“ဘယ်တော့မဖြစ်နိုင်ဘူးလို့ မပြောပါနဲ့”

         ကျွန်မ ဘဝမှာ အလုပ်ချင်ဆုံးအလုပ်က ကျောင်းဆရာမပါ။ ကျောင်းဆရာမအလုပ်ကလွဲလို့ အခြားအလုပ်ကို စဉ်းစားလို့ မရပါဘူး။ ကလေးဘဝမှစလို့ ဝမ်းကွဲမောင်နှမလေးတွေနဲ့ ကျောင်းဖွင့်တမ်း၊ ဆရာမလုပ်တမ်း ကစားနေတတ်ခဲ့ပါတယ်။ ဖြစ်လာမယ့်ကျောင်းဆရာမအလုပ်ကို ကြိုပြီးလေ့ကျင့်နေမိသလားတော့ မပြောတတ်ပါဘူး။ ကလေးဘဝတုန်းကတော့ ကိုယ့်အိမ်မက်အတွက် ဘယ်လိုတန်ဖိုးတွေ ပေးရမယ်ဆိုတာ သဘောမပေါက်ပါဘူး။ 

       ကျွန်မတို့မိသားစုက လူလတ်တန်းစားမိသားစုပါ။ နေ့စဉ်စားနိုင်သောက်နိုင်ဖို့ ရုန်းကန်နေရတဲ့မိသားစုပါ။ ကော်နက်တီကပ်တက္ကသိုလ်တက်ဖို့အိပ်မက်ဟာ ကျွန်မအတွက် ဘယ်လိုမှ မဖြစ်နိုင်တဲ့အိပ်မက်ပါ။ တက္ကသိုလ်တက်ဖို့ကလွဲလို့ အခြားဟာ ကျွန်မ မလုပ်နိုင်ပါဘူး။ အလျှော့လဲမပေးချင်ပါဘူး။ 

          အထက်တန်းကျောင်းတွေ စဖွင့်ချိန်မှာ ကျွန်မ ကောလိပ်ဝင်ခွင့် စပြီးလျှောက်ပါတယ်။ ကျွန်မနှလုံးသားရဲ့ဆုံးဖြတ်ချက်က ကော်နက်တီကပ်တက္ကသိုလ်တက်ဖို့ပါ။ ကျွန်မရဲ့အိပ်မက် တကယ်ဖြစ်လာဖို့အတွက် ကြီးမားတဲ့အတားအဆီးကြီးတစ်ခုကတော့ ငွေကြေးထောက်ပံ့မှုပါ။

          ကျွန်မရဲ့အိပ်မက်ကို စွန့်လွှတ်ဖို့ အဆင့်သင့်ပါပဲ။ ကျွန်မလို သာမာန်အဆင့်ရှိတဲ့ အထက်တန်းကျောင်းသူလေးကို ဘယ်သူများ ထောက်ပံ့မှာလဲ။ အတန်းထဲမှာ ကျွန်မက အတော်ဆုံးကျောင်းသူ မဟုတ်ပါဘူး။ အဲဒီအဆင့်နဲ့ ကျွန်မနေရာက အဝေးကြီးပါ။ ကျွန်မနှလုံးသားကတော့ အမြင့်ဆုံးမှန်းထားပါတယ်။ ဆုံးဖြတ်ချက်လဲချပြီးပါပြီ။ ပညာသင်ထောက်ပံ့မှုဆိုတာ အတော်ဆုံးကျောင်းသား၊ကျောင်းသူတွေကို ပေးတာလို့ ကျွန်မသိထားတယ်။ သိသမျှ ပညာသင်ဆုတိုင်းကို ကျွန်မ လျှောက်ပါတယ်။ လျှောက်လွှာတင်ပြီး၊ လျှောက်ရတာ ကျွန်မအတွက် အရှူံးမရှိနိုင်ပါဘူး။ ကျွန်မရဲ့ပညာရေးအတိုင်ပင်ခံက ဘဏ္ဍာရေးထောက်ပံ့မှုစနစ်ကို ရှင်းပြပါတယ်။ ကျွန်မလျှောက်လွှာတွေကို တင်သော်လည်း ပညာသင်ဆုရဖို့အရည်အချင်းပြည့်မှီမယ်လို့ မထင်ပါဘူး။

          ကျောင်းပိတ်ရက်တွေပြီးဆုံးသွားပါပြီ။ ကောလိပ်ကျောင်းဝင်ခွင့်ကို ကျွန်မသူငယ်ချင်းတွေ စရနေပါပြီ။ ကျွန်မအတွက် ရောက်လာမယ့်စာကို စိတ်လှုပ်ရှားစွာ စောင့်မျှော်နေမိပါတယ်။ နောက်ဆုံး ကော်နက်တီကပ်တက္ကသိုလ်မှ စာတစ်စောင် ကျွန်မဆီ ရောက်လာပါတယ်။ ကြောက်လန့်ခြင်း၊ ပျော်ရွှင်ခြင်းခံစားမှုတွေ ကျွန်မ တစ်ကိုယ်လုံးကို လွှမ်းခြုံသွားပါတယ်။ စာအိတ်ကို ဖေါက်ဖတ်ဖို့ အသင့်ပါပဲ။ မျက်ရည်တွေ မျက်လုံးမှာဝဲလာပါတယ်။ တုန်ရီနေတဲ့လက်နဲ့ စာအိတ်ကို ဖေါက်လိုက်ပါတယ်။ ကျွန်မ အောင်မြင်ခဲ့ပါပြီ။ ကော်နက်တီကပ်တက္ကသိုလ်ဝင်ခွင့်ကို ကျွန်မ ရခဲ့ပါပြီ။ 

            စိတ်လှုပ်ရှားမှု၊ ကြောက်ရွှံ့မှုတွေကို ခံစားရပြီး၊ ကျွန်မ ခဏတာ ငိုကြွေးမိပါတယ်။ ကျွန်မရဲ့ ပြင်းပြင်းထန်ထန် ကြိုးစားမှုကြောင့် တက္ကသိုလ်ဝင်ခွင့်ကို ရခဲ့ပါပြီ။ သို့သော်လည်း ကျွန်မရဲ့ ငွေရေးကြေးရေးအခြေအနေကြောင့် ကျွန်မရဲ့ဝင်ခွင့်ကို ငြင်းဆိုခဲ့ရင် ဘယ်လိုလုပ်ရပါ့မလဲ။

          အချိန်ပြည့်အလုပ်တွေ ကျွန်မလုပ်ခဲ့သော်လည်း၊ ကျောင်းလခပေးရုံသာ လုံလောက်ပါတယ်။ မိဘတွေက အဲဒီငွေတွေ ထောက်ပံ့ပေးဖို့မတတ်နိုင်ပါဘူး။ ထောက်ပံ့နိုင်သလိုအခြေအနေမျိုး ကျွန်မ ဟန်မဆောင်ချင်ပါဘူး။ ကျွန်မဟာ မိသားစုထဲမှာ ပထမဆုံး တက္ကသိုလ်တက်နိုင်သူပါ။ မိဘတွေ ကျွန်မအတွက် ဘယ်လောက်ဂုဏ်ယူကြတယ်ဆိုတာ ကျွန်မ သိပါတယ်။ ဒါပေမယ့် မိဘတွေ တက္ကသိုလ်တက်ဖို့ မထောက်ပံ့နိုင်ကြပါဘူး။ 

          ကျွန်မမိဘတွေဟာ တကယ့်ကို အံ့သြဖို့ကောင်းသူတွေပါ။ အခက်အခဲတွေ ဘယ်လောက်တွေ့တွေ့ အိပ်မက်တွေကို မစွန့်လွှတ်ဖို့ ကျွန်မကိုပြောပြပါတယ်။ အခက်အခဲတွေနဲ့ တိုက်ခိုက်ရင်ဆိုင် နေရသော်လည်း ဘဝမှာတကယ်ဖြစ်ချင်တဲ့အရာကို မျက်ခြေမပြတ်ဖို့ သင်ပေးကြပါတယ်။ ကျွန်မ မိဘတွေ မှန်ကန်ပါတယ်။ ကျွန်မကိုယ် ကျွန်မ ဆက်လက်ပြီး ယုံကြည်မှုအပြည့်ထားပါတယ်။ ကျွန်မအိပ်မက်တွေကိုလည်း ဆက်လက်ယုံကြည်နေဆဲပါ။

          လပေါင်းများစွာကုန်ဆုံးသွားပါတယ်။ ငွေကြေးထောက်ပံ့ရေးအဖွဲ့ထံမှ ပြန်ကြားချက် တစုံတရာကို ကျွန်မ မရသေးပါဘူး။ အထောက်အပံ့ပေးဖို့အတွက် ကျွန်မရဲ့အရည်အချင်း မပြည့်မှီဘူးလို့ ယူဆပါတယ်။ သို့သော်ကျွန်မရဲ့မျှော်လင့်ချက်ကို အခုထိ မစွန့်လွှတ်သေးပါဘူး။ နောက်ဆုံး ကျွန်မထံကို စာတစ်စောင် ရောက်လာပါတယ်။ စိတ်ထက်သန်စွာနဲ့ စာကိုဖွင့်လိုက်ပါတယ်။ သို့သော်လည်း ထိုစာမှာ မှားယွင်းသည့်စာတစ်စောင်ပါ။ စာပါအကြောင်းအရာကတော့ ကျွန်မလျှောက်လွှာကို စီစစ်ဖို့အတွက် လိုနေတဲ့အချက်အလက်တွေကို ထပ်တောင်းတာပါ။ 

          ထိုကဲ့သို့စာတွေ ထပ်ပြီးရောက်လာခဲ့ပါတယ်။ ကျွန်မရဲ့မျှော်လင့်ချက်တွေကို ထပ်ခါထပ်ခါ ဖျက်ဆီးနေသလိုပါပဲ။ နောက်ဆုံးမှာတော့ စာအိပ်အကြီးကြီးတစ်လုံး ကျွန်မထံရောက်လာပါတယ်။ ကျွန်မ တက္ကသိုလ်တက်ဖို့၊ မတက်ဖို့ အဆုံးအဖြတ်ပေးမယ့်စာတစ်စောင်ဆိုတာကို ကျွန်မ သိလိုက်ပါပြီ။ စာအိတ်ကြီးကို ကျွန်မ ဖေါက်လိုက်ပါတယ်။ စာအိတ်ထဲမှစာရွက်စာတမ်းတွေရဲ့ဆိုလိုရင်းကို ကျွန်မ နားမလည်ပါဘူး။ 

          နောက်ရက်မှာတော့ ကျွန်မ ထိုစာအိတ်ကြီးကို ကျောင်းကိုသယ်သွားပါတယ်။ ကျွန်မရဲ့ပညာရေးအကြံပေးကို စာရွက်စာတမ်းတွေအကြောင်း ကြည့်ရှူပေးဖို့ မေးမြန်းပါတယ်။ အကြံပေးဆရာရဲ့မျက်နှာ ဝင်းပစွာပြုံးသွားပါတယ်။ အသုံးစရိတ်တွေကို ကျခံပေးဖို့အတွက် ငွေကြေးကူညီမှုကို ကျွန်မရရှိခဲ့ပါပြီ။ ထို့ပြင် လျှောက်ထားသော အခြားပညာသင်ဆုနှစ်ဆုကိုလည်း ကျွန်မ ရရှိပါသေးတယ်။ ရုတ်တရက် ကျွန်မ ထိတ်လန့်သွားသလိုဖြစ်ပြီး၊ ငိုချလိုက်ပါတော့တယ်။ နောက်ဆုံးမှာတော့ ကျွန်မရဲ့အိပ်မက်တွေ အကောင်အထည်ပေါ်လာခဲ့ပါပြီ။

          ယခု ကော်နက်တီကပ်တက္ကသိုလ် ဂျူနီယာတန်းမှာ ကျွန်မတက်နေပါတယ်။ အင်္ဂလိပ်စာအဓိကမေဂျာယူထားပါတယ်။ ယခုထောင်စုနှစ်ရဲ့အစမှာ ကျွန်မအိပ်မက်တွေ တကယ်အကောင်အထည်ပေါ်လာတော့မှာပါ။ ကျွန်မ ဆရာမတစ်ယောက်ဖြစ်လာတော့မှာပါ။

          ကျွန်မ အမြဲယုံကြည်တဲ့ ဆိုရိုးစကားလေးကတော့

“ ကောင်းကင်ကိုရောက်ဖို့ အမြဲကြိုးစားနေပါကွယ်။ ကောင်းကင်ကို မရောက်ခဲ့ရင်တောင် ကြယ်လေးတွေကြား ရောက်နေပါလိမ့်မယ်။”

( Chicken Soup for the College Soul စာအုပ်မှ Never Say Never by Rosa Torcasio ကို ဘာသာပြန်ဆိုခြင်း ဖြစ်ပါသည်။  )

လီမွန်နစ်တစ်ခွက်နှင့် ချစ်ပုံပြင်- ( ၂ )

“အဲဒီအချိန်အလှတရားကို မင်းမြင်ရဲ့လား။ နှစ်တွေကုန်သွားသော်လည်း အချစ်တွေပိုပိုပြီး တိုးလာတယ်။ တခါတလေတော့လဲ ရန်ဖြစ်တာပေါ့ကွာ။ ဒါပေမဲ့ အချစ်တော့ မပျက်ဘူးကွ။”

“ကျုပ် မိန်းမကို ချစ်တဲ့အချစ်ကို ဘယ်လိုရှင်းပြရမလဲ မသိဘူး။ အချစ်တွေက ထာဝရပဲ။  ပိုလို့တောင် ခိုင်မာလာသေးတယ်။ ကျုပ်ဘဝမှာ အမှားတွေ အများကြီး လုပ်ခဲ့တယ်။ ဒါပေမယ့် လက်ထပ်တာမှားတယ်လို့တော့ ဘယ်တော့မှ မခံစားခဲ့ပါဘူး။” လို့ အဖိုးကြီး ခေါင်းလေး တငြိမ့်ငြိမ့်နဲ့ ပြောပြပါတယ်။ 

“ဘဝဆိုတာ အရမ်းကို ခက်ခဲလွန်းပါတယ်ကွာ။ ကျုပ်အတွက် အခုခေတ်လူ့လောကကြီးက တကယ့်ကို နားလည်ရခက်တယ်ကွာ။ ကျုပ်ဘဝကို ပြန်စဉ်းစားလိုက်ရင် သေချာတာတစ်ခုတော့ရှိတယ်။ ဘဝမှာ စွမ်းအားအကြီးဆုံးက ငွေကြေးမဟုတ်ဘူး။ လောဘမဟုတ်ဘူး။ ဒေါသမဟုတ်ဘူး။ ချစ်ခြင်းတရားပါ။ ချစ်ခြင်းတရားကို စကားလုံးတွေနဲ့ ဖေါ်ကျူးလို့ မရဘူး။ ကဗျာဆရာတွေ၊ စာရေးဆရာတွေက ကြိုးစားပြီး ချစ်ခြင်းတရားကို ပုံဖေါ်ကြတယ်။ မရပါဘူးကွာ။ အချစ်ဆိုတာ တစ်ယောက်နဲ့တစ်ယောက် မတူဘူးကွ။ ကျုပ် မိန်းမကို အရမ်းချစ်တယ်။ မင်း မြင်တဲ့အတိုင်းပဲကွာ။ သေရင်တောင်မှ အုတ်ဂူနှစ်ခုယှဉ်ပြီးထားမယ်ကွာ။”

ကျွန်တော့် ဖန်ခွက်အလွတ်ကို အဖိုးကြီးကြည့်လိုက်တယ်။

“မင်းထင်တာထက် ပိုကြာကြာ ကျုပ်ပြောနေမိပြီထင်တယ်။” လို့ အဖိုးကြီး တောင်းပန်စကားဆိုပါတယ်။ 

“လင်မနစ်ဖျော်ရည်ကို မင်းကြိုက်မယ်ထင်ပါတယ်ကွာ။ မင်း ပြန်သွားတဲ့အခါ မင်းမိန်းမ၊ မင်းကလေးတွေကို ချစ်ပါ။ မင်းဘဝရဲ့နေတိုင်း သူတို့ကို ချစ်ပါကွာ။ သူတို့နဲ့ ဘယ်တော့ ခွဲခွါရမလဲဆိုတာကို ဘယ်သူသိနိုင်မှာလဲကွာ။”

ကျွန်တော့်ကားဆီသို့ လမ်းလျှောက်သွားချိန်မှာ အဖိုးကြီးရဲ့စကားလုံးအင်အားတွေကို ခံစားနေရပါတယ်။ အဖိုးကြီး သူ့မိန်းမ ဆုံးသွားတာနှစ်ပေါင်းများစွာကြာပြီး။ သို့သော်လည်း အဖိုးကြီးက ဆက်ပြီး ချစ်နေတာဖြစ်မယ်လို့ ကျွန်တော် ထင်မိပါတယ်။ လစ်မနစ်ဆိုင်လေးနဲ့ တစ်ခါတရံရောက်လာတတ်တဲ့ ဧည့်သည်တွေကို စကားပြောနေရတဲ့ အဖိုးကြီးကို သနားမိပါတယ်။ 

လမ်းမပေါ်ပြန်ရောက်သော်လည်း၊ အဖိုးကြီး ကျွန်တော့်စိတ်ထဲမှ မထွက်ပါဘူး။ ရုတ်တရက် လီမွန်နစ်ဖျော်ရည်ဖိုး ကျွန်တော် မပေးမိဘူးဆိုတာကို သတိရလိုက်ပါတယ်။ ကားကို ပြန်ကွေ့ပြီး မောင်းလာခဲ့ပါတယ်။ အိမ်နားကို ကားရောက်လာတဲ့အခါ ကားတစ်စင်းရပ်ထားတာ တွေ့လိုက်ရပါတယ်။ အခြားကားတစ်စင်းကို တွေ့လိုက်လို့ ကျွန်တော် ရုတ်တရက် အံ့သြသွားပါတယ်။ 

ကျွန်တော် ကားရပ်ပြီး၊ စင်ဝင်အောက်ကို လမ်းလျှောက်သွားပါတယ်။ ဘယ်သူမှ မတွေ့ပါဘူး။ ကုလားထိုင်ပေါ်မှာပိုက်ဆံကို တင်ပေးထားပြီး၊ ပြတင်းပေါက်မှ လှမ်းပြီးကြည့်လိုက်ပါတယ်။ ဧည့်ခန်းအလယ်မှာ အဖိုးကြီး သူ့မိန်းမနဲ့ ဖြေးဖြေးလေး ကနေပါတယ်။ 

ကျွန်တော် သဘောပေါက်နားလည်သွားပါတယ်။ အဖိုးကြီး သူ့မိန်းမကို ထာဝရမဆုံးရှူံးပါဘူး။ နေ့လည်ခင်းတစ်ခု အပြင်ထွက်သွားတာပါ။

ထိုအဖြစ်အပျက်ကိုကြုံတွေ့ခဲ့ပြီး၊ နှစ်ပေါင်းများစွာကြာသော်လည်း ကျွန်တော် အဖိုးကြီးနှင့် သူ့မိန်းမ အကြောင်းကို စဉ်းစားမိနေတုန်းပါ။ သူတို့နေထိုင်ဖြတ်သန်းတဲ့ဘဝမျိုးကို ကျွန်တော် လိုချင်မိပါတယ်။ သူတို့လို ကလေးတွေ၊ မြေးတွေအထိ ချစ်နေချင်မိပါတယ်။ သူ့မိန်းမနဲ့အတူ ကနေတဲ့အဖိုးကြီးဖြစ်ချင်မိပါတယ်။ တကယ်တော့ အချစ်ထက်ကြီးမားတဲ့ဆုမွန်ကောင်းမရှိပါဘူး။

( Chicken Soup for the Couple’s Soul စာအုပ်မှ Lemonade and a Love Story by Justin R.Haskin ကို ဘာသာပြန်ခြင်းဖြစ်ပါသည်။  )

လီမွန်နစ်တစ်ခွက်နှင့် ချစ်ပုံပြင်- ( ၁ )

         ကန္တာရဆန်သော အင်ဒီယားနားလမ်းမကြီးအတိုင်း ကားမောင်းလာစဉ် “လတ်ဆတ်သောလီမွန်နစ်ဖျော်ရည်ရမည်” ဟူသောဆိုင်းဘုတ်ကို တွေ့လိုက်သောကြောင့် ကားကို ဆွဲကွေ့လိုက်ပါသည်။ ဓါတ်ဆီဆိုင် သို့မဟုတ် စတိုးဆိုင်လေးတစ်ဆိုင်တွေ့ရမည်ဟု ထင်မိသော်လည်း တကယ်တမ်းတွေ့လိုက်ရသည်မှာ အိမ်လေးတစ်လုံးပါ။ စင်ဝင်အောက်တွင် အဖိုးကြီးတစ်ယောက်ထိုင်နေပါသည်။ ကျွန်တော် ကားထဲမှထွက်စဉ် အနီးအနားတွင် မည်သူမျှ မတွေ့မိပါ။ အဖိုးကြီးက ကျွန်တော့်ကို လီမွန်နစ်တစ်ခွက်ထည့်ပေးပြီး၊ ထိုင်ခုံနေရာပေးပါသည်။ ထိုနေရာသည် ဂျုံခင်း၊ ကောင်းကင်ကြီး၊ နေရောင်ခြည်တို့နှင့် အလွန်သာယာလှပသောနေရာလေးပါ။

          ကျွန်တော့်ခရီးစဉ်နှင့် ရာသီဥတုအခြေအနေကို စကားစမြည်ပြောမိပါသည်။ ကျွန်တော့်မှာ မိသားစုရှိပါသလားဟု အဖိုးကြီးက မေးပါတယ်။ ကျွန်တော်ကလည်း မင်္ဂလာဆောင်ပြီးတာ မကြာသေးကြောင်း မကြာမှီကလေးရမည်ဟု မျှော်လင့်ရကြောင်း ပြန်ပြောမိသည်။ မိသားစုကို အလွန်အရေးပေးသောကျေနပ်မှုမျိုးဖြင့် အဖိုးကြီးသည် အလွန်ကျေနပ်နေပါသည်။ အဖိုးကြီးက သူ့ဘဝကို ကျွန်တော့်ကို ပြောပြပါသည်။ မှတ်သားလောက်သောကြောင့် ကျွန်တော်ပြန်ပြီး မျှဝေပေးပါရစေ။

         “မိသားစုနဲ့ပတ်သက်ရင်တော့ အမြဲတမ်းအရေးပါတာလေးတွေပါ။ မိန်းမရယ် ကလေးတွေရယ် မင်းပိုင်ဆိုင်တဲ့အိမ်ကလေးတစ်လုံးရယ်ပေါ့ကွာ။ မင်း အရွယ်တုန်းက အချိန်လေးတွေကို အမြဲသတိရနေသေးတယ်ကွာ” လို့ အဖိုးကြီး ပြောပါတယ်။

        “မိသားစုဘဝကို ရလာလိမ့်မယ်လို့ ဘယ်တုန်းကမှ မထင်ခဲ့မိပါဘူး။ ကျုပ်မှာ မိသားစုကြီးကြီးမားမား မရှိပါဘူး။ ဇွဲကောင်းကောင်းနဲ့ တည်ဆောက်ခဲ့ပါတယ်။ ကျွန်တော့်ကို နှစ်ဖက်မိဘတွေ ချစ်ခင်ကြပါတယ်။ အခုအချိန်မှာတော့ နှစ်ဖက်မိဘတွေရဲ့ ရည်ရွယ်ချက်တွေ ကောင်းမွန်ခဲ့တယ်ဆိုတာ သဘောပေါက်ခဲ့ပါပြီ။ အခက်အခဲတွေကို ကြံ့ကြံ့ခံခဲ့ရပါတယ်။ ညပေါင်းများစွာ အိပ်ယာထဲမှာ လှဲရင်း ကွာရှင်းပြတ်စဲခြင်းကို စဉ်းစားခဲ့ရပါတယ်။”

          ဇနီးမယားဆိုတာ ဘာလဲ။ မိသားစုဆိုတာ ဘာလဲ။ ဘာကြောင့် ဒီလိုဖြစ်ရတာလဲ။ ငါ့ကလေးတွေကို အိမ်ထောင်ရေးအဆင်မပြေမှုကို ဘယ်တော့မှ မကြုံတွေ့စေရဘူးလို့ ဆုံးဖြတ်လိုက်ပါတယ်။ 

“ကျုပ် ဆယ်ကျော်သက်အရွယ်တုန်းက စိတ်လှုပ်လှုပ်ရှားရှားဖြစ်ခဲ့ဖူးတယ်။ အချစ်ဆိုတာကို မယုံဘူး။ ပြင်းထန်တဲ့ စိတ်ခံစားမှုတစ်ခုလို့ ထင်ခဲ့တယ်။ သူမနဲ့ကတော့ သူငယ်ချင်းလိုပါဘဲ။ ရှစ်တန်းမှာ ကျုပ်တို့ ကြိုက်သွားကြတယ်။ ကျုပ်တို့ စကားတွေဖေါင်ဖွဲ့အောင်ပြောနေသော်လည်း ရင်ထဲရှိတာတွေကို သိုဝှက်ပြီး မသိအောင် သိမ်းထားကြတယ်။ သူမက အကောင်းဆုံးအဖေါ်မွန်ပါပဲ။ အထက်တန်းကျောင်း တက်တုန်းကာလတွေမှာ ကျုပ်တို့နှစ်ယောက်က စွယ်တော်ရွက်လိုပါ။” လို့ အဖိုးကြီးက ပြောပါတယ်။

“သူမ မိသားစုမှာ ပြဿနာတွေဖြစ်ကြတယ်ကွ။ ကျုပ် သူမကို ကူညီတယ်ကွာ။ အကောင်းဆုံးဂရုစိုက်တယ်ကွာ။ သူမက သိပ်ကိုလှတယ်။ စမတ်ကျတယ်။ အခြားကောင်တွေလဲ သူ့ကို လိုချင်ကြတယ်။ ကျုပ်ကလဲ သူ့ကို ဘယ်လက်လွှတ်ခံနိုင်မှာလဲ။” လို့ အဖိုးကြီးက တွေတွေလေးလေး ပြောပါတယ်။   

  

“ကျုပ်တို့တစ်ခါအတူတူ အပြင်ထွက်ဖို့ ကြိုးစားတယ်ကွာ။ ဒါပေမယ့် မထင်မှတ်တဲ့ ပြဿနာတွေ တက်လာပြီး၊ ၉လလုံးလုံး စကားမပြောကြဘူး။ ဒါပေမယ့် ကျုပ်လဲ စာတိုလေးရေးပြီး ပြန်ဆက်ဖို့ လုပ်တယ်ကွာ။ စာပြန်လာတယ်ကွ။ အခြေအနေတွေ တဖြည်းဖြည်းပြန်ကောင်းလာတယ်ကွာ။ အဲဒီနောက် သူ ကောလိပ်ဆက်တက်တယ်။”

အဖိုးကြီး လီမွန်နစ် ထပ်ထည့်ပေးပါတယ်။

“သူ့အဖေနေတဲ့ မင်နီဆိုတားမှာ သူ ကျောင်းသွားတက်တယ်။ ကျုပ်က ဘေ့စ်ဘော ကစားချင်တယ်။ ကျောင်းတွေ တစ်ကျောင်းပြီး တစ်ကျောင်း ကျုပ်ကို ပယ်ချတယ်ကွ။ နောက်ဆုံးမှ မင်နီဆိုတာပြည်နယ် ကျောင်းအသေးလေးက ကျုပ်ကို လက်ခံလိုက်တယ်။ တော်တော့ကို ခက်ခဲတယ်ကွာ။ အဲဒီအကြောင်းတွေ ပြောပြတော့ သူ ငိုတယ်ကွ။” လို့ အဖိုးကြီးက သူ့ရဲ့ပျော်ရွှင်စရာအချိန်လေးတွေကို ပြုံးရင်းပြောပါတယ်။

“ကျုပ်တို့ စပြီး၊ ချိန်းတွေ့ကြတယ်။ ငါ့အခန်းထဲမှာ သူ့ကို ပထမဆုံးအနမ်းပေးခဲ့ချိန်လေးကို သတိရနေတုန်းပေါ့ကွာ။ ကျုပ် နှလုံးသား အရမ်းကို ခုန်နေပြီး ငြင်းလိုက်မလားလို့ အရမ်းစိုးရိမ်နေတယ်ကွာ။ ဒါပေမယ့် ကျုပ်တို့ရဲ့အချစ်တွေ ဆက်လက်ကြီးထွားလာခဲ့ပါတယ်။ ကောလိပ်ကျောင်းပြီးတော့ ကျုပ် ဘေ့စ်ဘော ဆက်ပြီး ကစားခဲ့တယ်။ ကျုပ်တို့ ဘုရားကျောင်းခုံတွေကြားမှာ သူ့လက်လေးကို ကိုင်ပြီး၊ လက်တွဲလမ်းလျှောက်ရမယ်လို့ ဘယ်တုန်းကမှ မတွေးခဲ့မိပါဘူး။”

“အဖိုးတို့ ကလေးတွေရခဲ့ကြပါသလား” လို့ ကျွန်တော်မေးမိပါတယ်။

အဖိုးကြီးက ပြုံးပြီး ပြန်ပြောတယ်။

“လေးယောက်ရတယ်လေ။”

“ကလေးတွေကို ကျောင်းထားတယ်။ ဘဝကို အကောင်းဆုံးနေထိုင်ဖို့ ကျုပ်တို့သိသလောက် သင်ပေးတယ်ကွာ။ အခုတော့ ကလေးတွေလဲ အိမ်ထောင်ရက်သားကြပြီး သားသမီးတွေ ကိုယ်စီနဲ့ပေါ့။ သူတို့ကလေးတွေနဲ့ ပျော်ပျော်ရွှင်ရွှင်တွေ့ရင် အရမ်းဂုဏ်ယူတယ်။ ဘဝဆိုတာ နေပျော်စရာကြီးပါကွ။”

“ကလေးတွေ အိမ်ခွဲသွားတော့ မိန်းမနဲ့ ကျုပ်နဲ့ ခရီးတွေထွက်ကြတယ်။ ငယ်ငယ်တုန်းကလို တစ်ယောက်ရဲ့လက်ကို တစ်ယောက်က ဆုပ်ကိုင်ထားရင်းပေါ့။”

သက်ဆုံးတိုင် မခွဲဘဲ….

       ချစ်သူစုံတွဲအများစုကတော့ တစ်ယောက်နဲ့တစ်ယောက် သေအတူ၊ ရှင်မကွဲ မခွဲဘဲနေလိုကြပါတယ်။ သို့သော် ကျွန်တော်ကြားဖူးတဲ့ အစီဒေါစထရောက်တို့စုံတွဲရဲ့ သစ္စာတရားနဲ့ ချစ်ခြင်းကိုတော့ အခြားသူတွေမှီဖို့ ခဲယဉ်းပါလိမ့်မယ်။

          ၁၉၁၂ ခုနှစ်မှာ တိုက်တင်းနစ်သင်္ဘောကြီးရဲ့ ကံမကောင်းတဲ့ခရီးစဉ်ကို စတင်ပါတယ်။  စထရောက်တို့ ဇနီးမောင်နှံ သင်္ဘောကြီးပေါ်လိုက်ပါခဲ့ပါတယ်။ သင်္ဘောနဲ့အတူ နစ်မြုပ်ခဲ့တဲ့ အမျိုးသမီး အရေအတွက် သိပ်မများပါဘူး။ တချို့တလေပါပဲ။ ထိုခြွင်းချက်ထဲမှာပါတဲ့ မစ္စစထရောက် တစ်ယောက်ကတော့ ရိုးရှင်းတဲ့အကြောင်းပြချက်ကြောင့် သင်္ဘောကြီးနဲ့အတူ နစ်မြုပ်ခဲ့တာပါ။ သူမ ယောက်ျားကို မခွဲခဲ့နိုင်လို့ပါ။

          ဒီအကြောင်းအရာလေးကို မစ္စစထရောက် ရဲ့အိမ်အကူအမျိုးသမီး မေဘယ်ဘတ် ပြန်ပြောပြခဲ့တာပါ။ 

        “တိုက်တင်းနစ်သင်္ဘောကြီး စနစ်မြုပ်ချိန်မှာ ကြောက်လန့်နေတဲ့အမျိုးသမီးတွေ၊ ကလေးတွေကို အသက်ကယ်လှေပေါ်ကို ပထမဆုံးတင်ပေးကြပါတယ်။” စထရောက် တို့လင်မယားက အရမ်းကို တည်ငြိမ်ပြီး၊ အခြားသူတွေ လှေပေါ်ရောက်အောင် ကူညီပေးကြပါတယ်။ ခရီးသည်တွေကို နှစ်သိမ့်အောင် ဖြောင်းဖြကြပါတယ်။ 

“သူတို့ မကူညီရင် ကျွန်မလဲ ရေနစ်သေမှာပါ။ ကျွန်မရဲ့အသက်ကယ်လှေက လေး၊ ငါးစီးမြောက်လှေပါ။ မစ္စစထရောက် ကျွန်မကို လှေပေါ်ကူတင်ပေးပြီး၊ အနွေးထည်အထူကြီး ကျွန်မကို ဝတ်ပေးပါတယ်။”

       မစ္စတာစထရောက် သူ့မိန်းမကို သူ့ရဲ့အိမ်အကူအမျိုးသမီးနှင့်အတူ လှေပေါ်ကိုတက်ဖို့ပြောပါတယ်။ မစ္စတာစထရောက် လှေပေါ်ကို စတက်ပါတယ်။ လှေပေါ်ကို ခြေတစ်ဖက်တင်အပြီး၊ ရုတ်တရက် စိတ်ပြောင်းသွားပါတယ်။ ပြန်လှည့်ပြီး၊ နစ်နေတဲ့သင်္ဘောပေါ်ကို ပြန်ဆင်းလိုက်ပါတယ်။

“အချစ်ရယ် မင်း လှေပေါ်ကိုပြန်တက်ပါကွယ်” လို့ သူ့ယောက်ျားက ပြောပါတယ်။ 

        သူ့ယောက်ျားမျက်လုံးကို သူ စိုက်ကြည့်နေပါတယ်။ သူ့ဘဝအချိန်အများစုမှာ အတူရှိနေခဲ့သူပါ။ အကောင်းဆုံးမိတ်ဆွေ၊ အကောင်းဆုံးနှလုံးသားအဖေါ်မွန်ဖြစ်ပြီး သူ့စိတ်ဆန္ဒကို အမြဲကျေနပ်နှစ်သိမ့်မှု ပေးခဲ့သူပါ။ သူ့ရဲ့ လက်မောင်းကို ဖမ်းလိုက်ပြီး၊ ကိုယ်ကိုဆွဲဖက်ထားလိုက်ပါတယ်။

“မလိုက်ဘူး။ ကျွန်မ လှေပေါ်ကို မလိုက်ဘူး။ ကျွန်မတို့ နှစ်ပေါင်းများစွာ အတူရှိနေခဲ့ပြီးပြီ။ အခု အသက်တွေကြီးပြီလေ။ ကျွန်မ ရှင့်ကို ခွဲပြီး မသွားနိုင်ဘူး။ ရှင်သွားတဲ့နောက်ကို ကျွန်မလိုက်မယ်။” လို့ ပြောပါတယ်။

          အဲဒီလို တွေ့လိုက်တာနောက်ဆုံးအကြိမ်တွေ့လိုက်ခြင်းပါ။ ကုန်းပတ်ပေါ်မှာ လင်မယားနှစ်ယောက် လက်ချင်းခိုင်ခိုင်မြဲမြဲချိတ်လျှက်၊ ယောက်ျားဖြစ်သူ မိန်းမကို မြဲမြဲမြံမြံကာကွယ်ပြီး၊ ရေအောက်ကို သင်္ဘောနှင့်အတူ နစ်မြုပ်သွားခဲ့ပါတယ်။ ထာဝရအတူ မခွဲမခွါဘဲ…..

(Chicken Soup for the Couple’s Soul စာအုပ်မှ Till Death Us Do Part by Barbara De Angelis, Ph.D .ကို ဘာသာပြန်ခြင်းဖြစ်ပါသည်။  )