တစ်ဦးချင်း တစ်ယောက်ချင်းမှ…(1)

 တခါကအင်တာဗျူးတစ်ခုတွင် ဆရာအောင်မောင်းက ပါမောက္ခဒေါက်တာဒေါ်ခင်စန်းရီးကို မေးခွန်းတစ်ခုမေးပါသည်။ မေးခွန်းမှာ …ဂျပန်ပြည်မှ စက်ပစ္စည်းများကို တရုတ်ပြည်သို့ ပို့၍ တရုတ်လုပ်သားများနှင့် ထုတ်လုပ်စေပါက၊ မူလဂျပန်ပြည်တွင် ထုတ်လုပ်သည့်အတိုင်း ကုန်ချော ပစ္စည်းအရည်အသွေးကောင်းမွန်ပါမည်လား…. ဆိုသည့် မေးခွန်းပင် ဖြစ်သည်။ ထိုမေးခွန်းကို ဆရာမကြီးက မတူညီနိုင်ပါဟု ပြန်ဖြေပါသည်။ အဘယ်ကြောင့်ဆိုသော် စက်ပစ္စည်းများတူညီသော်လည်း၊ လုပ်သားများ၏ အရည်အသွေးသည် မတူညီကွာခြားသောကြောင့် ဖြစ်ပါသည်။ ပစ္စည်းများကို ထုတ်လုပ်ရာတွင် စက်တစ်ခုထဲမှ ထုတ်လုပ်သည် မှန်သော်လည်း၊ ထွက်ရှိလာသည့် ပစ္စည်းအားလုံး၏ အတိုင်းအတာ၊ အရည်အသွေးသည် တူညီမှုမရှိပါ။ စက်တစ်ခုတွင် ထိန်းညှိသောစနစ်များကို ကိုင်တွယ်နေသူ၏ အရည်အသွေး  နှင့် ဂရုစိုက်မှုအပေါ်တွင် များစွာ မူတည်ပါသည်။ 

          ထိုစက်ရုံ၏ အရည်အသွေးကို စီမံခန့်ခွဲသော စနစ်ကွာခြားသလို ပစ္စည်း၏ အရည်အသွေးလည်း ကွာခြားနိုင်ပါသည်။ အလုပ်သမားတစ်ဦးစီ၏ မိမိအလုပ်နှင့်ပတ်သက်၍ တာဝန်ယူမှု၊ ဂရုစိုက်မှု အပေါ်တွင်လည်း မူတည်ပါသည်။ ဂျပန်ပြည်ရှိ အလုပ်သမားတို့၏ အလုပ်ကြိုးစားသောစိတ်ဓါတ်၊ တာဝန်ယူသောစိတ်ဓါတ်တို့ကြောင့် အရည်အသွေးကောင်းမွန်သောပစ္စည်းများ ထုတ်လုပ်နိုင်ခြင်း ဖြစ်သည်။ 

          အစ္စရေးနိုင်ငံသည် စတင်ထူထောင်ခဲ့စဉ်ကာလက အလွန်ခက်ခဲကြမ်းတမ်းခဲ့ပါသည်။ အိမ်နီးချင်းနိုင်ငံများသည် ရန်ဘက်နိုင်ငံများအဖြစ် ဝန်းရံလျှက်ရှိပါသည်။ နိုင်ငံအသစ်တွင် အစစအရာရာ ချို့တဲ့ပြီး၊ တိုက်ပွဲပေါင်းများစွာကို တိုက်ခိုက်နေခဲ့ရပါသည်။ အဝေးနိုင်ငံတို့တွင် ပြန့်ကျဲနေသောဂျူးလူမျိုးတို့သည် ထူထောင်ကာစနိုင်ငံအသစ်သို့ ပြန်လည်ဝင်ရောက်ကာ၊ နိုင်ငံတည်ဆောက်ရေးများကို လုပ်ကိုင်ကြပါသည်။ အဝေးနိုင်ငံတို့တွင် အတည်တကျအလုပ်အကိုင်ကောင်းတို့ဖြင့် အဆင်ပြေနေသောသူတို့သည် အစ္စရေးနိုင်ငံသစ်တွင် အလုပ်မရွေးပဲ၊ သင့်တော်သောအလုပ်ကို လုပ်ကိုင်ကြရပါသည်။ အမေရိကန်နိုင်ငံရှိ သံစုံတီးဝိုင်းကြီးရှိ တယောပညာရှင်က အစ္စရေးနိုင်ငံသစ်တွင် လက်လုပ်လက်ပစ်ဗုံးကို စနစ်တံကျပ်သည် အလုပ်ကို လုပ်ပေးခဲ့သည်။ စနစ်တံကျပ်သည့် လက်အချိန်အဆသည် အလွန်အရေးကြီးပါသည်။ အချိန်အဆလိုလျှင် သတ်မှတ်ထားသောအချိန်အတိုင်းအတာ မရောက်မှီပေါက်ကွဲပါက ပေါက်ကွဲမှုသည် မထိရောက်ပါ။ အချိန်အဆသည် လိုအပ်သည်ထက်များသွားလျှင် အချိန်ကျော်လွန်သွားမှ ပေါက်ကွဲခြင်း ဖြစ်ပါလိမ့်မည်။ 

          ထိုသို့ လက်ပစ်ဗုံးစနစ်တံကျပ်ခြင်းကို လုပ်ကိုင်စဉ်အတွင်း လက်ပစ်ဗုံးသည် ပေါက်ကွဲနိုင်ပါသည်။ ထိုသို့အန္တရာယ်များပြီး အသက်နှင့်ရင်းနှီးရသောအလုပ်ကို တယောပညာရှင်က လုပ်ကိုင်သည်မှာ သူ၏ နိုင်ငံအပေါ်ထားရှိသည့် မျိုးချစ်စိတ်ဓါတ်ကို ပြသခြင်းဖြစ်သည်။ 

          စက်ပစ္စည်းအစိတ်အပိုင်းတစ်ခုတွင် ကုန်ကြမ်းအဆင့်မှ အပြီးသတ်ထုတ်လုပ်မှုအဆင်သို့ မရောက်မှီအဆင့်ပေါင်းများစွာ ဖြတ်သန်းရပါသည်။ အဆင့်တစ်ဆင့်တွင် သတ်မှတ်ထားချက်များကို အရည်အသွေးပြည့်မှီမှ နောက်တစ်ဆင့်သို့ ကူးပြောင်းရပါသည်။ အဆင့်တစ်နေရာတွင် အရည်အသွေး မပြည့်ဝလျှင် နောက်အဆင့်နေရာများတွင်လည်း အရည်အသွေးမပြည့်ဝနိုင်တော့ပါ။ စက်ပစ္စည်းတစ်ခုတွင် စက်အစိတ်အပိုင်းတစ်ခု ချို့ယွင်းအရည်အသွေး မပြည့်မှီလျှင် စက်တစ်ခုလုံး၏ အရည်အသွေးသည် ကျဆင်းသွားပါလိမ့်မည်။ ဆိုလိုသည်မှာ စက်တစ်ခု၏အရည်အသွေးသည် ထိုစက်တွင်ပါဝင်သောအစိတ် အပိုင်းများ၏ အရည်အသွေးအပေါ်တွင် မူတည်ပါသည်။ အစိတ်အပိုင်းတို့၏ အရည်အသွေးသည်လည်း ထုတ်လုပ်မှုတိုင်း၊ အဆင့်တိုင်းအတွက် သတ်မှတ်ချက်များကို ပြည့်မှီရမည်ဖြစ်သည်။

         တရုတ်နိုင်ငံတွင် တည်ဆောက်သောသင်္ဘောတို့ရှိ ပိုက်လိုင်းစနစ်များတွင် ပါဝင်သောပိုက်လိုင်းများ၏ အဆက်များသည် လူမြင်ရန် မလွယ်ကူသောနေရာများတွင် သုံးရမည်ဘို့နှင့် နပ်လေးလုံးရှိလျှင် သုံးလုံးသာတပ်ထားပါသည်။ ထိုသုံးလုံးတွင် တကယ်တမ်း ကျပ်အောင်တိုက်ထားသည့်အလုံးမှာ နှစ်လုံးသာဖြစ်ပါသည်။ နပ်( nuts) တစ်လုံးကို မည်မျှခိုင်အောင် ကျပ်ထားသနည်းဟူသော မေးခွန်း၏ အဖြေကို ထိုအလုပ်သမားကိုယ်တိုင်သာ ဖြေနိုင်ပါလိမ့်မည်။ သို့သော် ကျွန်တော်တို့ကဲ့သို့ နိုင်ငံြ့ခားသားများအမြင်တွင် ထိုအလုပ်သမား၏ လုပ်ရပ်သည် တရုတ်နိုင်ငံအလုပ်သမားထု၏ လုပ်ရပ်ကဲ့သို့ ထင်မြင်မိပါသည်။

( Zawgyi ) 

       တခါကအင္တာဗ်ဴးတစ္ခုတြင္ ဆရာေအာင္ေမာင္းက ပါေမာကၡေဒါက္တာေဒၚခင္စန္းရီးကို ေမးခြန္းတစ္ခုေမးပါသည္။ ေမးခြန္းမွာ …ဂ်ပန္ျပည္မွ စက္ပစၥည္းမ်ားကို တရုတ္ျပည္သို႔ ပို႔၍ တရုတ္လုပ္သားမ်ားႏွင္႔ ထုတ္လုပ္ေစပါက၊ မူလဂ်ပန္ျပည္တြင္ ထုတ္လုပ္သည္႔အတိုင္း ကုန္ေခ်ာ ပစၥည္းအရည္အေသြးေကာင္းမြန္ပါမည္လား…. ဆိုသည္႔ ေမးခြန္းပင္ ျဖစ္သည္။ ထိုေမးခြန္းကို ဆရာမႀကီးက မတူညီႏိုင္ပါဟု ျပန္ေျဖပါသည္။ အဘယ္ေၾကာင္႔ဆိုေသာ္ စက္ပစၥည္းမ်ားတူညီေသာ္လည္း၊ လုပ္သားမ်ား၏ အရည္အေသြးသည္ မတူညီကြာျခားေသာေၾကာင္႔ ျဖစ္ပါသည္။ ပစၥည္းမ်ားကို ထုတ္လုပ္ရာတြင္ စက္တစ္ခုထဲမွ ထုတ္လုပ္သည္ မွန္ေသာ္လည္း၊ ထြက္ရိွလာသည္႔ ပစၥည္းအားလုံး၏ အတိုင္းအတာ၊ အရည္အေသြးသည္ တူညီမႈမရိွပါ။ စက္တစ္ခုတြင္ ထိန္းညိွေသာစနစ္မ်ားကို ကိုင္တြယ္ေနသူ၏ အရည္အေသြး  ႏွင္႔ ဂရုစိုက္မႈအေပၚတြင္ မ်ားစြာ မူတည္ပါသည္။ 

          ထိုစက္ရုံ၏ အရည္အေသြးကို စီမံခန္႔ခြဲေသာ စနစ္ကြာျခားသလို ပစၥည္း၏ အရည္အေသြးလည္း ကြာျခားႏိုင္ပါသည္။ အလုပ္သမားတစ္ဦးစီ၏ မိမိအလုပ္ႏွင္႔ပတ္သက္၍ တာဝန္ယူမႈ၊ ဂရုစိုက္မႈ အေပၚတြင္လည္း မူတည္ပါသည္။ ဂ်ပန္ျပည္ရိွ အလုပ္သမားတို႔၏ အလုပ္ႀကိဳးစားေသာစိတ္ဓါတ္၊ တာဝန္ယူေသာစိတ္ဓါတ္တို႔ေၾကာင္႔ အရည္အေသြးေကာင္းမြန္ေသာပစၥည္းမ်ား ထုတ္လုပ္ႏိုင္ျခင္း ျဖစ္သည္။ 

          အစၥေရးႏိုင္ငံသည္ စတင္ထူေထာင္ခဲ႔စဥ္ကာလက အလြန္ခက္ခဲၾကမ္းတမ္းခဲ႔ပါသည္။ အိမ္နီးခ်င္းႏိုင္ငံမ်ားသည္ ရန္ဘက္ႏိုင္ငံမ်ားအျဖစ္ ဝန္းရံလွ်က္ရိွပါသည္။ ႏိုင္ငံအသစ္တြင္ အစစအရာရာ ခ်ိဳ႕တဲ႔ၿပီး၊ တိုက္ပြဲေပါင္းမ်ားစြာကို တိုက္ခိုက္ေနခဲ႔ရပါသည္။ အေဝးႏိုင္ငံတို႔တြင္ ျပန္႔က်ဲေနေသာဂ်ဴးလူမ်ဳိးတို႔သည္ ထူေထာင္ကာစႏိုင္ငံအသစ္သို႔ ျပန္လည္ဝင္ေရာက္ကာ၊ ႏိုင္ငံတည္ေဆာက္ေရးမ်ားကို လုပ္ကိုင္ၾကပါသည္။ အေဝးႏိုင္ငံတို႔တြင္ အတည္တက်အလုပ္အကိုင္ေကာင္းတို႔ျဖင္႔ အဆင္ေျပေနေသာသူတို႔သည္ အစၥေရးႏိုင္ငံသစ္တြင္ အလုပ္မေရြးပဲ၊ သင္႔ေတာ္ေသာအလုပ္ကို လုပ္ကိုင္ၾကရပါသည္။ အေမရိကန္ႏိုင္ငံရိွ သံစုံတီးဝိုင္းႀကီးရိွ တေယာပညာရွင္က အစၥေရးႏိုင္ငံသစ္တြင္ လက္လုပ္လက္ပစ္ဗုံးကို စနစ္တံက်ပ္သည္ အလုပ္ကို လုပ္ေပးခဲ႔သည္။ စနစ္တံက်ပ္သည္႔ လက္အခ်ိန္အဆသည္ အလြန္အေရးႀကီးပါသည္။ အခ်ိန္အဆလိုလွ်င္ သတ္မွတ္ထားေသာအခ်ိန္အတိုင္းအတာ မေရာက္မွီေပါက္ကြဲပါက ေပါက္ကြဲမႈသည္ မထိေရာက္ပါ။ အခ်ိန္အဆသည္ လိုအပ္သည္ထက္မ်ားသြားလွ်င္ အခ်ိန္ေက်ာ္လြန္သြားမွ ေပါက္ကြဲျခင္း ျဖစ္ပါလိမ္႔မည္။ 

          ထိုသို႔ လက္ပစ္ဗုံးစနစ္တံက်ပ္ျခင္းကို လုပ္ကိုင္စဥ္အတြင္း လက္ပစ္ဗုံးသည္ ေပါက္ကြဲႏိုင္ပါသည္။ ထိုသို႔အႏၱရာယ္မ်ားၿပီး အသက္ႏွင္႔ရင္းႏွီးရေသာအလုပ္ကို တေယာပညာရွင္က လုပ္ကိုင္သည္မွာ သူ၏ ႏိုင္ငံအေပၚထားရိွသည္႔ မ်ဳိးခ်စ္စိတ္ဓါတ္ကို ျပသျခင္းျဖစ္သည္။ 

          စက္ပစၥည္းအစိတ္အပိုင္းတစ္ခုတြင္ ကုန္ၾကမ္းအဆင္႔မွ အၿပီးသတ္ထုတ္လုပ္မႈအဆင္သို႔ မေရာက္မွီအဆင္႔ေပါင္းမ်ားစြာ ျဖတ္သန္းရပါသည္။ အဆင္႔တစ္ဆင္႔တြင္ သတ္မွတ္ထားခ်က္မ်ားကို အရည္အေသြးျပည္႔မွီမွ ေနာက္တစ္ဆင္႔သို႔ ကူးေျပာင္းရပါသည္။ အဆင္႔တစ္ေနရာတြင္ အရည္အေသြး မျပည္႔ဝလွ်င္ ေနာက္အဆင္႔ေနရာမ်ားတြင္လည္း အရည္အေသြးမျပည္႔ဝႏိုင္ေတာ႔ပါ။ စက္ပစၥည္းတစ္ခုတြင္ စက္အစိတ္အပိုင္းတစ္ခု ခ်ဳိ႕ယြင္းအရည္အေသြး မျပည္႔မွီလွ်င္ စက္တစ္ခုလုံး၏ အရည္အေသြးသည္ က်ဆင္းသြားပါလိမ္႔မည္။ ဆိုလိုသည္မွာ စက္တစ္ခု၏အရည္အေသြးသည္ ထိုစက္တြင္ပါဝင္ေသာအစိတ္ အပိုင္းမ်ား၏ အရည္အေသြးအေပၚတြင္ မူတည္ပါသည္။ အစိတ္အပိုင္းတို႔၏ အရည္အေသြးသည္လည္း ထုတ္လုပ္မႈတိုင္း၊ အဆင္႔တိုင္းအတြက္ သတ္မွတ္ခ်က္မ်ားကို ျပည္႔မွီရမည္ျဖစ္သည္။

         တရုတ္ႏိုင္ငံတြင္ တည္ေဆာက္ေသာသေဘၤာတို႔ရိွ ပိုက္လိုင္းစနစ္မ်ားတြင္ ပါဝင္ေသာပိုက္လိုင္းမ်ား၏ အဆက္မ်ားသည္ လူျမင္ရန္ မလြယ္ကူေသာေနရာမ်ားတြင္ သုံးရမည္ဘို႔ႏွင္႔ နပ္ေလးလုံးရိွလွ်င္ သုံးလုံးသာတပ္ထားပါသည္။ ထိုသုံးလုံးတြင္ တကယ္တမ္း က်ပ္ေအာင္တိုက္ထားသည္႔အလုံးမွာ ႏွစ္လုံးသာျဖစ္ပါသည္။ နပ္( nuts) တစ္လုံးကို မည္မွ်ခိုင္ေအာင္ က်ပ္ထားသနည္းဟူေသာ ေမးခြန္း၏ အေျဖကို ထိုအလုပ္သမားကိုယ္တိုင္သာ ေျဖႏိုင္ပါလိမ္႔မည္။ သို႔ေသာ္ ကၽြန္ေတာ္တို႔ကဲ႔သို႔ ႏိုင္ငံျ့ခားသားမ်ားအျမင္တြင္ ထိုအလုပ္သမား၏ လုပ္ရပ္သည္ တရုတ္ႏိုင္ငံအလုပ္သမားထု၏ လုပ္ရပ္ကဲ႕သို႔ ထင္ျမင္မိပါသည္။