တိုင်း ပညာရှင်တို့၏ အဓိကဟာကွက်ကြီး တစ်ခုကိုလည်း ဆရာကြီးက ပြောကြားထားပါသေးတယ်။

အေး။  ။ ....သူတို့ လေ့လာမှုမှာ ကြီးမားတဲ့ တခြားဟာကွက်ကြီး တစ်ခုကတော့ ဗုဒ္ဓလက်ထက်က ရဟန်းသံဃာအကြောင်းကို လျစ်လျူရှုထားခြင်းပါပဲ။ ဗုဒ္ဓအလိုတော်ကျ ရဟန်းသံဃာရဲ့ အခြေခံဖွဲ့စည်းအုပ်ချုပ်ပုံကို မီးမောင်းထိုးပြထားတဲ့ ၀ိနည်းပိဋကတ်ဟာ သိပ်စိပ်ဝင်စားဖို့ကောင်းတယ် ကိုအောင်သင်းရဲ့။ ရဟန်းသံဃာတော်တို့ရဲ့ ဒီမိုကရေစီ ကျင့်သုံးမှု၊ လွတ်လပ်ပြီး တစ်သွေးတစ်သံတစ်မိန့် ဆိုတာမျိုးမရှိမှု၊ ရဟန်းနဲ့ လူတို့ရဲ့ တရားနဲ့အညီ အချင်းချင်း ဆက်ဆံမှု၊ ဗုဒ္ဓရဲ့ အံ့မခန်း စိတ်ဓာတ်မြင့်မြတ်မှု စသည်အားဖြင့် မှတ်သားကြည်ညိုစရာတွေ တစ်ပုံကြီးပါလာပါတယ် ကိုအောင်သင်းရဲ့။....

  စသည်ဖြင့် ဖြေကြားထားကာ နောက်ဆုံး ဆရာကြီးက တွေ့ဆုံခန်းကို ဒီလို အဆုံးသတ်ခဲ့ပါတယ်။

  ကဲ ဆရာရေ… ကျွန်တော်လည်းဆက်ပြီး မေးချင်တာတွေကတော့ အများကြီးပါပဲ။ ဒါပေမဲ့ မမေးချင်တော့တဲ့ အကြောင်းတွေကလည်း အများကြီးပဲ။

အေး။  ။ ဟုတ်ပါ့ ကိုအောင်သင်းရေ။ ကိုအောင်သင်း မေးလာရင်တောင်မှ ကျွန်တော်ကလည်း မဖြေချင်တဲ့ အကြောင်းတွေက အများကြီးပဲ။။။။။။

  ထိုသို့ မေးမြန်းခန်းကို အဆုံးသတ်ထားခဲ့ပါသည်။

ဆရာဦးအောင်သင်းနောက်ထပ် မေးမြန်းထားသော သူမှာ သရုပ်ဆောင် ဆွေဇင်ထိုက် ဖြစ်ပြီး။ေ မးမြန်းမှုကို အသိငတ်တဲ့ အနုပညာသည် ဟု ခေါင်းစဉ် တပ်ထားခဲ့ပါသည်။

ကျွန်တော်ကြိုက်ခဲ့သော စာအုပ်များ(၃)

       ကျွန်တော်ကြိုက်တဲ့ စာအုပ်လေး နောက်တစ်အုပ်က အင်တာဗျူးစာအုပ်လေးပါ။ မေးသူက ဆရာကြီးဦးအောင်သင်းပါ။ သရဖူမဂ္ဂဇင်းမှာ အခန်းဆက်ရေးထားတာကို စာအုပ်ပြန်ထုတ်ဝေထား တာပါ။ ဖြေတဲ့သူတွေက ဆရာကြီး ဦးအေးမောင်၊  ရုပ်ရှင်သရုပ်ဆောင် ဆွေဇင်ထိုက်နဲ့ စာရေးဆရာ ကြည်မင်းပါ။ မူရင်းသရဖူမဂ္ဂဇင်းမှာ အင်တာဗျူးလုပ်တုန်းက ဖြေဆိုသူသရုပ်ဆောင် မင်းသားကြီး ဦးကျော်ဟိန်း ပါခဲ့ပေမယ့် စာအုပ်အဖြစ် ထုတ်ဝေရာမှာတော့ မပါဝင်ခဲ့တာလဲ ထူးခြားမှုတစ်ခုပါ။

        ဒီစာအုပ်မှာ ဆရာအောင်သင်းရဲ့အပင်ပန်းခံမှုကို အထင်သား တွေ့မြင်ရပါတယ်။

 မေးချင်တာတွေ မေးထားတာမဟုတ်ဘဲ၊ နောင်လူငယ်တွေအတွက် ဆရာကြီးဦးအေးမောင်ထံမှ ပညာအမွေတွေ ရသလောက်နှိုက်ထုတ်ထားပါတယ်။ ဆရာကြီးရဲ့ စာအုပ်တွေကို အကုန်လုံး ပြန်ဖတ်ပြီး ကျောင်းသားလူငယ်တွေကို မေးခွန်းတွေ ထုတ်ခိုင်းပါတယ်။ သူကိုယ်တိုင်စာအုပ်တွေနဲ့ ညှိနှိုင်းဖတ်ရှုထားတာပါ။ အင်တာဗျူးဆိုတာနဲ့ပတ်သက်ပြီး၊ တစ်ခါတုန်းက အဆိုတော် လေးဖြုကို အင်တာဗျုးဆရာက မေးခွန်းတွေမေးပါတယ်။ လေးဖြူက “ခင်ဗျားအနေနဲ့ အင်တာဗျုးမယ်ဆိုရင် ကျွန်တော့် အကြောင်းကို ကြိုတင်လေ့လာထားရမှာ”လို့ ဖြေလိုက်တဲ့အတွက် အဲဒီအဖြေဟာ အတောလေးကို ဂယက်ရိုက်သွားသေးတယ်။

        ဆိုလိုတဲ့ သဘောက ဘာမှမလေ့လာပဲ မေးချင်တာတွေမေးရင် စာဖတ်ပရိသတ်အတွက် အကြိုးမများပါ။ လေ့လာထားမှ ဖြေတဲ့လူဆီက အဖိုးတန်တာတွေ နှိုက်ထုတ်နိုင်မှာပါ။

• ဆရာကြီးဦးအေးမောင်ကိုတော့ သူ၏လေးနက်သော အတွေးအခေါ်များ၊ ကိုယ်ပိုင်ဥာဏ် အသုံးချမှုများကို ရိုသေလေးစားသောကြောင့် ချဉ်းကပ်မေးမြန်းခဲ့ပါသည်။

• ရုပ်ရှင်မင်းသမီး ဆွေဇင်ထိုက်ကိုတော့ဖြင့် အနုပညာသည်တစ်ယောက်အဖြစ် အောင်မြင်နေပါလျှက် ပညာကို ခင်ခင်မွတ်မွတ်ဖြင့် လိုက်စားဆည်းပူးခဲ့သည့် ဇွဲကို လေးစားစိတ်နှင့် ချဉ်းကပ် မေးမြန်းခဲ့ ပါသည်။

• ဆရာကိုကြည်မင်းကိုတော့ ပညာကို ခြေခြေမြစ်မြစ်ရအောင် ဆည်းပူးခဲ့သည့် ဇွဲကို လေးစားစိတ်နှင့် ချဉ်းကပ်မေးမြန်းခဲ့ပါသည်။

        အားလုံးမှာ ပညာနှင့်ပတ်သက်နေသည်ချည်း ဖြစ်ကြောင်းကိုလည်း သတိပြုမိကြပါလိမ့်မည် ဟု အမှာစာတွင် ရေးသားထားပါသည်။

      ပထမဆုံးမေးမြန်းသူမှာ ဆရာကြီးဦးအေးမောင်ဖြစ်သည်။ "သူ့ပညာ"ဟု ခေါင်းစဉ် တပ်ထားသည်။ ဆရာကြီး၏ ထိုစဉ်က ထုတ်ဝေပြီးစာအုပ်မှာ ၇-အုပ်ဖြစ်သည်။ ဗုဒ္ဓနှင့် ဗုဒ္ဓ၀ါဒ(၃)တွဲမှာ ဆဋ္ဌသံဃာမှူနှင့် မကိုက်ညီဟုဆိုကာ ပြန်လည်ထုတ်ဝေခွင့်ကို ထိုစဉ်က ပိတ်ထားခဲ့သည်။ ဆရာကြီး၏ စာအုပ်များမှာ ပြန်လည်မထုတ်ဝေကြသေးပါ။ အင်တာဗျူးစာအုပ်တွင် ပါပြီးနောက်မှ ပြန်လည် ထုတ် ဝေကြခြင်း ဖြစ်ပါ သည်။ ဆရာကြီး၏ လုံ့လ၀ိရိယနှင့် စေတနာမှာ အံ့သြလောက်ပါသည်။         
        စာအုပ် တစ်အုပ်၏ နောက်တွင်ရေးထားသော ကျမ်းကိုးများမှာ ရည်လျားလှပါသည်။ ထို့ပြင် တင်ပြသော အကြောင်းအရာများမှာ သာမာန်လူများ မကိုင်ဝံ့သော ဘာသာရပ်များကို အထောက် အထား ခိုင်ခိုင်လုံလုံဖြင့် ပညာရှင်ပီသစွာ သမာသမတ်ကျလှပါသည်။

       ရေးသားသော ဘာသာရပ်ကို ကျွမ်းကျင်စွာ မွှေနောက်ပြီးမှ ပိုင်နိုင်စွာ စီစဉ်ရေးသားခြင်းဖြစ်ပါသည်။ ဘာသာပြန်ရုံသက်သက် မဟုတ်ပါ။ ထို့သို့ ပိုင်နိုင်သောကြောင့် မေးလိုက်သော မေးခွန်းများကိုဖြေရာတွင် အကိုးအကားကျမ်းများကို လက်တမ်းဖြေဆို နိုင်ခြင်းဖြစ်ပါသည်။

       ဆရာကြီးကို ပထမဆုံးမေးမြန်းသောအပိုင်းမှာ ဗီဇနှင့်ပတ်ဝန်းကျင်အပိုင်း ဖြစ်ပါသည်။ ထို အမေး အဖြေများမှ ကောင်းနိုးရာရာများကို ကောက်နုတ်တင်ပြပါမည်။ အပြည့်အစုံကို မူရင်းစာအုပ် တွင်ရှာဖွေ နိုင်ပါသည်။

 အေး။  ။ ဗီဇနှင့် ပတ်ဝန်းကျင်ဟာ လူသတ္တ၀ါတစ်ဦး သို့မဟုတ် နိုင်ငံတစ်ခု ကြီးပွားတိုးတက်မှု အတွက် အဓိကအကြောင်းတရား နှစ်ပါးဖြစ်တယ်ဆိုတာ ဘာမှယုံမှားစရာမရှိဘူး ကိုအောင်သင်းရဲ့။ ဒါပေမယ့်  ဒီအချက်ဟာ လူသတ္တ၀ါ တစ်ဦးအတွက်မှာ မှန်နိုင်သော်လည်းပဲ နိုင်ငံတစ်ခုအတွက်ဆိုရင် ဟုတ်နိုင်ပါ့မလားလို့ သံသယ ဖြစ်တတ်ကြတယ်။ ဒါကြောင့် အမေရိကန်လို သဘာဝ ပစ္စည်းမကြွယ်ဝတဲ့ တရုတ်-ဂျပန်-ထိုင်ဝမ်ဆိုတဲ့ တိုင်းပြည်မျိုးတွေမှာ ဘာကြောင့် တိုးတက်ကြီးပွါးနေသလဲလို့ မေးစရာ ဖြစ်လာတာပေါ့။

           ဒီနေရာမှာ နိုင်ငံတစ်ခုရဲ့ ဥစ္စာဓနဆိုတာ အဲဒီ နိုင်ငံရဲ့ သဘာသ ပစ္စည်းကြွယ်ဝနေရုံနဲ့ မပြီးသေးဘဲ ကျင့်သုံးတဲ့ စီးပွါးရေး စနစ်ပေါ်မှာ လည်း တည်နေသေးတယ်ဆိုတာကို မမေ့သင့် ဘူးလေ။....အဲဒီလို စီးပွားရေးစနစ် ဆိုတဲ့ ပတ်ဝန်းကျင်ကိုလည်း ထည့်တွက်အုံးမှပေါ့။

 အေး။  ။ လူ့ဘ၀ကို ပြုပြင်ပြောင်းလဲ ဖန်တီးတဲ့ပတ်ဝန်းကျင် အကြောင်းတရားဆိုတာ မျိုးရိုးဗီဇမှ တစ်ပါး အခြားအရာအားလုံးကို ရည်ညွှန်းတာဖြစ်နေတယ်။ ဒါကြောင့် ပတ်ဝန်းကျင် ဆိုတာ အဆုံးအစ မရှိလောက်အောင်ကိုပဲ ကျယ်ဝန်းနေတယ်။ မိဘဆရာသမားရဲ့ ဆုံးမမှု-ဘာသာတရား-ရိုးရာ ယဉ်ကျေးမှု-လူနေမှုစနစ်-ရာသီဥတု စသည်အားဖြင့် ပြောလို့ မကုန်နိုင်ဘူး မဟုတ်လား။...

       ...ကြောက်စိတ်၊ မိမိဘ၀ ကိုတွယ်တာစိတ်၊ မိမိဘ၀ တည်မြဲဖို့ အတွက် တစ်ဖက်သား အပေါ် သနားညာတာမှု ကင်းမဲ့တဲ့စိတ် စသည် ဗီဇစိတ်တွေကတော့ လူနဲ့ တိရိစ္ဆာန် ပြောပလောက်အောင် ကွာခြားမှု မရှိလှဘူး။.....စသည် ဗီဇ နှင့်ပတ်ဝန်းကျင်စာအုပ် အပေါ်ဖြေကြားချက်များသည် လွန်စွာ စိတ်ဝင်စားစွာ ကောင်းနေပါသည်။

   ဆရာအောင်သင်း၏ နောက်ထပ်မေးမြန်းမည့်စာအုပ်မှာ သိပ္ပ္ပံနည်းစူးစမ်းမှုနှင့် သိပ္ပံပညာသဘော စာအုပ် ဖြစ်ပါသည်။

 အေး။  ။ကိုအောင်သင်းရေ ကျွန်တော်ရေးခဲ့လေသမျှ စာအုပ်ထဲမှာ ဒီစာအုပ်ဟာ လူကြိုက် အနည်းဆုံးလို့ ထင်တာပဲ။ စာဖတ် ပရိသတ်ရဲ့ တုံ့ပြန်မှုကလည်း ဘာမှကျေနပ်လောက်စရာ မရှိဘူး။ ကိုအောင်သင်းကို ပြောရအုံးမယ်။ ကျွန်တော့စာအုပ် လက်ဆောင်ပေးလိုက်တဲ့ တက္ကသိုလ်က သိပ္ပံပါမောက္ခတစ်ဦးကတောင် စိတ်ဝင်စားမှုလက္ခဏာ မပြဘူး။...

.....လေးလေးနက်နက် ဆင်ခြင် သုံးသပ်ချင်တဲ့ ဥာဏ်အားနည်းချက်ဟာ ကမ္ဘာ့လူအများစုရဲ့ စရိုက်ကြီးလိုကို ဖြစ်နေတယ်မဟုတ်လား...စတဲ့ စဉ်းစားဆင်ခြင်မှုနဲ့ ပတ်သက်သော မှတ်ချက်များက ရဲဝံ့ထိရှလှပါသည်။

   ဘာသာရေး နှင့်ပတ်သက် ပြီး မှားယွင်းစွာ ကောက်ချက်ဆွဲမှုများ၊

   ...သမိုင်းအတွေ့ အကြုံကို ပြန်လည် သုံးသပ်နိုင်သော စဉ်းစားဥာဏ် အားနည်းမှုကြောင့် မြန်မာတို့ စစ်(၃)ကြိမ် ရှုံးနိမ့်ခဲ့သည်ဟု ဆရာကြီးက ကောက်ချက်ဆွဲ ထားသည်။

    အတိတ်ကံနှင့် ပတ်သက်သော ဖြေကြားချက်များသည် မိရိုးဖလာ ဗုဒ္ဓဘာသာများအတွက် ထိရှ လွန်းလှသည်။ထိုအကြောင်းအရာများအတွက် ဆရာကြီးက ဗုဒ္ဓဟောကြားသော သုတ္တန်များကို ကိုးကားထားသည်။

ကျွန်တော်ကြိုက်ခဲ့သောစာအုပ်များ(၂)

နှစ်လောက--မြန်မာပြန်ဆိုသူ မောင်ထွန်းသူ
Adventure in Two World ---A.J Cronin..
         ဒီစာအုပ်လေးကတော့ စာရေးဆရာရဲ့ ကိုယ်တိုင်ရေး အတ္တုပတ္တိ (Autobiography)လို့ ဆိုရပါမယ်။ ဒီစာအုပ်ထဲက ဇာတ်လမ်း အတိုလေးတွေကို ဆရာဖေမြင့်က ထုတ်နုတ်ပြီးစာအုပ်အဖြစ် ထုတ်ထားပါသေးတယ်။ စာရေးဆရာရဲ့ စာအုပ် ၃-အုပ်လောက်က ဇာတ်လမ်းကြောရိုး အတူတူပါပဲ။ ဆင်းဆင်းရဲရဲ ပညာသင်ခဲ့ပြီး ဆရာဝန် ဖြစ်လာတယ်။
    ဆရာဝန်ဖြစ်လာတော့ ကျောက်မီးသွေးတွင်းတွေ ရှိတဲ့နေရာမှာ တာဝန်ကျပြီး၊ ဆင်းရဲနုံချာတဲ့ ဘ၀တွေကိုတွေ့ရတယ်။ ထပ်ကြိုးစားလို့ ဘွဲ့လွန်ရကာ ဆရာဝန်ကြီးဖြစ်လာတယ်စတဲ့ အချက်တွေပါ။ ဒီစာအုပ်ရဲ့ ထူးခြားချက်က အောင်မြင်တဲ့စာရေးဆရာဘ၀ကိုပါ ထပ်မံတည်ဆောက်တာပါ။ ပြီးတော့ ကိုယ်တိုင်ရေးအတ္တုပတ္တိပါ။
    ဖတ်ခဲ့တာကြာပြီဆိုတော့ အချက်အလက်တွေကို မမှတ်မိလို့ မပြောနိုင်တော့ပါဘူး။ စနေ၊ တနင်္ဂနွေတွေမှာ နှင်းတွေကြားမှာဆိုင်ကယ်စီးပြီး မြို့ဆေးရုံလေးကိုသွားပြီး လက်တွေ့လုပ်ရတဲ့ဘ၀၊ ချမ်းချမ်းစီးစီး၊ စိုစိုစွတ်စွတ်၊ အိမ်က မိန်းမက ဘုရားတလျှက်။ Oral exam မှာ examiner ကို ဖတ်စာအုပ်ထဲက တွေ့ရှိမှုထက်စောတဲ့ တွေ့ရှိသူကို Latin စာလေ့လာရင်း ပြန်ငြင်းချက်ထုတ်မိ။ တပည့်ရဲ့ အယူအဆကို တလေးတစားနားထောင်တဲ့ Examiner၊ ချမ်းချမ်းစီးစီးနဲ့ ဆာလောင်မွတ်သိပ်မှု။ ရုန်းကန်မှုရဲ့ ရလာဒ်ကောင်း-စတဲ့ ရင်သိပ်ဖွယ်ကြိုးစား ရုန်းကန်သူတစ်ယောက်၊ မိမိဖြစ်ချင်တဲ့ အရာပေါ်မှာ တရှိုက်မက်မက် တမ်းတကာ အကောင်အထည်ဖော်မှု၊ အောင်မြင်မှုကို အဆုံးအထိ မခံစားလိုက်မှီ၊ နောက်ထပ်ပြောင်းလဲခဲ့သောဘ၀တစ်ခု အောင်မြင်တဲ့စာရေးဆရာဘ၀ကို ထပ်ပြီး တက်လှမ်းပုံ စတဲ့ ပုံရိပ်တွေပါ။
  ဆင်းဆင်းရဲရဲ ဘ၀ကနေပြီးတော့ တော်ဝင်သမားတော်ကြီးဖြစ်အောင် ကြိုးစားပုံ၊ နောက်ထပ် အောင်မြင်တဲ့ စာရေးဆရာဘ၀ စတာတွေက ဖတ်ရတာ အလွန် အားကျစရာ ကောင်းပါတယ်။ ဘ၀ကိုရုန်းကန်နေရတဲ့ ဆင်းရဲသားတွေရဲ့ဘ၀ကိုလည်း ဖော်ကြူးကာ ထည့်ထားပါတယ်။ သူ့ရဲ့ ဘာသာတရားကိုင်းရှုိင်းတဲ့ ခရစ်ယာန် တစ်ယောက် ဘ၀၊ ဘုရားသခင်ကို အကြွင်းမဲ့ယုံကြည်မှုတွေ ကိုလည်းဖတ်ရပါတယ်။
     ဇာတ်လမ်းအရ ကောင်းမွန်သလို၊ အရေးအသား တင်ပြမှုမှာ ကောင်းမွန်သောကြောင့် ဆွဲဆောင်မှုအား ကောင်းလှပါတယ်။ သူ့ရဲ့ အတ္တုပတ္တိ (Autobiography) ဖြစ်တာကြောင့် သူ့ရဲ့ ကြိုးစားမှုတွေ၊ အားမာန်တွေက စိမ့်ဝင်ကူးစက်လာပါတယ်။ ဒါကြောင့်လဲ နှစ်ပေါင်းများစွာ ကြာတာတောင် မှတ်မိနေတာပါ။ ဘ၀မှာ မိမိရဲ့ကြိုးစားမှုကို အရင်းတည်ကာ အောင်မြင်တဲ့ဘ၀(အလုပ်အကိုင်) နှစ်ခုကို တည်ဆောက်နိုင်ခဲ့သူ ဖြစ်တာကြောင့် အလွန်အားကျမိပါတယ်။ ဒီစာအုပ်ကို နောက်တစ်ခေါက် ပြန်ဖတ်ဖြစ်ရင် ပိုကောင်းတဲ့ အချက်အလက်တွေကို ထည့်နိုင်မှာပါ။ နောက်တစ်ခါ ဖတ်ပြီးရင် ဒီထက်ကောင်းတဲ့ အချက်အလက်တွေကို သူငယ်ချင်းတွေကို မျှဝေပေးပါမယ်။

ကျွန်တော်ကြိုက်ခဲ့သောစာအုပ်များ(၁)

ကျွန်တော် ဖတ်ခဲ့တဲ့စာအုပ်တွေအကြောင်းပြန်စဉ်းစားကြည့်တော့ ဝတ္ထုအမျိုးအစားက အများဆုံးပါပဲ။ ဝတ္ထုထဲမှာတောင် ဘာသာပြန်က များပါတယ်။ ကျွန်တော်ဖတ်ဖြစ်တဲ့ထဲက ကြိုက်မိတဲ့ စာအုပ်လေးတွေကို သူငယ်ချင်းတွေကို မျှဝေပေးချင်တာပါ။

(၁) မုန်းချစ်သံသရာ ဟိုဘက်မှာ (နန္ဒသူ)...
မူရင်းဂျပန်ဝတ္ထုက (The Realm Beyond ---by Kikuchi Kan) ပါ။
နောက်ဆုံးအကြိမ် မြန်မာပြန်ကို စိတ်ကူးချိုချိုစာအုပ်တိုက်က ၂၀၀၉-သြဂုတ်လတွင် ဒုတိယအကြိမ် အဖြစ်ပြန်လည်ထုတ်ဝေခဲ့ပါတယ်။

  ဇာတ်လမ်းက ဆာမူရိုင်းတစ်ယောက်က သူ့ဆရာအိမ်မှာနေရင်း ဆရာဖြစ်သူရဲ့ မယားငယ်နဲ့ ငြိစွန်းမိကြတယ်။ သူ့ဆရာက သိတဲ့အခါ ဆရာဖြစ်သူကိုပြန်လည် ခုခံရင်း သူ့ဆရာ သေဆုံးသွားပါတယ်။ အဲဒါနဲ့ သူလည်း မယားငယ်ကိုခေါ်ပြီး အဝေးကို ထွက်ပြေးခဲ့တယ်။ နောက်တော့ သူတို့နှစ်ယောက်ဟာ လူသူအလှမ်းဝေးတဲ့ ရွာနှစ်ရွာ ကြားက တောလမ်းခရီးမှာ စားသောက်ဆိုင်လေးနဲ့ တည်းခိုခန်းဖွင့်ပြီး ဝရမ်းပြေးဘဝကို ဇာတ်မြုပ် ထားခဲ့တယ်။

  ဆိုင်ကိုလာရောက် တည်းခိုသူတွေကို အကဲခတ်မှတ်သားပြီး ဆိုင်ကထွက်ခွာသွားတဲ့အခါ အနောက်ကလိုက်ပြီး ပစ္စည်းလုလူသတ် နှုတ်ပိတ်တော့တာပါပဲ။ သူကိုယ်တိုင် မကောင်းမှုမှန်း သိပေမယ့် မယားဖြစ်သူရဲ့ တိုက်တွန်းမှုနဲ့ ပစ္စည်းလုလူသတ် အလုပ်ကို ဆက်လုပ်နေမြဲ လုပ်ခဲ့တယ်။

   နောက်ဆုံးမှာ  လောဘဇောမသတ်နိုင်သော မယားဖြစ်သူကို စွန့်လွှတ်ကာ တစ်ယောက်ထဲ အဲဒီနေရာဒေသကို စွန့်ခွာခဲ့တယ်။ ဆရာကိုသတ်ခဲ့သော အတိတ်မှအရိပ်က သူရဲ့စိတ်ကို အမြဲခြောက်လှန့်နေဆဲ။ ထိုအတိတ်ဆိုးကို ဖြေဖျောက်ရန် ရဟန်းဘဝကို ခံယူခဲ့ပြီး တစ်နေရာမှ တစ်နေရာသို့ ခရီးလှည့်လည် သွားလာနေခဲ့ပါတယ်။

   လမ်းခရီးတစ်နေရာကို ရောက်တဲ့အခါ ကျဉ်းမြောင်းတဲ့ တောင်ပတ်လမ်းက လူအများ အပြားကို မကြာခဏလိမ့်ကျသေဆုံးတဲ့ အခြေအနေကိုသိရှိပြီး အတိတ်ကအပြစ်များ ကို ဆေးကြောသည့် အနေနှင့်  တောင်ကိုဖောက်ကာ လမ်းဖောက်မည် ဟု ဆုံးဖြတ်ချက် ချလိုက်တော့တယ်။

  မာကြောသော ကျောက်တောင်ကို ဖောက်ကာ လမ်းဖောက်ရမယ့် အလုပ်သည် မလွယ်ကူမှန်း သိသော်ပေမယ့် အပြစ်တွေကို ဆေးကြောသည့်အနေဖြင့် တောင်ဖောက် လှိုဏ်လမ်းကို အတိုဆုံးလမ်းတစ်ခုအဖြစ် ဖောက်လုပ်ရန် ဆုံးဖြတ်ချက်ချခဲ့တယ်။

   ဖောက်လုပ်ရန် သတ်မှတ်လိုက်တဲ့ နေရာအနီးအနားမှာ တဲငယ်လေးတစ်လုံးထိုးပြီး ကိရိယာ၊ ဆူး၊ ဆောက် အနည်းငယ်နှင့် တောင်ကို ဖောက်သည့်အလုပ်ကို တစ်ကိုယ်တော် စတင်ပါတော့တယ်။ ဆွမ်းခံထွက်ချိန်မှလွဲလို့ အချိန်အတော်များများဟာ တောင်ဖောက်တဲ့ အလုပ်မှာပဲ အသုံးချလိုက်တယ်။

  လမ်းသွားလမ်းလာတွေက မြင်တွေ့တဲ့အခါ ကျောက်တောင်ကို လှိုဏ်ထွင်းပြီး လမ်းဖောက်သည့်အလုပ်ဟာ မဖြစ်နိုင်တဲ့ အလုပ်တစ်ခုလို ပြစ်တင်ကဲ့ရဲ့ကြတယ်။ ဒါပေမယ့် ရဟန်းကြီးကတော့ မိမိလုပ်ရမည့်အလုပ်ကို ဆက်လုပ်နေမြဲ လုပ်ခဲ့တယ်။ နှစ်အနည်းငယ်ကြာတော့ ရွာသားများ အမြင်ပြောင်းကာ တစ်ကိုယ်တည်း လုပ်ကိုင်နေသည့် ရဟန်းကို အကူအညီပေးဖို့ ရွာလုံးကျွတ်နီးပါး ဆူး၊ ဆောက်၊ ပေါက်ပြားများဖြင့် ကျောက်တောင်ကို ကုညီ ထွင်းဖောက်ပေးကြပြန်ပါတယ်။

   ကျောက်တောင်ကို ထွင်းဖောက်တဲ့အလုပ်ဆိုတာကလည်း ပင်ပန်းလွန်းပြီး အရာထင်မှုသည် နည်းလွန်းလှတဲ့အတွက် တစ်နေကုန် ပင်ပင်ပန်းပန်း တူးဆွမှ ရှေ့ကိုတစ်လက်မ၊ နှစ်လက်မမျှ မပေါက်ချင်၊ တစ်လလုံးလုံး ပင်ပင်ပန်းပန်း ထွင်းဖောက်ပေမယ့် အလုပ်ပြီးမြောက်မှုက သိပ်မသိသာလှ စသည်ဖြင့် ကြုံတွေ့လာရတယ်။ လအနည်းငယ်ကြာတဲ့အခါ တဖြည်းဖြည်းနှင့် ရွာသားများလည်း အကြောင်းပြချက်အမျိုးမျိုးနဲ့ စွန့်ခွားသွားလိုက်ကြတာ ရဟန်းကြီးတစ်ပါးထဲသာ ကျန်ရစ်ခဲ့ပါတော့တယ်။

  ထွက်ခွာသွားသူများဘက်ကလည်း မဖြစ်နိုင်သည့်အလုပ်တစ်ခုကို ဆက်လုပ်နေတယ်ဆိုတဲ့ အပြစ်တင် ငြိူငြင်ကြတယ်။ ရဟန်းကတော့ ကိုယ်လုပ်ရမည့် အလုပ်ကို ဆက်လက် လုပ်ကိုင်နေဆဲ..

  အဲဒီအချိန်မှာပဲ သူ့သတ်ခဲ့မိတဲ့ ဆရာရဲ့သားလည်း အရွယ်ရောက်လာချိန် အဖေကို သတ်ခဲ့သောသူကို လက်စားချေ ပြန်သတ်ပြီး ကျဆင်းခဲ့တဲ့မျိုးရိုး ဂုဏ်သိက္ခာကို ပြန်ဆယ်ဖို့ ခရီးလှည့်လှည်ရင်း  လိုက်လံ ရှာဖွေ နေပါတယ်။

  ရဟန်းကြီးကတော့ အိပ်ချိန် စားချိန်ကလွဲလို့ လှိုဏ်ခေါင်းထဲမှာ မီးရောင်လဲ့လဲ့နဲ့ တစ်ကိုယ်တော် တူးဆွနေမြဲ တစ်ခါတစ်ရံ ညအမှောင်ထဲမှာ တောင်တူးဆွလျှက်၊ တစ်ကိုယ်ထဲ ပင်ပင်ပန်းပန်း လုပ်ကိုင်ရမှုကြာင့် ကိုယ်ခန္ဓာက ပိုပြီးကြုံလှီလာတယ်။ ဘယ်လိုပဲ ပင်ပန်းဆင်းရဲပေမယ့် မရပ်မနား တူးဆွလျှက်။

    သူ့ဆရာ၏ သားကလည်း နေရာအနှံ့ သွားလာရင်း ရှာဖွေစုံစမ်းနေဆဲ။ ဒီလိုနဲ့ လှိုဏ်ခေါင်းက အတော်ခရီးပေါက်လာတဲ့အခါ ရွာသားများ ပြန်ရောက်လာပြီး ကူညီ ကြပြန်တယ်။ လအနည်းငယ် ကူညီပြီးတဲ့အခါ အပြစ်တင် ရေရွတ်သံတွေနဲ့ ထွက်ခွာ သွားကြပြန်တယ်။ ရဟန်းကြီးကတော့ တစ်ကိုယ်တော် ဆက်လက် လုပ်ကိုင်လျှက်ရှိနေဆဲ။

    တစ်နေ့တော့ သူ့ဆရာရဲ့သားက ရဟန်းကြီးကို ရှာတွေ့ခဲ့သွားတယ်။ သူ့အဖေကို သတ်သွားသူ လူသတ်သမားက အိုမင်းကြုံလှီနေသော ရဟန်းကြီးအဖြစ် တွေ့ရလိမ့်နယ်လို့ သူ-ထင်မှတ်မထားခဲ့တာအမှန်ပါ။ လူသတ်သမားကို သတ်ဖို့ သူအမျိုးမျိုးတွေးတောခဲ့၊ ကြံစည်ခဲ့ပေမယ့် အခုလို ရဟန်းအိုကြီး အဖြစ်တော့ မမျှော်လင့်ခဲ့ပါ။

   ဘယ်လိုပဲဖြစ်ဖြစ် သတ်ရမယ်။ ရဟန်းကြီးရဲ့ လှိုဏ်ခေါင်းတူးခြင်းကလည်း တဖြေးဖြေး တစ်ဖက်သို့ပေါက်ဖို့ အရမ်းနီးကပ်လာပြီ်။ ရွာသားတွေလည်း ကူညီဖို့ ပြန်ရောက်လာကြပြန်ပါတယ်။ ဆာမူရိုင်းသားက ရဟန်းကြီးကို အဆင်သင့်ပြင်ရန်ပြောတော့ ရဟန်းကြီးက သူ့ကိုသတ်ခွင့်ရပါစေမည် ဟု ကတိပေးရင်း လှိုဏ်ခေါင်းတူးခြင်းကိစ္စ ပြီးဆုံးသည်အထိ စောင့်ရန်သာခွင့်တောင်းလိုက်တယ်။ အဲဒီအခါ ဆာမူရိုင်းကြီးရဲ့သားက ရွာသားများနဲ့ ကူညီလုပ်ကိုင်ရင်း စောင့်ဆိုင်းနေခဲ့တယ်။

  ဆာမူရိုင်းရဲ့သားဟာ ရွာသားများနဲ့ ကူညီလုပ်ကိုင်ရင်း ရဟန်းကြီးနဲ့အတူ နှစ်ပေါင်းများစွာ အပင်ပန်းဆင်းရဲခံ အတူကြိုးစားပုံ၊ သာမာန်လူတို့ မဖြစ်နိုင်ဟု ထင်ထားတဲ့ အလုပ်ကို တစ်ကိုယ်ထဲ ကိုယ်ကြိုးစွန့် ဆောင်ရွက်ပုံကို မြင်ယောင်လာအောင် ရေးသားထားတာတွေ့ရပါတယ်။ 

တစ်ချိန်က ပြစ်မှုကျူးလွန်ခဲ့သူ၊ ရှက်စရာ အလုပ်ကို ဆောင်ရွက်ခဲ့သူ၊ 

အခုတော့  သူ့ကိုယ်ကျိုးမပါဘဲ အများကောင်းကျိုးအတွက် နှစ်ပေါင်းများစွာ စွန့်လွှတ် အနစ်နာခံခဲသူ ။

    တစ်ဖက်မှာလဲ ဆွေမျိုးများအလယ်တွင် ကျဆင်းခဲ့ရသော သိက္ခာ....

    သိက္ခာဆယ်ရန် အတွက် လူသတ်သမားကို သတ်ရတော့မည်။

    အဖေကိုသတ်တဲ့ လူသတ်သမားအဖြစ် မုန်းခြင်း၊ လူအများအကျိုးကို နှစ်ပေါင်းများစွာ ကိုယ်ကြိုးစွန့် အနှစ်နာခံသူအဖြစ် ချစ်ခြင်း စသဖြင့် အားပြိုင်ရင်း ဝတ္ထုကို အဆုံးသတ်ထားပါတယ်။

 မူရင်းဝတ္ထုက ပါးပါးသေးသေး စာအုပ်လေးပါ။ နာမည်ကြီး စာအုပ်စာရင်းထဲလည်း မပါခဲ့ပါ။

ကျွန်တော်ကြိုက်မိတာကတော့ ရဟန်းကြီးနဲ့ရွာသားတွေပါ။ သူတို့ရဲ့ အပြုအမူတွေကို လက်တွေ့ ဘဝတွေနဲ့ နှိုင်းယှဉ် ကြည့်ချင်မိပါတယ်။