“ဇင်” ကို
အလုပ်လုပ်ကိုင်ရာ၌ အသုံးချရန် နည်းတစ်နည်းရှိ၏။ ယင်းမှာ အချိန်တစ်ချိန်၌ အလုပ်တစ်ခုတည်း၌သာ
“တည်”ရန်တည်း။ ယနေ့ကာလများ၌ ကိစ္စများကို တစ်ပြိုင်နက် ပြုလုပ်နိုင်ရမည် (
multi-tasking ) ဟူသော “တွန်းမှု” ဝန်ထမ်းတို့အပေါ်ရှိနေသည်။ တစ်ချိန်တည်း တစ်ပြိုင်နက်
ကိစ္စမြားမြောင် သင်လုပ်ကိုင်ရအံ့၊ သင့်စွမ်းအင်များ ပြန့်ကြဲမည်တည်း။ တစ်ချိန်၌ ကိစ္စတစ်ခုထက်
ပိုလုပ်ခြင်းကို ရပ်တန့်ပစ်လော့။ စိတ်ပြန့်လွင့်က၊ ကိစ္စဝိစ္စကို လျောက်ပတ်အောင် ဆောင်ရွက်ရန်
ခက်ခဲလှကြောင်း ကျုပ်တို့ သိသည်။ တစ်ခုမစမှီ တစ်ခုကိုပြီးရမည်ဟု ဆိုလိုသည်မဟုတ်။ ကိစ္စတစ်ခု
ဆောင်ရွက်စဉ် အာရုံမများနှင့် ယင်း၌သာ တည်ကြည်ဟုသာ ဆိုလိုသည်။ ဖိုင်တွဲစဉ် ဖိုင်တွဲ၊
တယ်လီဖုန်းခေါ်သံကို ပြန်ထူးစဉ် ခေါ်သံကိုပဲထူး။
အပျော်တမ်း
“ဇင်”ကျင့်စဉ်ကျင့်သူတစ်ယောက်က အောက်ပါသင်ခန်းစာတချို့ကို ဝက်ဘ်ဆိုက်တစ်ခုမှာ မျှသည်။
ရှုကြပါ။
- “အား”
ထက် ပြောင်းနွဲ့ညွှတ်ကွေး၊
ရေနဲ့တူစေ၊ အဟန့်အတားကို ပတ်၍စီး ( အဟန့်အတားဟူရာ၌ လူလည်းပါဝင်၊
“မင်း”သွားမယ့်လမ်းကလူတွေ)၊ အားကို ပြောင်ပြောင်တင်းတင်း သုံးက တင်းလို့ပြတ်မည်။
- ခံစားမှုများကို
ထိန်း၊ ခံစားမှုက မင်းကို မလွှမ်းစေနဲ့။
ဒေါသကြီးသူ အကြင်နာသူသည် သူ့ကိုယ်သူပင် အရှုံးတွေ့စေမည်။
- တစ်နေ့တာ၏
ဘာသာဘာဝ၊ သပ္ပါယမျှတနေမှုကို သိလော့။
အလုပ်နှင့်အိမ်၊ အလုပ်နှင့် မိသားစု၊ အလုပ်နှင့် မိမိမျှအောင်ထိန်း။
- ပစ္စုပ္ပန်တစ်ခဏ၏
အဖိုးမဖြတ်နိုင်သော အစားထိုးမရမှုကို သတိပြုလော့။ ပစ္စုပ္ပန်ဆတ်ဆတ်၌ နေမှုကြောင့်၊ အတိတ်မှ
သင်ခန်းစာကိုလည်း မယူ၊ အနာဂါတ်အတွက် ပြင်ဆင်ရန်မလိုဟုလည်း မယူလိုက်နှင့်။
- မင်းရဲ့ခွက်ကို
ဗလာဖြစ်စေလော့။ ထို့နောက်မှ ယနေ့သင်ခန်းစာများနှင့် ဖြည့်လော့။ နေ့စဉ်နေ့တိုင်း ခဏတိုင်း
သိစရာများကို မင်းသိနေတယ်။ ယင်းတို့အား အသုံးချလော့။
- အလုပ်၌သာ
အာရုံထား၊ အာရုံကို ရလဒ်ပေါ် မတင်နှင့်။ စိတ်၌ ပန်းတိုင်ထူထောင်ခြင်းကား အရေးကြီး၊ သို့သော်
ပန်းတိုင်အပေါ်ချည်းသာ စူးစိုက်နေလျှင်ကား လက်ငင်းကိစ္စကို ထိထိရောက်ရောက် လုပ်နိုင်မည်မဟုတ်၊
လက်ငင်းလုပ်စရာ ကိုယ့်ဆောင်တာကို လျှော်အောင်သာဆောင်၊ ရည်ရွယ်သမျှပြီးသည်။
- ဘာသာဘာဝ
( စိတ်မှတ်မဲ့စွာ )
လုပ်ဆောင်ဖို့ လေ့ကျင့်ပါ။ ရိုးရှင်းသော လူတို့နှင့် လုပ်တတ်၊ ကိုင်တတ်ခြင်း( People
skills ) ကား အလိုလျှောက်စီးဆင်းကာ၊ ပင်ကိုယ်သဘာဝက ထွက်လာသော် အထိရောက်ဆုံး။ တကယ့်ရင်းချာ
ကူညီတတ်သော လူတစ်ယောက်ရှိသည်။ နောက်တစ်ယောက်ကား အဲဒါ သူ့အလုပ်မို့ သူလုပ်နေ၊ ထိုနှစ်ယောက်အနက်
မည်သူက ပို၍ စွမ်းမလဲ စဉ်းစားကြည့်။
- ကြောက်ခြင်းကား
အရိပ်။ အကောင်အထည် မဟုတ်။
ကျုပ်တို့၏ ကြောက်ခြင်းအများစုမှာ အနာဂါတ်အတွက် ကြောက်ရွံ့နေခြင်း
မဟုတ်လော။ ထိုအရာကား ယခုထိ မဖြစ်သေး၊ တကယ်လည်း မဟုတ်။ ကြောက်ခြင်းကား စွမ်းအားကို ပစ္စုပ္ပန်မှ
ယိုထွက်စေသည်။ တကယ်တော့ ထိုစွမ်းအားကား၊ လက်ငင်းဘေးကျပ်နံကျပ် အခြေအနေမှ မင်းကို မလွတ်ကျွတ်စေမည့်စွမ်းအား။
ကစားပွဲ၌ ပြိုင်ဘက်ကို အနိုင်ယူလိုသော် မိမိကိုယ်ကိုယ်သာ တိုးတက်အောင်လုပ်၊ ပြိုင်ဘက်အားလဲကျအောင်လုပ်ခြင်းမှာ
အကောင်းဆုံးနည်း မဟုတ်။ ကိုယ့်ကို ကိုယ်ဆွဲထူ၊ ထိုနည်းသာ အကောင်းဆုံးနည်း။ ပြိုင်ဘက်အချို့မှာ
သူတို့ကိုယ်တိုင်၏ လိုအပ်ချက်များကြောင့်သာ လဲကျသွားလိမ့်မည်။ လဲကျမည် မုချ။ ကိုယ်လုပ်စရာရှိတာကိုသာလုပ်။
- ကိုယ့်ကိုကိုယ်အား
ခဏတော့ ရပ်နားခွင့်ပေး။ နားခြင်းဖြင့် ရွှင်လန်းစေလော့။ မရပ်နားက မင်းရသမျှ အဆံမပါ၊
သင်္ကြန်အမြောက်၊ မင်းစိတ်အား သန့်ရှင်းကြည်လင်ဖို့ အချိန်ပေး၊ သန့်ရှင်းသောစိတ်ကသာ ဆောင်ရွက်နိုင်၊
တုန့်ပြန်နိုင်၊ ထိထိရောက်ရောက် ရောက်ရှိနိုင်သည် မဟုတ်လော။
( “Zen in
101 Simple Lessons” မှ ကောက်နုတ်ပြန်ဆိုသည်။
)
( “စင်ကြယ်သောစိတ်”
စာအုပ်မှ ကူးယူဖေါ်ပြပါသည်။ တင်ဝင်းထွန်း )
