အောက်ပါစာသားတွေကို ဝက်မင်စတာခရစ်ယန်ဘုန်းတော်ကြီးကျောင်းရှိ
သင်္ချုင်းဝင်းအတွင်း အင်္ဂလိကန်ဘုန်းတော်ကြီးအုတ်ဂူပေါ်တွင်ရေးထိုးထားပါသည်။
“လွတ်လပ်တဲ့ငယ်စဉ်ဘဝမှာ
ကျွန်ုပ်ရဲ့စိတ်ကူးတွေက အကန့်အသတ်မဲ့ပါ။ ကမ္ဘာကြီးကို ပြောင်းလဲဖို့ အမြဲအိပ်မက်မက်ခဲ့ပါတယ်။
အသက်အရွယ်လေးရလာတော့ ဥာဏ်ပညာပိုရှိလာပြီး၊ ကမ္ဘာကြီးကို ပြောင်းလဲဖို့မလွယ်ဘူးဆိုတာ
သဘောပေါက်လာပါတယ်။ ဒါကြောင့် ကျွန်ုပ်ရဲ့မြင်ကွင်းကို နည်းနည်းကျဉ်းပြီး ကျွန်ုပ်ရဲ့နိုင်ငံကိုပြောင်းလဲတော့မယ်လို့
ဆုံးဖြတ်လိုက်ပါတယ်။
သို့သော်လည်း
ထိုအမြင်ကို ထပ်ပြီးပြောင်းလဲရဦးမယ့်ပုံပေါ်ပါတယ်။
နှစ်ပေါင်းများစွာကြာညောင်းလာပြန်တော့၊
နောက်ဆုံးအနေနဲ့ ကျွန်ုပ်ရဲ့မိသားစုကို ပြောင်းလဲမယ်လို့ ဆုံးဖြတ်ခဲ့ပြန်တယ်။ သို့သော်လည်း
သူတို့ကို မပြောင်းလဲနိုင်ပြန်ဘူး။
အခုအချိန်မှာ
သေရာညောင်စောင်းမှာ ကျွန်ုပ် လဲလျောင်းနေရပါပြီ။ အဲဒီအချိန်မှာ ကျွန်ုပ် ရုတ်တရက် သိလိုက်ပါတယ်။
ကျွန်ုပ် ကိုယ်ကို
ပထမဆုံးပြောင်းလဲခဲ့သင့်တာပါ။ ပြီးတော့ ကျွန်ုပ်ရဲ့မိသားစုကို ပြောင်းလဲရပါမယ်။
သူတို့ရဲ့စိတ်ဝင်စားမှုတွေ၊
အားပေးမှုတွေကို ရယူပြီး၊ ကျွန်ုပ်ရဲ့နိုင်ငံကို ပြောင်းလဲနိုင်မှာပါ။ ထိုမှတဆင့် ကျွန်ုပ်
ကမ္ဘာကြီးတစ်ခုလုံးပြောင်းလဲနိုင်ပါလိမ့်မယ်။
Anonymous
( Start With Yourself- Anonymous ကို ဘာသာပြန်ဆိုပါသည်။
)
No comments:
Post a Comment